2_2000 Grim.qxd

1. ÚRLAUSNAREFNI, SKIPAN OG AÐILD
Ár 2002, fimmtudaginn 21. mars, er í óbyggðanefnd, sem starfar samkvæmt lögum um þjóðlendur
og ákvörðun marka eignarlanda, þjóðlendna og afrétta, nr. 58/1998, sbr. lög nr. 65/2000, tekið fyrir
málið
nr. 2/2000, Grímsnesafréttur og jarðir umhverfis
Lyngdalsheiði í Grímsnes- og Grafningshreppi,
hvort og þá hvaða land teljist til þjóðlendna,
hver séu mörk þjóðlendu við eignarland,
hvaða hluti þjóðlendu sé nýttur sem afréttur
og hver séu eignarréttindi innan þjóðlendu,
og í því kveðinn upp svohljóðandi
ÚRSKURÐUR
Úrskurð þennan kveða upp Kristján Torfason, formaður óbyggðanefndar, og nefndarmennirnir
Allan V. Magnússon og Ragnheiður Bragadóttir.
Aðilar málsins eru:
Fjármálaráðherra f.h. íslenska ríkisins vegna þjóðlendna og f.h. Þingvallakirkju vegna jarðarinnar
Kaldárhöfða, samkvæmt 11. gr. laga nr. 58/1998.
(Ólafur Sigurgeirsson hrl.)
Eigendur lögbýla í Grímsnes- og Grafningshreppi og Grímsnes- og Grafningshreppur vegna
Grímsnesafréttar auk þinglýstra eigenda jarðanna Neðra-Apavatns, Efri-Brúar (ásamt Brúarholti),
Búrfells I, II og III, Hæðarenda, Klausturhóla (ásamt Hallkelshólum I og II), Bjarkar og
Þóroddsstaða, hvers um sig vegna jarðar sinnar.
(Sigurður Jónsson hrl.)
Landsvirkjun.
(Þórður Bogason hdl. f.h. Hreins Loftssonar hrl.)
2. MÁLSMEÐFERÐ
Þann 1. júlí 1998 tóku gildi lög um þjóðlendur og ákvörðun marka eignarlanda, þjóðlendna og
afrétta, nr. 58/1998. Lögin kveða á um að starfa skuli óbyggðanefnd sem hafi með höndum eftirfarandi
hlutverk, skv. 7. gr.:
a. Að kanna og skera úr um hvaða land telst til þjóðlendna og hver séu mörk þeirra og eignarlanda.
b. Að skera úr um mörk þess hluta þjóðlendu sem nýttur er sem afréttur.
c. Að úrskurða um eignarréttindi innan þjóðlendna.
Af ákvæði 7. gr. leiðir að gildistaka þjóðlendulaga, nr. 58/1998, og úrskurðir óbyggðanefndar
fela ekki í sér afstöðu til réttinda einstakra aðila yfir eignarlandi eða hver séu mörk milli eignarlanda
og leiða ekki til neinna breytinga þar á.
125