SKÐRSLA ÌBYGGžANEFNDAR - Óbyggðanefnd

1. ÚRLAUSNAREFNI, SKIPAN OG AÐILD
Ár 2003, föstudaginn 14. nóvember, er í óbyggðanefnd, sem starfar samkvæmt lögum um þjóðlendur
og ákvörðun marka eignarlanda, þjóðlendna og afrétta, nr. 58/1998, sbr. lög nr. 65/2000, tekið
fyrir málið
nr. 1/2001, Öræfi í sveitarfélaginu Hornafirði,
hvort og þá hvaða land teljist til þjóðlendna,
hver séu mörk þjóðlendu við eignarland,
hvaða hluti þjóðlendu sé nýttur sem afréttur
og hver séu eignarréttindi innan þjóðlendu,
og í því kveðinn upp svohljóðandi
ÚRSKURÐUR
Úrskurð þennan kveða upp Karl Axelsson, formaður óbyggðanefndar, og nefndarmennirnir Allan
V. Magnússon og Ragnheiður Bragadóttir.
Aðilar málsins eru: 1
Fjármálaráðherra f.h. íslenska ríkisins vegna þjóðlendna og jarðanna Skaftafells I og III og
Sandfells, samkvæmt 11. gr. laga nr. 58/1998.
(Ólafur Sigurgeirsson hrl.).
Eigendur jarðanna Svínafells, Hofs, Fagurhólsmýrar, Hnappavalla, Kvískerja og eyðijarðanna
Fjalls og Breiðármerkur.
(Ólafur Björnsson hrl.)
Eigendur jarðarinnar Skaftafells II.
(Páll Arnór Pálsson hrl.)
Eigandi jarðarinnar Núpsstaðar.
(Bragi Björnsson hdl. og Einar Jónsson lögfræðingur)
Landsvirkjun.
(Þórður Bogason hdl.).
2. MÁLSMEÐFERÐ
Þann 1. júlí 1998 tóku gildi lög um þjóðlendur og ákvörðun marka eignarlanda, þjóðlendna og
afrétta, nr. 58/1998. Lögin kveða á um að starfa skuli óbyggðanefnd sem hafi með höndum eftirfarandi
hlutverk, skv. 7. gr.:
a. Að kanna og skera úr um hvaða land telst til þjóðlendna og hver séu mörk þeirra og
eignarlanda.
b. Að skera úr um mörk þess hluta þjóðlendu sem nýttur er sem afréttur.
c. Að úrskurða um eignarréttindi innan þjóðlendna.
1 Sjá nánar í fylgiskjali nr. IV (aðilaskrá).
17