You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
208<br />
kirkjuland sem áður er getið. Fyrirliggjandi gögn benda til þess að merkjum landsvæðisins sé þar<br />
rétt lýst, að teknu tilliti til landamerkjabréfs Þverfells. Bréf Þingvallakirkjulands er þinglesið, fært<br />
í landamerkjabók og á því byggt síðan um merki svæðisins, án athugasemda yfirvalda eða ágreinings<br />
við nágranna sem máli skipti. Landamerkjabréfum Gjábakka, Brúsastaða, Ingunnarstaða,<br />
Stórabotns, Gilstreymis (Vörðufells) og Þverfells er einnig þinglýst. Þetta bendir allt til þess að lýsing<br />
merkja hafi verið í samræmi við það sem almennt var talið gilda. Þeir formlegu ágallar, sem á<br />
bréfinu eru, verða því ekki taldir hafa efnislega þýðingu í þessu sambandi. Þrátt fyrir þetta bera<br />
gögn málsins með sér að tilefni sé til að skoða sérstaklega hvort allt land innan þessara marka hafi<br />
sömu eignarréttarlega stöðu.<br />
Hér hefur að framan verið rakið hvernig fyrst Bláskóga og síðar Þingvalla er getið í heimildum<br />
allt frá upphafi allsherjarríkis. Af þeim verður ekki annað ráðið en að um jörð hafi verið að ræða,<br />
sbr. umfjöllun í kafla 10.4.2., en eignarréttarleg staða hennar snemma með sérstökum hætti. Af<br />
orðum Íslendingabókar verður þó ekki ótvírætt dregin sú ályktun að allt land Þóris kroppinskeggja<br />
með gögnum og gæðum hafi verið gert að allsherjarfé. Í þeim gæti einnig falist að þingmönnum<br />
hafi verið heimilt að nýta skóg og hagbeitarland bótalaust án þess að áhrif hefði á önnur eignarréttindi.<br />
Jafnframt er ekki útilokað að landið milli Öxarár, Lyngdalsheiðar og Hrafnabjargarháls hafi<br />
verið numið að einhverju leyti, sbr. vísbendingar um að þar hafi mjög snemma tekist byggð, a.m.k.<br />
á svæðinu suðvestanverðu, hagstætt gróðurfar og nálægar samgönguleiðir. Vafi um landnám hlýtur<br />
þó óhjákvæmilega að verða meiri eftir því sem norðar og austar dregur.<br />
Þingmenn og kirkjan, eftir að hún var stofnuð, hafa að öllum líkindum nytjað gögn og gæði<br />
Þingvallalands fyrstu aldirnar. Þegar umsvif þinghaldsins minnkuðu og það lagðist loks alveg niður<br />
hefur svigrúm Þingvallakirkju eðlilega aukist að sama skapi.<br />
Eignarréttarleg sérstaða Þingvallakirkjulands, eins og því er fyrst lýst í lögfestu Þingvallaprests<br />
1740 og síðan í landamerkjabréfi 1886, kemur fram í heimildum á tvennan hátt. Í fyrsta lagi var<br />
lengi vel um að ræða not þingmanna af landinu meðan á þinghaldi stóð. Í öðru lagi hefur Skjaldbreiður<br />
og hraunið umhverfis frá því fyrstu heimildir greina og fram á þennan dag verið nýtt til<br />
sameiginlegrar sumarbeitar fyrir búpening Þingvellinga og Grímsnesinga. Umráð og hagnýting<br />
Þingvallakirkjulands hefur í sama mæli verið frábrugðin því sem gildir um eignarland almennt. Að<br />
öðru leyti virðist jörðin Þingvellir hafa verið byggð og nýtt eftir búskaparháttum og aðstæðum á<br />
hverjum tíma, fram til friðunar hluta landsins 1928. Gögn málsins benda því til að innan<br />
Þingvallakirkjulands, eins og því er lýst í landamerkjabréfi 1886, megi gera greinarmun á annars<br />
vegar jörðinni Þingvöllum og hins vegar afréttarlandi hennar og að þessi landsvæði hafi ekki sömu<br />
eignarréttarlegu stöðu.<br />
Óbyggðanefnd telur að tilgreining Skjaldbreiðar í Gíslamáldaga 1575 sé vísbending um að þetta<br />
svæði hafi ekki tilheyrt kirkjunni áður enda er þess ekki getið í Vilkinsmáldaga frá 1397. Af þeim<br />
greinarmun, sem gerður er á Skjaldbreið og heimalandi, má jafnframt ráða að fjallið hefur ekki<br />
verið órofa hluti Þingvallajarðar. Áréttað skal að elstu heimildir um afmörkun Þingvallakirkjulands<br />
eru frá 1740. Lýsingar Jarðabókar Árna Magnússonar og Páls Vídalíns 1711 á Skjaldbreið og<br />
hrauninu umhverfis sem sameiginlegum afrétti Grímsnesinga og Þingvellinga eru skýrar. Samkvæmt<br />
sóknarlýsingu frá 1840 á þetta við um allt svæðið fyrir norðan Súlur, Ármannsfell og<br />
Lágafell. Ummæli jarðabókarinnar um „Ármannsfell, Kvíindisfell og Gagnheiði“ hníga í sömu átt.<br />
Þannig benda heimildir til þess að Skjaldbreiður, Skjaldbreiðarhraun og jafnvel landsvæði þar til<br />
suðvesturs hafi nær einvörðungu verið notuð til beitar á fyrri tíð. Sögusagnir og munnmæli um<br />
byggð á þessu svæði verða enga þýðingu taldar hafa. Þegar þessara landsvæða er getið í skriflegum<br />
heimildum að öðru leyti er það í tengslum við upprekstur og afréttarnot. Efni og orðalag makaskiptasamningsins<br />
frá 1896, auk aðdraganda þeirra viðskipta, bendir til þess sama, sbr. t.d. notkun<br />
hugtaksins „sommergræsgang“. Þetta er í samræmi við niðurstöðuna í H 1926 341, þar sem Grímsneshreppur<br />
var ekki talinn skyldur til að greiða útsvar til Þingvallahrepps vegna makaskipta-