Mál nr. 5/2005 - Óbyggðanefnd

þaðan beina stefnu sunnan í Fiskhól síðan í vörðu á Núpabrún sunnan við
Lambhúshóla, þaðan í suður endann á Núpsbrún sunnan við Lambhúshóla, þaðan í
syðri endann á Tófugili, svo í syðsta Þríhyrning þaðan í Kálfhól, síðan í hraunnef, sem
næst utan við Mýrarsel. Að utan: Úr bjarginu rétt við Naustá, þaðan í vörðu utan til
við Kjalarás, þaðan í Stórhól, síðan í vörðu á Hálsabrún svo í Skotthúfu þaðan beina
stefnu í hraunnef, sem er næst fyrir norðan Arnarstaðavatn, þaðan eftir sömu línu til
Ormarsár, sem ræður við austurkant landamerkjum til áðurgetins hraunnefs fyrir utan
Mýrarsel.“
Litið er svo á að í kröfugerðinni felist jafnframt krafa um fullkominn
einkaafnotarétt í þjóðlendu innan merkja jarðarinnar, að öllum venjubundnum
afnotum, að fornu og nýju, fari svo ólíklega að einhver hluti landsins teljist þjóðlenda.
Þá er krafist málskostnaðar samkvæmt framlögðum málskostnaðarreikningi.
3.3. Kröfur Benedikts Kristjánssonar og fleiri vegna Þverár
Þess er krafist að viðurkenndur verði beinn eignarréttur þinglýstra eigenda Þverár að
öllu landi jarðarinnar og að viðurkennt verði að heildarlandamerki hennar séu þessi:
„Að sunnan úr Merkidal beina stefnu í Vörðuhól, þaðan beina stefnu í vörðu á
Kálfhól, þaðan beina stefnu í vörðu utan á hrauntanganum við Ormarsá þar sem
Axarfjarðarheiðarvegurinn liggur ofan í ána, þaðan beina stefnu vestur í miðjan
austari kálfhól, þaðan beina stefnu utan við ytra Þverárhorn, þaðan beina stefnu í mitt
Merkigil þaðan beina stefnu í vörðu á austari brunnárbakka. Land fyrir vestan Brunná
eftir gömlum Kálfskinnsmáldaga nfr. Bein stefna vestur af Merkidal vestur í afgamlan
farveg eða laut. Er liggur út úr Hornskurði, þar sem han beygir í austur og allt út í
Brunná beint á móts við Merkigil.“
Litið er svo á að í kröfugerðinni felist jafnframt krafa um fullkominn
einkaafnotarétt í þjóðlendu innan merkja jarðarinnar, að öllum venjubundnum
afnotum, að fornu og nýju, fari svo ólíklega að einhver hluti landsins teljist þjóðlenda.
Þá er krafist málskostnaðar samkvæmt framlögðum málskostnaðarreikningi.
3.4. Kröfur Þórarins Björnssonar og fleiri vegna Sandfellshaga I og II
Þess er krafist að viðurkenndur verði beinn eignarréttur þinglýstra eigenda
Sandfellshaga I og II að öllu landi jarðarinnar og að viðurkennt verði að
heildarlandamerki jarðarinnar séu: „Að sunnan milli Klifshaga, Leifsstaða og
Sandfellshaga. Úr Skeggjastaðarkrók og þaðan beina stefnu í Jónsvörðu, þaðan beint í
Sjónhól og síðan beint í Arnarþúfu, svo í Fjórðungshól og þaðan í vörðu í Langás
austur í Búrfellsheiði. Að austan: Úr vörðum í Langás í Djúpá og eftir henni í gil, sem
liggur milli Djúpárbotna og Mýrarsels og þaðan í vörðu við Ormarsá. Að norðan : Úr
vörðunni við Ormarsá og beina línu vestur í Kálfhól og þaðan í Vörðuhól og síðan í
Sandskarðið í Jarðbakkanum í Skeggjastaðaárkrók.“
8