Create successful ePaper yourself
Turn your PDF publications into a flip-book with our unique Google optimized e-Paper software.
kafla laga nr. 58/1998, sbr. 7. gr., sbr. 1. gr. laganna. Við það mat er öðru fremur tekið mið af fyrirmælum<br />
a- og c-liða 7. gr. laganna. Úrlausn óbyggðanefndar er fyrst og síðast eignarréttarlegs eðlis,<br />
í hefðbundinni stjórnskipulegri merkingu, sbr. 72. gr. stjórnarskrár, nr. 33/1944, sbr. 10. gr. laga nr.<br />
97/1995. Sætir Landsvirkjun hvað það varðar sömu stöðu og aðrir við það mat sem fram fer á<br />
grundvelli 7. gr. tilvitnaðra laga og fellur utan valdsviðs óbyggðanefndar að kveða á um og skera<br />
úr um önnur réttindi sbr. orðalag c-liðar 7. gr. þjóðlendulaga, sbr. og 1. mgr. 2. gr. og 2. mgr. 5. gr.<br />
laganna.<br />
Kröfur Landsvirkjunar í máli þessu byggjast á tvíþættum grundvelli. Annars vegar er byggt á<br />
framsali á grundvelli einkaréttarlegra heimilda. Hins vegar byggir Landsvirkjun réttindi sín á lagaheimildum<br />
og leyfum stjórnvalda veittum á grundvelli þeirra.<br />
12.2. Kröfur byggðar á einkaréttarlegum heimildum<br />
Að því leyti sem réttindi Landsvirkjunar eru byggð á löggerningum, þ.e. einkaréttarlegu framsali<br />
fasteignaréttinda, þá felst greining á inntaki þeirra réttinda fyrst og fremst í túlkun og mati á viðkomandi<br />
gerningum sem eignarheimildum, hvaða réttindi verið sé að yfirfæra að eignarrétti og svo<br />
því hvaða eignarréttarlegu heimildum sá sem afsalar réð í raun yfir.<br />
Hér kemur einkum til skoðunar bótasamningur sem Landsvirkjun hefur gert við Grímsneshrepp<br />
vegna lagningu orkuveitu (háspennulínu) um afrétt hreppsins. Þann 15. júní 1979 undirrituðu<br />
Landsvirkjun og oddviti Grímsneshrepps, f.h. hreppsins, yfirlýsingu vegna lagningu orkulínu um<br />
afrétt Grímsneshrepps. 1 Í 1. gr. kom fram að Landsvirkjun væri heimilt hreppsins vegna að reisa eða<br />
láta reisa 36 stauravirki til að bera háspennta rafmagnslínu í afrétti Grímsneshrepps norðan<br />
Skjaldbreiðar. Skyldu Landsvirkjun eða þeir sem fyrirtækið fæli slík störf hafa óhindraðan aðgang<br />
að stauravirkjum og rafmagnslínum í landinu, bæði að því er varðaði byggingarframkvæmdir og<br />
venjulegt eftirlit og viðhald síðar, sbr. 2. gr. yfirlýsingarinnar. Þá var því lýst yfir í 3. gr. að<br />
Landsvirkjun hefði greitt að fullu gjald vegna réttinda sem um ræddi í yfirlýsingunni og mættu<br />
mannvirkin standa í afréttinum óátalin af hálfu hreppsins. Í 4. gr. kemur fram að Landsvirkjun<br />
skuldbindur sig til að jafna allt jarðrask af völdum línuframkvæmda, bæði við möstur og vegaslóðir.<br />
Enn fremur að sáð og borið yrði á öll gróðursár og áburði dreift á öll gróðursár ári eftir sáningu.<br />
Jafnframt lofaði Landsvirkjun samkvæmt sömu grein að gera hlið á vegaslóðir til að fyrirbyggja<br />
óþarfaumferð um vegaslóðir meðfram háspennulínunni. Í 5. gr. var því lýst yfir að yrðu spjöll á<br />
eignum hreppsins við framkvæmdir háspennulínunnar ætti hreppurinn rétt til bóta vegna þess. Í 7.<br />
gr. kom svo fram að samkomulag, sem í yfirlýsingunni fólst, væri gert án þess að afstaða væri tekin<br />
af hálfu Landsvirkjunar til eignarréttar að landinu.<br />
Ljóst þykir af orðalagi tilvitnaðrar yfirlýsingar Landsvirkjunar og Grímsneshrepps að ekki er<br />
um að ræða framsal eignarréttinda á afréttinum til handa Landsvirkjunar heldur er verið að semja<br />
um greiðslu bóta vegna hugsanlegs tjóns sem rétthafar að afréttinum verða fyrir vegna þeirrar<br />
röskunar sem hljótast kann af því að háspennulínan er lögð á landsvæði afréttarins. Verður því ekki<br />
byggt á yfirlýsingunni sem stuðningi fyrir eignaryfirfærslu til handa Landsvirkjun.<br />
12.3. Kröfur byggðar á lagaheimildum<br />
Þá koma í annan stað til almennrar skoðunar og eignarréttarlegs mats þau réttindi sem Landsvirkjun<br />
byggir á lagaheimildum sem gilda og gilt hafa um starfsemi Landsvirkjunar og koma þá jafnframt<br />
til skoðunar framkvæmdaleyfi ráðherra gefin út á grundvelli þeirra sömu lagaheimilda. Í köflum<br />
12.2. og 12.3. í máli nr. 7/<strong>2000</strong>, þar sem fjallað er um þjóðlendumörk í Gnúpverjahreppi o.fl., gefur<br />
að finna tæmandi úttekt á þeirri löggjöf sem hefur tekið til starfsemi Landsvirkjunar og þess sem<br />
henni tengist. Ekki eru efni til þess í þessu máli að taka þá umfjöllun upp í heild sinni.<br />
1 Skjal nr. 137.<br />
211