Mál nr. 5/2005 - Óbyggðanefnd

Litið er svo á að í kröfugerðinni felist jafnframt krafa um fullkominn
einkaafnotarétt þeirra í þjóðlendu innan merkja jarðarinnar, að öllum venjubundnum
afnotum, að fornu og nýju, fari svo ólíklega að einhver hluti landsins teljist þjóðlenda.
Þá er krafist málskostnaðar samkvæmt framlögðum málskostnaðarreikningi.
3.5. Kröfur Hafrafellstungu ehf. vegna Hafrafellstungu I og II
Þess er krafist að viðurkenndur verði beinn eignarréttur þinglýsts eiganda
Hafrafellstungu I og II að öllu landi jarðarinnar og að viðurkennt verði að
heildarlandamerki jarðarinnar séu þessi: „Að norðan úr svokölluðum lækjarfossum
ræður Gilsbakkaáin með lækjardals-og Gilsbakkalöndum í svokallaðan Bug, hvar hin
svonefnda Þverlaut liggur að ánni. Síðan upp úr henni syðst beint á Fjórðungshól,
þaðan í Þverfell á hlið við Sandfellshagaland og með því í vörðu þá er stendur á
Laugaás. Að austan á hlið með Svalbarðskirkjulandi ræður Langásinn til syðri enda
hans, þaðan beina stefnu í ás þann, er liggur úr norðausturhorni Stóra-Búrfellsvatns,
þaðan beina línu í hásuður yfir vatnið austan við hólma í því, á hól þann, er stendur
austan við norðausturhornið á Búrfelli, síðan sömu stefnu til Dettifossár, svo ræður
hún austur til Sandár, er svo ræður suður til Svartárkvíslar þar sem hún fellur í ána
síðan ræður kvíslin til upptaka sinna. Að sunnan á hlið við Víðirhólsland ræður úr
upptökum Svartárkvíslar bein stefna í vestur yfir fjallgarðinn og með fjallalöndum
sömu stefnu í há reiði. Að vestan ræður bein stefna úr há Reiði á hlið við Austara-
Landsland í Rauðhólaþúfu, er stendur syðst á svokölluðum Rauðhólum sunnan og
vestan við Tunguborgir, síðan sömu stefnu norðureftir Borgarás að austanverðu við há
Stórás, síðan sömu stefnu í vörðu á Urðarás með Bjarnastaða- og Smjörhólslöndum
og eftir honum í tjörn þá, er liggur við norðurenda hans, síðan í Smjörhólsá eftir garði
þeim, er liggur úr ytri enda tjarnarinnar í ána og ræður hún til hinna upphaflega
nefndu Lækjardalsfossa.“
Litið er svo á að í kröfugerðinni felist jafnframt krafa um fullkominn
einkaafnotarétt þeirra í þjóðlendu innan merkja jarðarinnar, að öllum venjubundnum
afnotum, að fornu og nýju, fari svo ólíklega að einhver hluti landsins teljist þjóðlenda.
Þá er krafist málskostnaðar samkvæmt framlögðum málskostnaðarreikningi.
3.6. Kröfur Oktavíu H. Ólafsdóttur og fleiri vegna „sameignarlands“ Hólssels,
Fagradals, Nýhóls og Víðirhóls
Þess er krafist að viðurkenndur verði beinn eignarréttur þinglýstra eigenda Fagradals,
Víðirhóls og Nýhóls að öllu „sameignarlandinu“ og að viðurkennt verði að
heildarlandamerki landsvæðisins séu þessi: „Úr Fálkakletti á há Heiði, þaðan beint
austur á fjallgarð á móts við Hafrafellstunguland og ræður þaðan Hvannstaða
fjallgarður suður í Mýrgil, það í ytri Minniöxl og þaðan í Klettagil. Þaðan suður
austan að Bungu og suður á Austaribrekku við Dauðagil, þaðan eftir Dauðagili í
Krummaskarð, þaðan í Hrafnaklett.“
9