RULLANDI FISKI- LOYVIR GEVA FÁMANNA- VELDI

SETT UPP: REGIN DAVIDSEN
16 ÍTRÓTTUR
Nr. 46 · 5. mars 2012
Dysturin millum grannarnar úr Víkingi og ÍF í Eysturoyarkappingini leygardagin bleiv blástur av í seinna hálvleiki, tí tað bleiv sovorðið rok eftir eina ógvusliga takling frá einum víkinga-leikara á ein ÍF-leikara Savnsmynd
Dómarin bríkslaði
dystin av
Eysturoyarkappingin
plagar at vera kappingin,
har liðini sleppa
at royna seg ímóti
hvørjum øðrum í vinardystum,
men tað var
ikki nógv “vinarligt”
yvir uppgerðini millum
ÍF og Víking leyg ardagin.
Tað var nevniliga
serliga ein hending, ið
varð nógv umrødd
leygardagin. Hendingin
fór fram, tá eitt sindur
minni enn ein tími var
farin av dystinum, og
slíkt rok kom í, at
dómarin valdi at bríksla
dystin av
TERJI NIELSEN
Líkindini at spæla fótbólt í
Fuglafirði leygardagin
vóru ikki av teimum allarbestu.
Vindur var, og serliga
vóru tað hvirlurnar, ið
órógvaðu fótbóltsspælið.
Fyrsti dysturin hendan
dagin var grannauppgerðin
mill um ÍF og Víking, og
hes ar uppgerðirnar eru
ofta sera intensar, og ofta
er harðligt spæl ein partur
av dystunum. Og hóast talan
var um ein venjingardyst,
so varð einki spart. Í fyrra
hálv leiki vórðu nakrar
harð ar taklingar gjørdar,
men hetta var tað, ein
kundi vænta, tá dystur
mill um ÍF og Víking verður
spældur.
Fyrr í ár vann Víkingur
stór sigur á ÍF í venj ing ardysti,
og tískil var Víking ur
favor ittur at vinna dystin.
Men hóast hetta, so var tað
eitt sindur óvæntað ÍF, ið
kom á odda. Tað var nýggi
danski leikarin hjá ÍF,
Simon Skibsted, ið setti
bóltin í netið, og hálv leiksstøðan
var 1-0 til ÍF.
Seinni hálvleikur var
ikki serliga gamal, tá Clayton
Soares setti bóltin í
net ið fyri ÍF til 2-0, og so
bendi alt á, at ÍF fór at
vinna dystin. Men dystur in
varð ongantíð lið ugt spældur,
tí tá eitt sindur minni
enn ein tími var spældur,
fór Hans Jørgen Djurhuus
hjá Víkingi í eina ov ógvusliga
takling móti Simon
Skib sted úr ÍF, og danin
var “groggy” ta einu løtuna,
tí hann smekkaði høvdið í,
tá hann datt. Longu eftir
taklingina hjá Hans Jør gen
Djur huus vóru serliga leikararnir
hjá ÍF á gosi um
tað, sum var farið fram,
men tað var fyrst, tá Dagfinn
Forná, sum var dómari
til hendan dystin, valdi
at geva Hans Jørgen Djurhuus
gula kortið, at veruligt
rok stóðst burturúr.
Nógv hendi hesa løtuna,
og tað endaði við, at Dagfinn
Forná valdi at bríksla
dystin av. Støðan var tá 2-0
til ÍF. Simon Skibsted kom
fyri seg aftur, men hann
var ógvuliga “groggy” eftir
dystin.
Avgjørt var, at ÍF skuldi
koma víðari til finaluna, tí
teir vóru frammanfyri 2-0,
tá dysturin varð bríkslaður
av, og Víkingur skuldi harvið
spæla dyst um triðja
plássið sunnudagin.
Effektivir runavíkingar
Seinni dysturin leygardagin
var enn ein granna uppgerð,
nevniliga dysturin
mill u m B68 og NSÍ. Hes in
dysturin var væl friðarligari
enn fyrsti dysturin í
kapp ingini. Ein kann
kanska siga, at dysturin var
eitt sindur ov friðarligur.
Tað vóru sera fáir málmøgu
leikar at síggja, og
fyri tað mesta var tað B68,
ið hevði bóltin. Men tá ein
hálvur tími var farin, kom
NSÍ á odda. Sjúrður Jacob
sen rak frameftir í vinstru
síðu, og hann legði bóltin
innfyri, har Magnus Olsen
stóð leysur, og hann
beindi bóltin í netið úr
stutt ari frástøðu.
Og bert tríggjar minuttir
seinni var aftur galið í B68verjuni,
og aftur hesa ferð
var tað eitt innlegg, ið endaði
við máli. Hesa ferð
kom innleggið úr høgru
síðu, og tað var Monrad
Holm Jacobsen, ið legði
inn fyri til Jann Martin
Mort ensen, ið setti bóltin í
netið til 2-0.
Í seinna hálvleiki kom
bert tað eina málið, og
hetta skeyt Andras Frederiks
berg. Hóast tað var
B68, ið hevði bóltin nógv,
so vóru runavíkingar
effekt ivir, tá teir komu
fram til málmøguleikar, og
NSÍ vann dystin 3-0. Harvið
skulu teir spæla finalu,
sum verður í kvøld klokkan
18 móti ÍF.
Víkingur endaði
nummar trý
Dysturin um triðja plássið
varð spældur í gjár klokkan
15, og hann var millum
Víking og B68. Tað vóru
tofta menn, ið komu betri
frá byrjan, og tá umleið 20
min uttir vóru farnir, skallaði
Oddur Højgaard B68 á
odda, eftir at André Olsen
skeyt horna innfyri.
Eftir málið var tað framvegis
B68, ið royndi at
trýsta Víking, men einki
stóðst burturúr, og so líðandi
kom Víkingur betri
við. Og tá umleið ein
hálvur tími var farin, skeyt
Lasse Qvist eitt innlegg í
málið til 1-1. Og tað gingu
bert nakrir fáir minuttir, so
var Víkingur á odda 2-1.
Hetta hendi, tá skotið varð
úr 25 metrum, og bólturin
rakti í ein B68-verjuleikara.
Bólturin fór síðani í einum
bleytum boga upp um
málverjan hjá B68, og so
var 2-1, ið eisini var hálvleiksstøðan.
Dysturin millum Víking
og B68 var ógvuliga javnur,
har Víkingur tó nokk
hevði lítla leikliga yvirvág.
Einki mál kom í seinna
hálv leiki, og harvið endaði
dyst urin 2-1 til Víking, ið
streyk avstað við triðja
pláss inum í Eysturoyarkapp
ingini.