2_2000 Grim.qxd

216
Land innan eftirfarandi landamerkja er þjóðlenda og jafnframt afréttur Grímsnes- og Grafningshrepps:
Frá hæsta hnúknum á Gatfelli, og þaðan beina stefnu í vesturhornið á Hrúðurkörlum. Þar sem
þessi línan sker mörk til norðvesturs, þ.e. frá suðvesturhorni Þórisjökuls, stefnu í ós Brunnavatns
þar sem Reyðarlækur fellur úr vatninu, er hornmark. Frá Klakki í hæsta punkt Stóra-
Björnsfells, þaðan í hæsta punkt Litla-Björnsfells og loks að skurðarpunkti við framangreind
mörk til norðvesturs, í stefnu á Hrúðurkarla. Frá Klakki suður um Langafell í Sköflung og í
stefnu á Skefilfjöll. Þar sem þessi lína sker línu í austurrótum fjallsins Skjaldbreiðs er hornmark.
Þaðan kringum fjallið Skjaldbreið norður fyrir með fram rótum þess, og úr norðurrótum
þess eftir beinni stefnu á Leirárhöfða, allt þar til kemur að skurðarpunkti við framangreinda
línu úr Gatfelli í vestasta Hrúðurkarl.
Land innan eftirfarandi landamerkja er þjóðlenda og jafnframt afréttur Grímsnes- og Grafningshrepps:
Frá Stórueldborg í landsuðurshorn á Hrafnabjörgum, þaðan beint í útnorðurhorn sama fjalls;
síðan í vörðu á Hlíðarstíg. Eftir norðureggjum Hrafnabjarga, úr skurðarpunkti við framangreinda
línu í Hlíðarstíg, og úr Hrafnabjörgum yfir tvo hnúka beint á Tröllatind, úr Tröllatind
sjónhending í suðvesturhorn Tindaskaga, síðan eftir Tindaskaga endilöngum til norðausturenda
hans, þaðan í austurrætur fjallsins Skjaldbreiðs og svo kringum það norður fyrir meðfram
rótum þess allt þar til kemur að mörkum við Laugardalsafrétt. Þaðan um línu sem dregin er úr
Sköflungi í Skefilfjöll, í stefnu á Hrútafjöll, uns komið er að skurðarpunkti við línu sem dregin
er úr Eldborgum og að skiptalínunni frá 1920 milli Kálfstinda og Skífilfjallahorns, í stefnu á
háan hnúk á norðan- og austanverðri Hrossadalsbrún.
Landsvirkjun er ekki eigandi landsréttinda, þ.m.t. vatnsréttinda, á svæðinu í skilningi 1., 2. og
7. gr. laga nr. 58/1998 en á svæði þessu fer Landsvirkjun með eignarrétt að Hrauneyjafosslínu sem
nánar hefur verið fjallað um í úrskurðinum og nýtur lögvarins réttar til nýtingar hennar.
Kostnaður málsaðila, annarra en fjármálaráðherra vegna íslenska ríkisins og Landsvirkjunar,
ákvarðast sameiginlega 998.892 krónur er greiðist úr ríkissjóði, þar af þóknun lögmanns sem
ákvarðast 800.000 krónur og útlagður kostnaður 198.892 krónur, þegar endurgreiddur úr ríkissjóði,
sbr. 17. gr. laga nr. 58/1998. Kostnaður Landsvirkjunar, þ.e. þóknun lögmanns, ákvarðast 150.000
krónur er greiðist úr ríkissjóði, sbr. 17. gr. laga nr. 58/1998.
Gerður er fyrirvari um hnitasetningu að liðnum málskotsfrestum eða að fenginni dómsniðurstöðu.
Þá getur skipan þjóðlendu innan staðarmarka sveitarfélaga komið til endurskoðunar enda
hefur óbyggðanefnd ekki fjallað um öll nærliggjandi landsvæði.
Kristján Torfason
Allan V. Magnússon Ragnheiður Bragadóttir