SKÐRSLA ÌBYGGžANEFNDAR - Óbyggðanefnd

8.4.3. Hofstorfa
Í greinargerð jarðeigenda kemur fram að byggt sé á þinglýstu afsali, dags. 10. júlí 1982, yfirlýsingu
14. mars 1971, vottorði 9. desember 1961, yfirlýsingu 15. nóvember 1983, kaupsamningi 1.
desember 1995 og kaupsamningi 21. febrúar 2001 sem aftur byggist á eldri heimildum, svo sem
vísitasíum og máldögum. Einnig er vísað til þinglýstrar landamerkjaskrár fyrir jörðina Hof, dags.
15. júlí 1922 og þinglýst sama dag. Landamerki Hofs séu mjög gömul, sbr. vísitasíu frá 1727, en
jarðarinnar sé getið í fornum ritum.
8.4.4. Fagurhólsmýrartorfa
Í greinargerð jarðeigenda kemur fram að byggt sé á þinglýstum afsölum, dags. 20. júní 1995 og 31.
júlí 1996, sem aftur byggist á eldri heimildum. Einnig er vísað til þinglýstrar landamerkjaskrár fyrir
jörðina Fagurhólsmýri, dags. 29. maí 1922 og þinglýst 15. júlí 1922. Ljóst sé að landamerkjabréfið
beri með sér að norðvesturmörk jarðarinnar séu í upptökum Gljúfursár en hún eigi upptök sín í
Vatnajökli.
8.4.5. Hnappavallatorfa
Í greinargerð jarðeigenda kemur fram að byggt sé á þinglýstu afsali, dags. 23. september 1998,
skiptayfirlýsingu 31. desember 1990 og 27. apríl 2000, vottorði hreppstjóra 30. september 1977,
búsetuleyfi 5. desember 1990, kaupsamningi 6. september 1964, vottorði hreppstjóra 28. ágúst
1976, sem aftur byggist á eldri heimildum, sbr. og veðbókarvottorð.
Einnig er vísað til þinglýstrar landamerkjaskrár fyrir jörðina Hnappavelli, dags. 3. maí 1890 og
þingl. 14. maí 1891.
Landamerki Hnappavalla séu mjög gömul en jarðarinnar sé getið í Landnámu. Mótmælt er þeim
fullyrðingum af hálfu ríkisins að Staðarfjall hafi ekki verið numið og stangist það á við heimildir
um nýtingu á fjallinu. Það hafi verið nýtt til beitar, auk þess sem leigðar hafi verið lóðarspildur á
þessum slóðum, sbr. lóð Pósts og síma á Háöxl, skv. lóðarleigusamningi frá 1977.
8.4.6. Kvísker
Í greinargerð jarðeigenda kemur fram að byggt sé á þinglýstum skiptayfirlýsingum, dags. 1. mars
1994 og 23. júní 2000, sem aftur byggjast á eldri heimildum, sbr. og veðbókarvottorð. Einnig er
vísað til þinglýstrar landamerkjaskrár fyrir jörðina Kvísker (Tvísker), dags. 28. apríl 1890, þingl. 5.
maí 1890.
8.4.7. Fjall
Í greinargerð jarðeigenda kemur fram að byggt sé á þinglýstum afsölum, auk jarðabókar Ísleifs Einarssonar
1709, máldaga Hofskirkju 1387, vísitasíu Gísla Jónssonar biskups, sbr. vísitasíu Brynjólfs
Sveinssonar biskups 1641, vísitasíu 1727, sbr. og sáttargjörð Hofs og Fells um landamerki 1854 og
sérstaklega til lögfestu Hofs 1851. Athuga beri að máldagarnir voru lögfestir af konungi og hafi því
verið taldir áreiðanleg eignaskilríki. Einnig er vísað til þinglýstrar landamerkjaskrár fyrir jörðina
Hof, dags. 15. júlí 1922.
Ljóst sé að land jarðarinnar hafi að verulegu leyti farið undir jökul. Landamerki Fjalls séu mjög
gömul enda sé jörðin á landnámsmörkum en jarðarinnar sé getið í fornum ritum.
Hofsbændur hafi nýtt Fjallsland til búskapar, beitar og reka, eins og mögulegt sé og hagkvæmt
hafi verið á hverjum tíma, til jafns við annað land er tilheyri Hofi. Rekaréttur og beitarréttur hafi
verið mikils virði. Máldagi Hofskirkju frá 1387 sé grunnheimildin og samkvæmt honum sé greinilegt
að Hofsmenn eigi alla jörðina Fjall með gögnum og gæðum. Lögfestan frá 1851 jafngildi
eignardómi í dag. Landamerkjabréf sé fyrir hendi, það sé hluti af landamerkjabréfi Hofs.
Ríkið verði að bera hallann af því að ekki sé sannað með hvaða hætti Hofskirkja hafi eignast
103