Mál nr. 5/2005 - Óbyggðanefnd

handsalað L.S. L.S. 82
Þau skjöl varðandi Hólssel, Hól og Víðirhól, sem minnst er á í þessu bréfi,
hafa ekki komið fram.
Landamerkjabréf fyrir afréttarlandið var útbúið 3. júní 1890. Það var þinglesið
12. júní 1891:
Landamerkjaskrá fyrir afrjettarlandi jarðanna: Víðihóls, Hólssels, Fagradals
og Nýhóls í Skinnastaðahreppi: 83 Úr Falkakletti í há Reiði, þaðan beint austur
á fjallgarð á móts við Hafrafellstunguland og ræður þaðan
Hvammstaðafjallgarður suður í Mýrgil, þaðan í ytri Minnisöxl, og þaðan í
Klettagil. Þaðan suður austan við Bungu og suður á Austaribrekku við
Dauðagil, þaðan eftir Dauðagili í Krummaskarð þaðan í Hrafnaklett. Þess ber
að geta að Grundarhólseigandi á frían upprekstur fyrir geldfje sitt og eina
trippisgöngu í Nýhóls og Fagradals, ofanrituðu afrjettarlandi og 2/5tu úr svo
nefndum Flöt, ofan við Hrafnaklett. Samkvæmt landamerkjabrefi fyrir
Víðihóli dato 29. Júli 1848 eiga Viðihóls eigendur tveggja hesta vetrargöngu
óátalda í Hólsselsmelum. 84
Undir bréfið skrifuðu Helgi Guðlaugsson, Hólsseli, Kr. Kristjánsson, Kristín
Eiríksdóttir, Helga Jónsdóttir (þessi þrjú vegna Víðirhóls), S. Magnússon (gæti verið
Sölvi Magnússon á Grímsstöðum), Bjarni Jónsson (e.t.v. á Hóli/Nýhóli), Jón
Bjarnason (líklega í Fagradal), Sigtry[ggur] Benediktsson á Grundarhóli, S. S.
Eiríksson og G. Eiríksdóttir (þessi tvö síðastnefndu væntanlega vegna
Hafrafellstungu). Þorleifur Jónsson, prestur á Skinnastað, var samþykkur
landamerkjabréfinu (líklega vegna Hafursstaða).
5.6.1. Hóll á Fjalli/Nýihóll
Kirkjan á Skinnastað á land á móts við Hól á Fjalli samkvæmt máldaga sem talinn er
vera frá því um 1500. Þar kemur eftirfarandi fram:
kirkiann aa landareign framm vid gil framm fra lundum [Löndum, skv. einni
uppskrift og löndunum skv. annarri] oc vpp a motz vid hool a fialle. er þar
med fijskivatn oc Bæa stadur. oc v kapla gongu a vetur j hoolz jord a fialle. 85
Hinn 21. september 1566 seldi Þórður Pétursson séra Sigurði Jónssyni jörðina
Klifshaga í Öxarfirði. Í staðinn:
... lofadi sira Sigurdur og gaf jordina Hol a fialli med iiij kugildum fyrir xiiij
hundrud og ij kugillde er hann hia mier aa. og .ui. Kugilldi a hann mier ad
82 Skjal nr. 2 (140) a-b.
83 Strikað hefur verið yfir: Þess ber að geta ... Hólsselsmelum, og bætt við: ,,Ítökunum ekki lýst samkv.
áskorun 20. maí 1953. Eru þau því niður fallin. J. Skaptason.“
84 Skjal nr. 2 (6) a-b. Ályktanir varðandi þau, sem skrifa undir, eru byggðar á athugun á öðrum
landamerkjabréfum og sóknarmannatölum Víðirhólsprestakalls frá þessum tíma.
85 Skjal nr. 4 (51).
31