2_2000 Grim.qxd

jarðanna Efri-Brúar og Brúarholts eigi beinan eignarrétt að öllu landi þeirra og að viðurkennt verði
að landamerki jarðanna séu þessi:
Millum landa Efri-Brúar og Syðri Brúar liggja landamerkin úr Soginu eptir Kaldalæk einum er rennur
í Sogið fyrir sunnan Ljósafoss og ræður sá lækur upp að krók þeim er á honum er fáum föðmum neðar
en hann greinist og hverfur í tvær keldur. Úr þessum krók á læknum ræður bein lína austur yfir hallinn
til Draugagils. Þá ræður gilið mörkum norðan við Nyrðra Hallvelli til Brúarár gegnt Gunnlögslækjarminni
í Svartabakka austan við ána. Frá Gunnlögslæk í Svartabakka ræður bein stefna í Dagmálagil
við Búrfellsrætur og eptir því gili upp eptir fjallshlíðinni og efst úr gljúfri þessu beina stefnu í Vatnsás
upp á Búrfelli.
Millum Efri-Brúar og Búrfells úr áðurnefndum Vatnsás í sömu stefnu í vestri gilklofann sem liggur úr
norðari Búrfellsfjallsenda, vestan við eystri brún á Búrfellshálsi. Þaðan yfir Búrfellsdal upp eftir
Lyngdalsheiði á Klapparhólinn í efri Beinugrófarenda og þaðan í Þrasaborgir.
Millum Efri-Brúar og Kaldárhöfða, úr miðjum stapanum við Sogið, norðanvert við dæluna, beina
stefnu í há-Moldásarenda vestri og ræður Moldás upp hjá stórum steini (Dagmálasteini) sjónhending
norðan til við Kaplamýri í steina tvo sem eru vestan til á brúninni í Brúarskyggnir og þaðan bein
stefna í áðurnefndar Þrasaborgir.
Litið er svo á að í kröfugerð felist jafnframt krafa um afnotarétt í þjóðlendu, að öllum venjubundnum
afnotum að fornu og nýju, komi til þess að einhver hluti landsins teljist þjóðlenda.
Þá er krafist málskostnaðar að skaðlausu, skv. framlögðum málskostnaðarreikningi.
3.6. Krafa þinglýsts eiganda Hæðarenda vegna lands innan landamerkja
Af hálfu Guðmundar Sigurfinnssonar o.fl. er þess krafist að viðurkennt verði að þinglýstir eigendur
jarðarinnar Hæðarenda eigi beinan eignarrétt að öllu landi hennar og að viðurkennt verði að
landamerki jarðarinnar séu þessi:
Frá syðstu hæðinni á Þrasaborgum beina stefnu í Nýpuhól austast í Lingbrekkum, þaðan í Gálgagil, og
eftir þeim vatnsfarveg sem úr því er niður í Bauluvatn, þá eftir læknum sem úr því rennur (Hæðarendalæk)
heilt af út fyrir Kálfshóla, þaðan eftir gömlu lækjarfari, sem byrjar við lækinn að sunnanverðu
og eftir því út í Búrfellslæk, þá eftir honum uppað gömlu lækjarfari að sunnanverðu við lækinn
og eftir því þar til það liggur aftur að læknum, og þá eftir læknum aftur upp að lækjarmótum, þaðan
eftir vestri læknum sem nefndur er Berjuholtalækur, eftir honum til enda, og þá eftir vatnsfarveg uppaf
honum uppí Grænugróf, eftir henni miðri til enda, þaðan beint á fyrstnefndan stað við Þrasaborgir.
Litið er svo á að í kröfugerð felist jafnframt krafa um afnotarétt í þjóðlendu, að öllum venjubundnum
afnotum að fornu og nýju, komi til þess að einhver hluti landsins teljist þjóðlenda.
Þá er krafist málskostnaðar að skaðlausu, skv. framlögðum málskostnaðarreikningi.
3.7. Krafa þinglýstra eigenda Klausturhóla og Hallkelshóla I og II vegna lands innan
landamerkja
Af hálfu Guðmundar Jóhannessonar o.fl. er þess krafist að viðurkennt verði að þinglýstur eigandi
jarðanna Klausturhóla og Hallkelshóla I og II eigi beinan eignarrétt að öllu landi þeirra og að viðurkennt
verði að landamerki jarðanna allra, sem eru allar hluti gömlu Klausturhólajarðarinnar, séu þessi:
1. Milli jarðanna Klausturhóla og Neðraapavatns eru þessi merki: Þrasaborgir hornmark, þaðan bein
131