Mál nr. 5/2005 - Óbyggðanefnd

56
fjallskilasjóður skyldi borga þeim laun. Að öðru leyti væru afréttarlöndin gefin upp til
eftirleitar. 187
Á almennum hreppsmálafundi að Grímsstöðum 2. júlí 1939 var ákveðið að
fjallskilasjóður skyldi kosta fjóra menn í rúningssmölun í Búrfellsheiði utan Mynnis,
þ.e. líkast til Hólsmynnis. Um tilhögun smölunarinnar segir:
... þessir Búrfellsheiðarmenn smali vestan við Hvannstaðafjallgarð og sunnan
við Minni til bæja. Menn þessir sje 1 frá Fagradal, 1 frá Hólsseli, 2 frá
Víðihóli, Sveini á Nýjahóli er ætlað fara á Búngutorfur og á móti
Heiðarmönnum. Menn úr Hólsseli smali við Hólssand frá Grímsstöðum og
Grundarhóli fjallgarðinn og Núpana. 188
Hinn 27. júní 1943 á almennum hreppsmálafundi á Grímsstöðum var
samþykkt að vorgöngur í Búrfellsheiði yrðu kostaðar af fjallskilasjóði. Oddvita var
einnig falið að tilkynna Öxfirðingum að Fjallamenn séu ekki mótfallnir því að hætta
að ganga Fosshóla utan við Svartáskvísl .189
Fjallskilareglugerð fyrir Norður-Þingeyjarsýslu austan Jökulsár var gefin út
árið 1894. Í I. kafla, Um fjallskil o.fl., segir m.a.:
1. gr. Norður-Þingeyjarsýsla, austan Jökulsár, er eitt fjallskilafjelag og er hver
hreppur deild út af fyrir sig, sem aptur skiptist, þar sem þörf gjörist, í smærri
deildir, eptir því sem landi og vatnsföllum hagar. Hreppsnefndirnar skipta
hver sínum hreppi eptir samkomulagi hreppsbúa í þessar smærri deildir og
skal rita þær með tölu og ummerkjum í fjallskilabók hreppsins.
2. gr. Yfirstjórn allra fjelagsdeildanna hefur sýslunefndin á hendi samkvæmt
tilsk. 4. maí 1872, en hreppsnefndirnar hafa að öðru leyti alla stjórn og
framkvæmd í fjallskilamálum á hendi innbyrðis í deildunum.
3. gr. Allt land skiptist í afrjetti og heimalönd. Það skulu vera afrjettir, sem að
fornu hafa verið. Svo getur og sýslunefndin ákveðið nýja afrjetti eptir
uppástungum hreppsnefndanna, enda komi þær eigi í bága við 50. gr.
stjórnarskrárinnar.
4. gr. Hver hreppsnefnd ákveður í sínum hrepp takmörkin á milli afrjetta og
heimalanda, eptir að hún hefur borið sig saman um það við landeigendur og
aðra, er hlut eiga að máli. - Verði ágreiningur millum hreppsnefndar og
hlutaðeiganda í tjeðu efni, skal leggja málið undir sýslunefndina til endilegs
úrskurðar. - Síðan semur sýslunefndin skrá yfir allar afrjettir í sýslunni með
tölu og ummerkjum, og sömuleiðis yfir allar fjárrjettir sýslunnar. Skal í skrá
þessari tekið fram, undir hvert hreppsfjelag hver afrjettur heyrir og hverjar
afrjettir og heimalönd ganga skal að hverri rjett. Skal síðan rita skrána í
fjallskilabók hvers hrepps.
187 Skjal nr. 2 (89).
188 Skjal nr. 2 (90).