Mál nr. 5/2005 - Óbyggðanefnd

50
Vart er hægt að tala um upprekstur í þeirri merkingu, sem víða tíðkast á landi
hér. Fénu er ,,sleppt í heiðina“, (málvenja hér) að vorinu, oftast að sauðburði
loknum, nú orðið, og er engum takmörkunum háð nema veðráttunni og
fjáreigendum sjálfum. (Oddviti)
...
Fjallahreppur:
Engir almenningar eða öræfi liggja að afréttarlöndum hreppsins.
Öxarfjarðarhreppur:
Afréttarlönd í Öxarfjarðarhreppi eru lokaður hringur og takmarkast eða liggja
saman við afréttir Presthólahrepps að norðan, Svalbarðshrepps að austan og
Fjallahrepps að sunnan.
Presthólahreppur:
Afréttur Presthólahrepps er innilokaður, þ.e. afréttur næstu hreppa Svalbarðs-
og Öxarfjarðarhrepps-, liggja utanvið.
...
Rétt samkvæmt bréfum oddvitanna vottar:
Skrifstofu Þingeyjarsýslu og Húsavíkurkaupstaðar, 13. maí 1959
Sýslumaður Þingeyjarsýslu
Jó[han]n Skaptason. 169
Afréttarlöndum Hólsfjallamanna, leitarsvæðum og fjallskilum er þannig lýst í
Göngum og réttum:
Afréttarlönd Fjallamanna liggja austan og norðan Hólsfjallabyggðarinnar og
eru allmikil að yfirferð, þótt dagsgöngur séu þar víðast.
Merkjalínur afréttarlanda þessara eru sem hér segir: Að vestan ræður Jökulsá
á Fjöllum, að sunnan Grímsstaðanúpar að sýslumörkum Norður-Múlasýslu
eða landamerkjum Víðidals. Liggur sú lína að austan að Dimmukvísl
norðaustan í Dimmafjallgarði, þar sem mætast afréttarlönd Vopnfirðinga og
Fjallamanna í austurenda Dimmagils. Frá Dimmagili liggur merkjalínan
norðvestur Haugsöræfi um Bungu í Hölknárbotna, þar sem koma saman
169 „Upplýsingar um afréttir og fjallskil í Þingeyjarsýslu árið 1959.“ Bls. 1-7.