Create successful ePaper yourself
Turn your PDF publications into a flip-book with our unique Google optimized e-Paper software.
landsins en í málinu var lögð til grundvallar yfirlýsing þess fyrrnefnda um að hann ætti þar aðeins<br />
upprekstrarrétt.<br />
Suðurhluti svæðisins, næst Þingvallavatni, virðist hins vegar aldrei hafa verið afréttarland. Að<br />
frátöldum notum þingmanna, á meðan á þeim stóð, virðast eignarráð og nýting hafa verið með<br />
hefðbundnum hætti jarðarnota. Um hluta þessa lands er fjallað í lögum nr. 59/1928 og kveðið á um<br />
ævarandi eign íslensku þjóðarinnar að því. Enginn vafi er á því að friðlandið á Þingvöllum er<br />
eignarland. Lög þessi og lögskýringargögn með þeim, ásamt fyrri frumvörpum um sama efni, bera<br />
hins vegar ekki með sér að mat á inntaki eignarréttar hafi ráðið ákvörðun marka friðlandsins.<br />
Þegar litið er til alls þess sem að framan er rakið um Þingvallakirkjuland og nýtingu þess verður<br />
ekki talið að Þingvallakirkjuland í heild sinni hafi nokkurn tíma verið undirorpið fullkomnum<br />
eignarrétti einstaklinga, kirkjunnar eða ríkisins, hvorki fyrir nám né með löggerningum eða öðrum<br />
hætti. Rannsókn óbyggðanefndar leiðir þannig til þeirrar niðurstöðu að þar sé að hluta til um þjóðlendu<br />
að ræða og að öllu leyti hvað makaskiptalandið varðar. Tiltækar heimildir benda hins vegar<br />
til þess að um afréttareign eigenda Þingvallakirkjulands hafi verið að ræða í þeim skilningi að aðrir<br />
hafi ekki átt þar óskoraðan rétt til upprekstrar, og a.m.k. á einhverjum tíma greitt Þingvallapresti<br />
gjald fyrir. Þá eru staðhættir og víðátta heiðalandsins þannig að líkur mæla gegn óskoruðum eignarráðum<br />
jarðeigenda. Í afsali Þingvallaprests 1896 gat ekki falist víðtækari eignarréttur Grímsneshreppi<br />
til handa en sannanlega var á hendi afsalsgjafa.<br />
Samkvæmt því sem hér hefur verið rakið hefur land innan landamerkja Þingvallakirkjulands<br />
mismunandi eignarréttarlega stöðu, eignarland að sunnanverðu og þjóðlenda að norðanverðu,<br />
þ.m.t. makaskiptalandið allt. Utan þess er óljóst hvar mörk liggja á milli en um það atriði er fjallað<br />
í máli nr. 1/<strong>2000</strong>, Þingvallahreppur.<br />
Það er því niðurstaða óbyggðanefndar, sbr. einnig umfjöllun í kafla 10.6., að umræddur hluti<br />
Þingvallakirkjulands svo sem hann er afmarkaður hér á eftir, þ.e. makaskiptaland Grímsneshrepps<br />
frá 1896, teljist til þjóðlendu í skilningi 1. gr., sbr. einnig a-lið 7. gr. laga nr. 58/1998:<br />
Frá Gjábakkalandi á Hlíðarstíg, eftir Hlíðargjá inn á enda hennar fyrir innan Prestastíg, þaðan beina<br />
stefnu í hæsta hnúkinn á Gatfelli, og þaðan beina stefnu í vesturhornið á Hrúðurkörlum. Frá Hlíðarstíg<br />
beina stefnu yfir þúfuhól í Hrafnabjörg. Síðan liggja mörkin strandlengis með fjallabrúnum allt til<br />
norðausturenda Tindaskaga svo sem hér segir: eftir norðureggjum Hrafnabjarga, og úr Hrafnabjörgum<br />
yfir tvo hnúka beint á Tröllatind, úr Tröllatind sjónhending í suðvesturhorn Tindaskaga, síðan eftir<br />
Tindaskaga endilöngum til norðausturenda hans, þaðan í austurrætur fjallsins Skjaldbreiðs og svo kringum<br />
það norður fyrir meðfram rótum þess, og úr norðurrótum þess eftir beinni stefnu á Leirárhöfða, þar<br />
til kemur að skurðarpunkti við framangreinda stefnulínu úr Gatfelli í vesturhornið á Hrúðurkörlum.<br />
Sama landsvæði er afréttur Grímsnes- og Grafningshrepps, í skilningi 1. gr. og b-liðar 7. gr. laga<br />
nr. 58/1998. Um rétt til upprekstrar á afréttinn og annarra hefðbundinna nota, sem afréttareign<br />
fylgja, fer eftir ákvæðum laga þar um, sbr. 5. gr. laga nr. 58/1998. Þar ber sérstaklega að nefna 7.<br />
gr. laga um afréttamálefni, fjallskil o.fl., nr. 21/1986, og 5. gr. laga um lax- og silungsveiði, nr. 76/1970.<br />
Eftirtaldir hlutar þess svæðis sem hér hefur verið lýst þjóðlenda og afréttur Grímsnes og Grafningshrepps<br />
eru háðir sérstökum eignarréttarlegum takmörkunum samkvæmt lögum um náttúruvernd,<br />
nr. 44/1999, og nánari skilgreiningu í náttúruminjaskrá: „Skjaldbreiður“, og „Þingvellir og<br />
Þingvallavatn“ auk þess sem sérstök lög gilda um friðun Þingvalla, nr. 59/1928.<br />
11.11.3. Land keypt úr Laugarvatni 1917<br />
Í máli nr. 3/<strong>2000</strong> er fjallað um Laugarvatn eins og jörðinni er lýst í landamerkjabréfi, dags. 12. maí<br />
1890 og þingl. 6. júní s.á. Þar er þó er ekki til úrlausnar eignarréttarleg staða þess hluta lands jarðarinnar<br />
sem Grímsneshreppur keypti 28. ágúst 1917. Í kaupsamningi er mörkum hins selda lýst svo:<br />
209