Mál nr. 5/2005 - Óbyggðanefnd

Barkastader eður Backastader kallast örnefni suður undir Grímstaðanúp, þar
atla menn að í fyrndinni hafi bygð verið, þó þess sjáist nú lítil merki af
tóftarústum. Ekki má hjer bygð setja fyrir heyskaparleysi. Tóftarústirnar eru
og viði vaxnar. 142
Landamerkjabréf Grímsstaða og Nýjabæjar var þinglesið 31. maí 1886:
Grímsstaðir eiga land úr Hrútá þar sem hún fellur [í eða úr] Selá, vestur
Dimmagil í [í, tvítekið] Svartfell á Dimmafjallgarðsvegi. Þaðan beina stefnu í
Skarðá, þar sem hún fellur í Jökulsá, en Jökulsá ræður að vestan, þar til Ytri-
Vatnsleysa fellur í hana.
Svo ræður hún að upptökum, þaðan beina stefnu í Selá þar sem Hrútá fellur í
hana.
Nýibær.
Nýabæarland takmarkast af nyrðri og Syðri Vatnsleysu svo lengi sem þær
ráða landi. 143
Undir bréfið skrifuðu eigendur Grundarhóls, Jón Sigurðsson, Víðirhóls, Jón
Árnason, Grímsstaða, Sölvi Magnússon, Víðidals, Bjarni Jónsson, Hauksstaða, Kr.
Jóhannesson og Hólssels, H. Guðlaugsson.
Hinn 15. maí 1922 var útbúið nýtt landamerkjabréf fyrir Grímsstaði og
Nýjabæ. Það var þinglesið sama ár:
Grímsstaðir eiga land úr Hrútá þar sem hún fellur í Selá, vestur Dimmagil í
Svartfell á Dimmafjallgarðsvegi, þaðan beina stefnu í Skarðá þar sem hún
fellur í Jökulsá, en Jökulsá ræður að vestan þar til ytri Vatnsleysa fellur í
hana, svo ræður hún að upptökum, þaðan bein stefna í Selá þar sem Hrútá
fellur í hana.
Nýibær.
Nýabæarland takmarkast af nyrðri og syðri Vatnsleysu svo lengi sem þær
ráða landi. 144
Undir bréfið skrifuðu eigendur Grímsstaða, þau Sigurður Kristjánsson,
Halldóra Sigurðardóttir, Kjartan Kristjánsson og Arnbjörn Kristjánsson. Landamerkin
voru samþykkt af eigendum Hauksstaða í Vopnafirði, Vilmundi Helgasyni, Hólssels,
Sigurði Þorsteinssyni, Víðirhóls, Ingólfi Kristjánssyni og Birni Sigvaldasyni og
Grundarhóls, Jóni Sigtryggssyni.
Grímsstaðir stóðu fyrr um 7 km suðaustur af núverandi býli. Um aldamótin
1900 fóru þeir í eyði vegna uppblásturs og bærinn fluttur á rústir Nýjabæjar. 145
142
Jarðabók Árna Magnússonar og Páls Vídalíns XI. bindi. Kaupmannahöfn 1943, bls. 321-322.
143
Skjal nr. 2 (2) a-b.
144
Skjal nr. 2 (3).
43