SKÐRSLA ÌBYGGžANEFNDAR - Óbyggðanefnd
SKÐRSLA ÌBYGGžANEFNDAR - Óbyggðanefnd
SKÐRSLA ÌBYGGžANEFNDAR - Óbyggðanefnd
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
106<br />
9.2. Jarðir og afréttir<br />
Í almennum niðurstöðum óbyggðanefndar í málum nr. 1-7/2000 er grein gerð fyrir þeirri flokkun<br />
lands sem byggt var á fram að gildistöku þjóðlendulaga og fól í sér skiptingu í jarðir, afrétti og almenninga.<br />
Þar kemur fram að jörð sé landsvæði sem upprunalega hefur verið ráðstafað úr einstökum<br />
landnámum, stofnað til nýbýlis á eða eignarhefð unnin yfir. Líkur eru á því að land, sem samkvæmt<br />
fyrirliggjandi heimildum er eða hefur verið jörð, sé beinum eignarrétti háð. Sönnunarbyrðin<br />
hvílir á þeim sem heldur öðru fram.<br />
Í almennri umfjöllun um hugtakið jörð kemur m.a. fram að þó svo hvorki verði ráðið af eldri né<br />
yngri löggjöf að almennt sé gert ráð fyrir því að land innan jarðar hafi mismunandi eignarréttarlega<br />
stöðu, annars vegar heimaland, undirorpið sérstakri og meiriháttar nýtingu, og hins vegar annað<br />
land, úthagi eða afréttarland í takmarkaðri notum, þá finnast allt að einu einstök dæmi um slíka<br />
skiptingu. Af slíkum dæmum verða þó engar almennar ályktanir dregnar um mismunandi eignarréttarlega<br />
stöðu lands innan jarðar.<br />
Afrétti hefur óbyggðanefnd flokkað í þrennt á grundvelli uppruna. Í fyrsta lagi samnotaafrétti, þ.e.<br />
þá afrétti sem skv. elstu heimildum hafa verið í sameiginlegum notum jarða í tilteknu sveitarfélagi eða<br />
á afmörkuðu svæði. Líkur eru á því að land, sem samkvæmt fyrirliggjandi heimildum er samnotaafréttur,<br />
sé þjóðlenda. Sönnunarbyrðin hvílir því á þeim sem öðru heldur fram. Í öðru lagi afrétti<br />
einstakra jarða og stofnana, sem skv. elstu heimildum tilheyrðu einstökum jörðum, lögpersónum<br />
eða stofnunum, fyrst og fremst kirkjunum. Umræddir afréttir eru að meginstefnu skildir frá viðkomandi<br />
heimajörð með sjálfstæðum merkjum eða, í sumum tilvikum, af öðrum fasteignum. Kröfur til<br />
sönnunar eignarréttar að slíkum afréttum eru í aðalatriðum sambærilegar sönnunarkröfum um eignarhald<br />
að samnotaafréttum. Í þriðja lagi er um að ræða jarðir sem að hluta eða öllu leyti hafa verið lagðar<br />
til afréttar og gilda þar um sambærilegar sönnunarkröfur og um eignarhald að landi jarða yfirleitt.<br />
Til viðbótar og fyllingar þessum meginforsendum er óhjákvæmilegt að huga nokkru nánar að<br />
ákveðnum tilvikum sem virðast á mörkum framangreindra flokka. Innan merkja jarða kunna að<br />
finnast svæði sem kölluð eru afréttur en hafa þó ekki sjálfstæða afmörkun. Jafnvel er sá möguleiki<br />
fyrir hendi að þau séu á einhvern hátt afmörkuð. Hér má einnig nefna svæði sem kölluð eru afréttarland,<br />
fjallhagi, beitiland, upprekstrarland eða eru auðkennd með sambærilegum hætti. Í þessu þarf<br />
ekki að felast mismunandi eignarréttarleg staða lands innan jarðarinnar. Hugsanlegt er að vísað sé<br />
til gamalgróinnar notkunar á viðkomandi jarðarhluta sem beitarlandi. Þýðing hugtaksins afréttur<br />
hefur lengi verið á reiki og ekki ósennilegt að notkun þess í tímans rás sé með einhverjum afbrigðum,<br />
e.t.v. tengdum staðháttum. Í sveitarfélögum, þar sem ekki finnast afréttir samkvæmt þeirri<br />
flokkun sem óbyggðanefnd hefur lagt til grundvallar, kann það jafnvel að vera notað um fjalllendi<br />
jarða á svæðinu almennt. Það er mat óbyggðanefndar að slík aðstaða ein og sér, og þá einkum ef<br />
svæði er kallað afréttur án sjálfstæðrar afmörkunar, raski ekki þeim eignarréttarlegu forsendum,<br />
þ.m.t. sönnunarstöðu sem óbyggðanefnd hefur byggt á viðvíkjandi réttarstöðu jarða. Gera þarf hins<br />
vegar skýran greinarmun á tilvikum af þessu tagi og afréttum einstakra jarða eða stofnana sem eru<br />
skildir frá viðkomandi heimajörð með sjálfstæðum merkjum eða öðrum fasteignum.<br />
Í þessu samhengi skal það rifjað upp að land jarða kann að vera nýtt sem beitiland með<br />
svipuðum hætti og afréttir, jafnvel þannig að viðkomandi landsvæði sé alfarið tekið undir fjallskilaframkvæmd.<br />
Eins og fram kemur í almennri umfjöllun óbyggðanefndar um fjallskil gefur slík<br />
tilhögun ein og sér hins vegar enga vísbendingu um eðli eignarhalds að því landi. Í sögulegu ljósi<br />
getur það þó haft þýðingu við sönnunarmat um tilvist eignarréttar ef einstök landsvæði, sem gert er<br />
tilkall til sem hluta jarðar, hafa verið nýtt sem upprekstrarland af einhverju tagi af eigendum og<br />
ábúendum annarra jarða. Einstök tilvik af þessum toga verður að meta sérstaklega.<br />
9.3. Jöklar<br />
Í Landnámu er þess hvergi getið að menn hafi numið jökla til eignar og kann því að hafa verið trúað