Create successful ePaper yourself
Turn your PDF publications into a flip-book with our unique Google optimized e-Paper software.
11.1. Kröfur um sáttatillögu, frávísun o.fl.<br />
Við fyrirtöku málsins 29. febrúar <strong>2000</strong> kom fram krafa Grímsnes- og Grafningshrepps um að<br />
óbyggðanefnd legði fram sáttatillögu í málinu og var í því sambandi vísað til 15. gr. laga nr.<br />
58/1998. Eftirfarandi ákvörðun óbyggðanefndar var af þessu tilefni færð til bókar við fyrirtöku 28.<br />
mars:<br />
Ákvæði 15. gr. laga nr. 58/1998 er svohljóðandi: „Óbyggðanefnd leitar sátta með aðilum nema telja<br />
verði að sáttatilraun verði árangurslaus.“ Ákvæðið kveður ekki á um skyldu óbyggðanefndar til að<br />
leggja fram sáttatillögu. Í því felst að nefndin skuli sjálf meta hvort og með hvaða hætti leitað skuli<br />
sátta. Við það mat hefur óbyggðanefnd í huga að málsaðilar hafa ekki forræði á hvers kyns ágreiningi<br />
fyrir nefndinni. Þá ber þess að geta að gagnaöflun stendur nú yfir í umræddum málum.<br />
Það er mat óbyggðanefndar að forsendur til að leita sátta séu ekki fyrir hendi að svo komnu máli.<br />
Ofangreindri kröfu er því hér með hafnað.<br />
Í greinargerð Sigurðar Jónssonar hrl. fyrir hönd eigenda jarða og afrétta í Grímsnes- og Grafningshreppi,<br />
sem lögð var fram á fundi óbyggðanefndar 8. maí <strong>2000</strong>, var þess krafist að kröfum ríkisvaldsins<br />
er lytu að þinglýstum eignarlöndum yrði vísað frá óbyggðanefnd, málflutningur færi ekki<br />
fram fyrr en umboðsmaður Alþingis hefði látið í ljósi álit sitt á atriðum sem til hans hafi verið beint<br />
með kvörtun af hálfu lögmannsins og umsagnir ýmissa aðila lægju fyrir. Jafnframt var farið fram á<br />
að framkomin frávísunarkrafa yrði flutt sérstaklega og um hana úrskurðað áður en að fyrirhuguðum<br />
málflutningi fyrir óbyggðanefnd kæmi.<br />
Af þessu tilefni var eftirfarandi ákvörðun kynnt málsaðilum þann 29. maí <strong>2000</strong>:<br />
Með hliðsjón af aðdraganda málsins og þá einkum skilgreiningar og auglýsingar nefndarinnar á því<br />
svæði sem nú er til meðferðar, eru ekki forsendur til að fjalla sérstaklega um kröfu um frávísun á<br />
ákveðnum þáttum kröfugerðar íslenska ríkisins. Úrlausn um þau atriði tengist og fellur saman við<br />
efnismeðferð málsins, enda á ákvæði 2. mgr. 15. gr. laga nr. 58/1998 ekki við í þessu sambandi, sbr.<br />
áðurnefndan aðdraganda að málsmeðferð á svæðinu og verksvið nefndarinnar almennt.<br />
Þá vill óbyggðanefnd benda á, að óbyggðanefnd er stjórnsýslunefnd og hlutverk hennar er skýrt<br />
afmarkað í 7. gr. laga um þjóðlendur og ákvörðun marka eignarlanda, þjóðlendna og afrétta, nr.<br />
58/1998. Það er ekki á verksviði óbyggðanefndar að meta stjórnskipulegt gildi laga, enda hefur það<br />
verið talin grundvallarregla í íslenskum rétti að slíkt sé ekki á verksviði annarra en dómstóla, sbr. 2.<br />
gr. l. nr. 33/1944, sbr. einnig 60. gr. sömu laga.<br />
Óbyggðanefnd telur að skylda til að leita álits þeirra aðila sem lögmaðurinn tilgreinir verði hvorki<br />
leidd af 4. mgr. 10. gr. né 3. mgr. 13. gr. laga nr. 58/1998, sbr. einnig 10. gr. stjórnsýslulaga, nr. 37/1993.<br />
Engin lagaheimild er fyrir hendi til þess að fresta máli uns úrlausn umboðsmanns Alþingis liggur fyrir.<br />
Óbyggðanefnd byggir forsendur sínar á reglum eignarréttar sem raktar eru í úrskurði þessum og<br />
úrskurðar á grundvelli þeirra meðal annars um mörk eignarlanda og þjóðlendna. Þessum almennu<br />
reglum er beitt í hverju máli og eru málin flutt fyrir nefndinni með það fyrir augum. Óbyggðanefnd<br />
telur ekki að kröfur fyrir aðra landshluta geti breytt forsendum eða niðurstöðu fyrir það mál sem nú<br />
er til umfjöllunar og telur að með beitingu sömu reglna eignarréttarins á öll landsvæði sé tryggt að<br />
jafnræðis verði gætt í málum fyrir nefndinni. Kröfu um að úrskurðir í Árnessýslu verði ekki kveðnir<br />
upp fyrr en kröfum hafi verið lýst fyrir allt landið er því hafnað.<br />
185