Mál nr. 5/2005 - Óbyggðanefnd

Grímsstaðamenn gjöri við aukarjettina þar og Hólsselsmenn við rjettina þar
ásamt manni frá Jóhannesi í Fagradal og á það að gjörast Fimtud. 16 þ.m. og
aukarjettina að Víðihóli gjöri þeir við Víðihólsbændur og Nyhóls og leggi
Sigurður í Hólsseli eitthvað til þess, og framkvæmist það Föstud. 17. þ.m. 181
Eftirfarandi upplýsingar um fyrirkomulag gangna í Fjallahreppi eru líkast til
forrit gangnaseðils sem dagsett er að Grundarhóli 10. september 1916. Þar segir:
Göngur byrja í Búrfellsheiði mánudaginn 18. sept., en degi síðar annarsstaðar.
Fé sé komið til réttar að Grundarhóli árdegis á miðvikudag. Axfirðingum skal
mæta til sundurdráttar við Langavatn. Burfellsheiðarsafn rekist að Víðihóli og
þaðan til rettar að Grundarhóli. 182
Þær upplýsingar sem fylgja hér á eftir um fyrirkomulag gangna í Fjallahreppi
eru ódagsettar en eru líkast til frá árinu 1917. Þar kemur fram að það ber, að ósk
Öxfirðinga, að draga fé þeirra úr Búrfellsheiðarsafni á Hvannstöðum og reka til móts
við þá. Einnig ber gangnaforingja Búrfellsheiðar að sjá um, ef mögulegt er, að Fjallafé
náist úr safni Þistilfirðinga. 183
Í fjallskilabók Fjallahrepps er að finna eftirfarandi upplýsingar frá árinu 1928.
Þar segir að gangnaforingi Búrfellsheiðar ráðstafi gangnamönnum að sækja á
Búrfellsafrétt og Halldórskot og til smölunar í Fosshólum. Jafnframt er ætlast til þess
að gangnamenn Búrfellsheiðar fari einum degi fyrr en venjulega og byggi rétt á
Hvannstöðum. 184
Almennur hreppsmálafundur fyrir Fjallahrepp var haldinn að Grímsstöðum 7.
júní 1928. Þar voru fjallskilamál m.a. rædd og samþykkt að leggja niður síðasta
rekstur á milli Fjalla og Þistilfjarðar og hreppsnefnd falið að semja við Öxfirðinga um
að þeir taki Fjallafé í Þistilfirði úr þriðju og fjórðu rétt og reki í Öxarfjörð.
Hreppsnefnd var einnig falið að sjá um að sett yrði upp aðhald fyrir haustið á
Hvannstöðum og að mælast til við Öxfirðinga að þeir gerðu slíkt hið sama hjá
Búrfellskofa fyrir næsta haust. 185
Hreppsmálafundur Fjallahrepps var haldinn að Grímsstöðum 26. júní 1938.
Þar var hreppsnefnd falið að ráða fjóra menn til þess að fara í vorgöngur í
Búrfellsheiði utan Mynnis, væntanlega Hólsmynnis, á kostnað fjallskilasjóðs. 186
Hinn 30. október 1938 var almennur hreppsmálafundur haldinn að
Grímsstöðum. Þar kom fram að fjallskilum var ágreiningslaust lokið samkvæmt
gangnaseðli. Samþykkt var þó að tveir til þrír menn færu aukaleit í Búrfellsheiði og að
181 Skjal nr. 2 (94).
182 Skjal nr. 2 (95).
183 Skjal nr. 2 (96).
184 Skjal nr. 2 (98).
185 Skjal nr. 2 (87).
186 Skjal nr. 2 (88).
55