Mál nr. 5/2005 - Óbyggðanefnd

80
Djúpá, sjá nánar kafla 6.5. hér að framan og kafla 6.4. í máli nr. 4/2005 hjá
óbyggðanefnd.
Samkvæmt landamerkjabréfi Hafrafellstungu eru merki til austurs, gagnvart
Svalbarðskirkjulandi og Vatnsenda á ágreiningssvæði í máli nr. 4/2005 hjá
óbyggðanefnd, „...á hlið með Svalbarðskirkjulandi ræður Langásin til syðri enda hans,
þaðan beina stefnu í ós þann er liggur úr norðausturhorni Stórabúrfellsvatns, þaðan
beina línu í hásuður yfir vatnið austan við hólma í því, á hól þann er stendur austan
við norðaustur hornið á Búrfelli, síðan sömu stefnu til Dettifossár, svo ræður hún
austur til Sandár, er svo ræður suður til Svartáshvíslar þar hún fellur í ána, síðan ræður
kvíslin til upptaka sinna“. Bréfið er áritað vegna Svalbarðs en ekki vegna Vatnsenda.
Samkvæmt landamerkjabréfi Svalbarðs, dags. vorið 1887 og þingl. 26. júní 1890, eru
merki Svalbarðs gagnvart Hafrafellstungu miðuð við Djúpá, frá þeim stað þar sem
hún fellur í Svalbarðsá, að ytri Langássenda og svo Langás en síðan skilur heiðarlönd
Svalbarðskirkju og Hafrafellstungu bein lína úr fremri Langássenda suður í upptök
kvíslar þeirrar er fellur úr stóra Búrfellsvatni (Hólmavatn) en þaðan réttsýnis í
Dettifossá og ræður sú á síðan landamerkjum austur til Sandár. Bréfið er áritað vegna
Hafrafellstungu. Eldri heimildir um Svalbarð styðja þessa lýsingu, sjá nánar í máli
4/2005 hjá óbyggðanefnd. Þessi lýsing er í samræmi við lýsingar á merkjum
Hafrafellstungu. Hafrafellstunga á einnig merki gagnvart Vatnsenda í
Svalbarðshreppi. Samkvæmt landamerkjabréfi Vatnsenda frá 4. júní 1889 og þingl.
26. júní 1890 eru merki þess landsvæðis til vesturs gagnvart Hafrafellstungu um
Sandá, frá Þorsteinsnefi til Tröllkonuhlaups. Bréfið er ekki áritað vegna
Hafrafellstungu. Engra eldri heimilda nýtur við um merki Vatnsenda, sjá nánar í máli
4/2005 hjá óbyggðanefnd. Lýsingin er í samræmi við merki Hafrafellstungu.
Samkvæmt landamerkjabréfi Hafrafellstungu eru merki til suðurs, gagnvart
Hvannstöðum og afréttarlandi Fagradals, Víðirhóls, Hólssels og Nýhóls, sem svo er
kallað í landamerkjabréfi, úr upptökum Svartáskvíslar beina stefnu í vestur yfir
fjallgarðinn og með fjallalöndum sömu stefnu í há Reiði. Bréfið er áritað vegna
Víðirhóls. Samkvæmt landamerkjabréfi Hvannstaða, frá 24. maí 1890 og þingl. 12.
júní 1891, eru merki til norðurs gagnvart Hafrafellstungu frá „...Hafrafellstungu
merkja línu, þaðan í upptök Svartásskvíslar, og ræður landamerkjum þar til hún fellur
í Sandá“. Bréfið er áritað vegna Hafrafellstungu.
Samkvæmt landamerkjabréfi afréttarlands Fagradals, Víðirhóls, Hólssels og
Nýhóls sem dagsett er 3. júní 1890 og þingl. 12. júní 1891 eru merki til norðurs
gagnvart Hafrafellstungu frá Reiði og þaðan beint austur á fjallgarð á móts við
Hafrafellstunguland og ræður þaðan Hvammstaðafjallgarður suður í Mýrgil. Bréfið er
áritað vegna Hafrafellstungu. Árið 1848 fóru fram skipti milli jarðanna Hóls, Hólssels
og Víðirhóls. Eru þar tiltekin mörk Hóls en allmikið land var óskipt „fjalllendi og
afréttarland“ og er mörkum þess lýst. Sú merkjalýsing gagnvart Hafrafellstungu er í
samræmi við landamerkjabréf landsvæðis á Hólsfjöllum. Þó er þar miðað við að