Mál nr. 5/2005 - Óbyggðanefnd

34
Staddir á Hóli á Fjöllum
Sjera Jón Austmann S. Jónsson. Bjarni Pálsson
handsalað L.S. L.S. 92
Í brauðamati sem útbúið var fyrir Skinnastaðarprestakall 21. október 1854
kemur fram að talin sé fimm kapla ganga í Hólsjörðu á Fjalli á vetrum. 93
Í skýrslu um tekjur og útgjöld Skinnastaðarprestakalls, sem útbúin var 11. júní
1867, kemur fram að prestakallið leigi 5 kapla göngu í Hólsjörðu á Fjalli. 94
Hinn 30. júní árið 1876 fóru fram landskipti milli Fagradals, Nýjahóls og
Gamlahóls. 95 Nánar er fjallað um þau í kaflanum um Fagradal.
Hóll eyddist af uppblæstri og fór í eyði árið 1892. 96
Nýihóll er byggður úr landi Hóls árið 1869 og hefur verið í byggð síðan. 97
Land Hóls/Gamlahóls mun hafa verið lagt til Nýjahóls. Fagridalur var lagður undir
Nýjahól árið 1944. 98
Landamerki jarðarinnar Nýjahóls voru þinglesin 29. júní 1888:
Nýihóll á land að austan fram með Víðirhólslandi að Grundarhólslandi sem
ræður að sunnan, þvert vestur með því í Stórastein, úr honum sömu stefnu að
Holslandi í Stóruhæð, þaðan beint í einstökutjörn, úr henni beint í
Miðdegisvörðu, og þaðan beina stefnu í Millukofabrot við læk, sunnan og
neðan við Hólsflóa, úr því og í syðri Langholtsenda og svo allt fyrir austan
nefnt Langholt útað Fagradalsá, að undanskyldu því engjastykki, sem
Grundarhóli er áður úthlutað, og ræður Fagradalsá og Brunkulækur að
norðan. Líka á Nýihóll utan við Fagradalsá vestan við Fagradalslandamerki,
allt að utan í Lambhaganum suður fyrir stóra flöt, og vestan við
Lambhagaskurð, og alla Þorgrímslæki útað Fagradalsmerkjum. Melastykki í
Hólselsmelum fram að beinni stefnu úr Einbúa í Vörðu sunnan á Gildru í
Hólakellingu. Ennfremur á Nýihóll tiltölulegan hluta, eftir dýrleika
jarðarinnar í Bugu framan við mela götu ofan við Holsselsland og svonefnda
Lauftorfu austan á Fjarðarsundsás og Móana utan við Þorgrímslæki, eins og í
heiðinni fyrir utan. 99
Undir landamerkjabréfið skrifuðu eigendur Nýjahóls, Björn Kristjánsson,
Kristján Guðmundsson og Sigurður Gunnlaugsson, Víðirhóls, Kristján Kristjánsson,
92
Skjal nr. 2 (140) a-b.
93
Skjal nr. 2 (63).
94
Skjal nr. 2 (124).
95
Skjöl nr. 2 (141) a-b og nr. 2 (142) a-b.
96
Land og fólk, bls. 344.
97
Land og fólk, bls 340. Ritsafn Þingeyinga II. Lýsing Þingeyjarsýslu II. Norður-Þingeyjarsýsla, bls.
57.
98
Land og fólk, bls. 340.
99
Skjal nr. 2 (8) a-b.