Mál nr. 5/2005 - Óbyggðanefnd

52
vörðuna. Þá eftir há-Langás í aðra vörðu syðst á Langás. Þaðan bein stefna
um Búrfellsvötn í Búrfellshól, sem er fast við norðausturhorn Búrfells. Úr
Búrfellshól eru mörkin suðaustur í Fossá, um brúnina rétt ofan við eyðibýlið
Foss. Ræður þá Fossá merkjum austur í Sandá. Þá Sandá suður þangað, sem
Svartáskvísl fellur í hana, og eftir það Svartáskvísl að upptökum. Frá
upptökum Svartáskvíslar er bein stefna vestur yfir Svartás og
Laufskálafjallgarð, nokkru sunnan við Reiðgil og vestur í há-Reyður, sem er
vestur á Hólssandi. Úr Reyður suður í Fálkaklett, en svo heitir hæsta
standbergið nyrzt í Vestur-Vegg. Úr Fálkakletti er bein stefna suðvestur um
hábungu Syðra-Norðmelsfjalls í Jökulsá og ræður svo áin þaðan norður.
Leitarsvæði Öxfirðinga er háð þessum sömu merkjum að öðru leyti en því, að
Hólsfjallamenn hafa gengið allstórt stykki af því að sunnan á Hólssandinum,
allt norður að syðra Reyðarhorni og niður á miðjan Sand og Norðmelseyrar
norður undir Selfoss. Ganga því Öxfirðingar ekki nema upp að miðjum
Hólssandi, þó að mikið landflæmi þar sunnan við tilheyri Hafursstöðum í
Öxarfirði.
Afréttarsvæðin eru þessi:
Hafursstaðaheiði liggur meðfram Jökulsá upp að miðjum Hólssandi og austur
að Reyður.
Landsheiði tekur við þar norður af og nær austur á Borgarás og suðaustur að
Reyður. Var með henni jafnvel oft áður fyrr smalað allt austur að
Smjörhólsárfarvegi.
Tunguheiði tekur við þar austan við, alla leið austur að Laufskálafjallgarði og
norður að Gilsbakkaá.
Núpar og Urðir heitir leitarsvæðið þar norður af og allt norður að
sveitarmörkum.
Þessi leitarsvæði eru öll gengin hvert út af fyrir sig, og farið á sama degi til
byggða aftur, enda er þar enginn leitarmannakofi.
Búrfellsheiði er aðskilin frá áðurnefndum leitarsvæðum af allmiklum
fjallgarði, sem heitir Laufskálafjallgarður, og liggur heiðin meðfram honum
að austanverðu, það er að segja sá hluti, sem tilheyrir Öxarfirði. Annars eiga
Fjöllungar leitarsvæði suður af Öxfirðingum og Þistilfirðingar austar í
Búrfellsheiðinni.
Öxfirðingar eiga þarna í Búrfellsheiðinni gangnakofa, sem stendur vestan
undir háu fjalli, er Búrfell heitir. Fyrstu göngur eru alltaf gengnar á tveim
dögum og þá gist í kofanum, ... 172
172 Göngur og réttir V. bindi, bls. 183-184.