Create successful ePaper yourself
Turn your PDF publications into a flip-book with our unique Google optimized e-Paper software.
158<br />
verið gefið heimaland allt. 1 Í máldaganum er kirkjunni eignað fjallið Skjaldbreið. Óvíst er að hve<br />
miklu leyti það hefur verið metið í dýrleika jarðarinnar. Árið 1695 voru Þingvellir taldir 20 hundruð<br />
að dýrleika eða sem næst meðaljörð. 2 Til samanburðar má geta þess að landmiklar jarðir eins og<br />
Skútustaðir og Grænavatn í Þingeyjarsýslu voru taldar 30 hundruð að dýrleika árið 1712. 3<br />
Við útgáfu Gíslamáldaga í 15. b. Íslensks fornbréfasafns var handritið Lbs. 350, 4to lagt til<br />
grundvallar. Inn á saurblað þess handrits hefur Jón Þorkelsson, fyrrv. þjóðskjalavörður, ritað að<br />
bókin sé öll með hendi Bjarna prests Gissurarsonar í Þingmúla sem var skrifari Brynjólfs biskups<br />
Sveinssonar á þessum tíma (1643) „og er þetta helzta afskriptin, sem til er, af máldagabókum<br />
þeirra Vilchins og Gísla (22/11 92.J.Þ.)“.<br />
Rétt er að taka fram að orðið „Skialldbreid“ er í handritinu ekki í stakri línu eins og álykta mætti<br />
af hinum útgefna texta í Íslensku fornbréfasafni. 4<br />
Önnur afskrift Gíslamáldaga er AM 261, fol. frá 1642 og er hún, hvað Þingvallakirkju snertir,<br />
efnislega samhljóða Lbs. 350, 4to. Loks er að nefna handritið JS 411, 4to sem skrifað var um 1850<br />
fyrir Jón Sigurðsson. Þar er upphaf máldagans á þessa leið:<br />
Kirkjan á Þíngvelli á heimaland allt með gögnum ok gæðum, urriðaveiði í allri Öxará, silúngsveiði at<br />
Ólafsdrætti. 5<br />
Athygli vekur að hér er ekki minnst á Skjaldbreið. Líklegast verður að telja að um glöp sé að<br />
ræða nema þá að ekki hafi verið talin ástæða til að nefna Skjaldbreið þegar hér var komið sögu því<br />
að nytjar af fjallinu höfðu þá að mestu lagst af.<br />
Nær samhljóða Gíslamáldaga er lýsing Þingvallakirkju í vísitasíubók Brynjólfs biskups<br />
Sveinssonar frá 25. apríl 1644. 6 Tveimur áratugum síðar var sami máldagi færður inn í vísitasíubók<br />
Þórðar biskups Þorlákssonar og enn að nýju í vísitasíubók Jóns biskups Árnasonar 1726 með þeim<br />
breytingum í hvort skipti að fleiri jarðir voru eignaðar Þingvallakirkju og leigugjöld önnur. 7<br />
Árið 1736 gaf amtmaður út álitsgerð um Þingvelli þar sem hann áréttaði þau ævafornu réttindi<br />
þingmanna að nýta sér almenninginn á svæðinu til skógartekju og beitar jafnframt því sem þeim<br />
væri heimilt að reisa þar búðir. Tilefnið var beiðni sóknarprestsins á Þingvöllum um að fá bætur<br />
vegna búðabygginga og annars átroðnings á staðnum. 8 Ef til vill hefur þessi álitsgerð amtmanns<br />
ráðið nokkru um það að árið 1740 sá presturinn á Þingvöllum, séra Markús Snæbjörnsson, ástæðu<br />
til að lögfesta landareign kirkjunnar:<br />
Soknarprestur til Þíngvallar og Ulfliotsvatns Kyrkiu Safnada Eg Markus Snæbjörnsson lögfesti hér i<br />
Dag mér forlénad kongl. Maj sts Beneficium Þíngvelli innann Arness Syslu, til efter skrifadra Takmarka:<br />
Á Mjóaness Sídu: i Saudanes fyrer sunnann Arnarfell, þadann beint uppi Prestsveginn og vestur<br />
epter sem hann heldur ad Hrafnagiá, sidann epter endelángri sömu Giá nordur ad Hrafnabjarga Vegi,<br />
Enn fyrer nordann vegenn strandlengis efter Fjöllum nordr ad Skialdbreid hvörja eg lögfesti alla itra;<br />
þadann beint i Leirárhöfda og so vestur epter allt þar til vötnum hallar ad Borgarfyrdi: þad[an] beint<br />
yfer ad Steinkyrkiu eda Steinkistu (af sumum kalladri) úr henni i midja þúfuna sem stendr hædst uppa<br />
1 Björn Þorsteinsson, 1986: Þingvallabókin. Handbók um helgistað þjóðarinnar. Reykjavík. S. 61. Nánar er fjallað um<br />
eignarréttarstöðu Þingvalla í máli nr. 1/<strong>2000</strong>.<br />
2 Björn Lárusson, 1967 s. 116.<br />
3 Jarðabók Árna Magnússonar og Páls Vídalíns. 11. b. Kaupmannahöfn 1943. S. 228, 231.<br />
4 Sbr. Lbs. 350, 4to, s. 543-544.<br />
5 JS 411, 4to, s. 68.<br />
6 Skjal nr. 213 (1).<br />
7 Skjöl nr. 255 og 256.<br />
8 Matthías Þórðarson 1945, s. 279-283.