Mál nr. 5/2005 - Óbyggðanefnd

20
Dýrleikinn var 20 hundruð samkvæmt Jarðabók Árna og Páls árið 1712. Jörðin
eign Munkaþverárklausturs. Hestum jafnlega burt komið [til vetrargöngu] á
Hólsöræfi. Grasa- og hvannatekja næg fyrir heimilið. Úthagar góðir og miklir. 41
Klifshagi átti tveggja mánaða selför á Mýrarsel norður, í Sandfellshagalandi,
en hafði ekki brúkast í margt ár árið 1712. 42
Sóknarlýsing Skinnastaðarsóknar virðist telja land austan Sandfells og
Þverárhorns til Sandfellshaga. 43
Hinn 14. júlí 1845 var haldin áreiðargerð á landamerki Þverár og
Sandfellshaga. Meðal þeirra sem voru viðstaddir hana voru umboðsmaður Þverár,
Árni Árnason, og A. Þórðarson fyrir Sandfellshaga. Áður en áreiðin hófst kom fram
að umboðsmaður Þverár hélt því fram að landamerkin ættu að vera:
allt nedanfrá Merkidal og í Skurd siálfgjördan í midri Fögruhlíd, (og) þadan
og í hæstu Hædirnar suduraf Þverarhorni, rétt sunnanvid Heidarveigin, þadan
og sunnanverdt í Kálfhól, þadan og í Kéllíngarhrigg midjan rétt utanvid
veigin, hvar lína á millum þessara sídastnefndu örnefna geingur fyrir sunnan
svokalladan Gæsavatnsflóa, og þannig innlikur hann allan í Þverar Land frá
Sandfellshaga Landi; frá Kellíngarhrigg sídast og beina stefnu í Hrauntángan
utanvid Myrarsel.
A. Þórðarson taldi landamerkin aftur á móti eiga að vera eftirfarandi:
úr nordaustur horni Klifshaga Lands og í sudvesturhorn Arnastada Lands, þad
er ad seigja úr Gardinum fyrir nedan Sandfellshaga í sokalladan Vörduhól
sunnanverdt vid Fögruhlíd, og sömu stefnu þadan utaustur ad Arnastada
Landi, á hverri stefnu Administrator meinti ad madur mundi koma
sunnanverdt vid Þverarhorn.
Eftir að riðið hafi verið á landamerki jarðanna ákváðu áreiðarmennirnir
eftirfarandi merki:
Landamerkin millum Þverar og Sandfellshaga gánga nedanfrá Merkidal,
beina stefnu upp og [aust]ur [þetta er mjög torlæst] á Vörduhól, og verdur
svonefndur Skurdur í midri Fo[gruhlid] töluverdt fyrir sunnan þessa
sjonarlínu, og altso ekki í Þverár landi; úr Vorduhól aptur beina stefnu austurí
Hædirnar rétt sunnanvid Þverárhorn, þad er ad seigia adra hæd næst þeirri
ytstu eda utaní Millumhædina, sunnan vid Heidarveigin; Þadan réttsínis
austurí midjan Kalfhól, sem er sunnan og vestanvid sokalladan
Gjæsavatnsflóa; á midjum þessum hól hlódu areidarmennirnir Vördu til
merkis, ístadin fyrir þá gomlu vordu sunnaná hólnum; Þadan (nl. úr vördunni
nyu) rettsinis austurá Kéllíngarhrigg, í vördu nygjörda nordan vid sydstu og
hædstu Búnguna þar, og er þá komid [yfirstrikað utfi] nordurfyrir
40 Skjal nr. 4 (49).
41 Jarðabók Árna Magnússonar og Páls Vídalíns XI. bindi, bls. 316-317.
42 Jarðabók Árna Magnússonar og Páls Vídalíns XI. bindi, bls. 318.
43 Þingeyjarsýslur. Sýslu- og sóknalýsingar, bls. 233.