Create successful ePaper yourself
Turn your PDF publications into a flip-book with our unique Google optimized e-Paper software.
E premte, 22 tetor 2010<br />
Të nderuar kolegë, ejani në Parlament dhe bashkojuni idesë së<br />
një seance të jashtëzakonshme ku do të debatojmë se ç’të bëjmë.<br />
Le të vendosim: shkarkim të Presidentit, mocion mosbesimi,<br />
apo çdo gjë tjetër që na kërkon qytetari me votën e vet.<br />
Opozita duhet të bashkohet në<br />
rrëzimin e këtij pushteti njëpartiak<br />
Behgjet Pacolli<br />
Gjendemi në mes të një krize të re, të parës në<br />
historinë e shkurtër të republikës sonë. Mu në<br />
mes të krizës, kur ajo s’ka pëlcitur ende, ne bëmë<br />
thirrje për një takim mes drejtuesve të opozitës<br />
në nivel kryetarësh. Ky do të ishte një takim mes<br />
të mandatuarish të barabartë me njëri-tjetrin,<br />
pavarësisht nëse partitë tona janë në Parlament<br />
apo jo, pavarësisht rezultateve në zgjedhjet e fundit.<br />
Unë, thjesht, isha thirrësi i tryezës, për më<br />
shumë në një vend që i takon popullit, siç është<br />
selia e Parlamentit. Më vjen keq për ata që s’kanë<br />
ardhur në këtë tryezë.<br />
Ne e thirrëm takimin pavarësisht ndasive tona<br />
programore, qëndrimeve tona politike, me një<br />
synim të vetëm: të gjejmë një emërues të përbashkët<br />
minimal për daljen nga kjo krizë. Askush që<br />
u ul në këtë tryezë nuk është sjellës i krizës. Ne po<br />
e pësojmë atë bashkë me qytetarin.<br />
Pse një tryezë?<br />
Kudo në botë, partitë e ndryshme të opozitës<br />
kanë të paktën një synim të përbashkët: ta<br />
rrëzojnë Qeverinë. Ne e thirrëm këtë takim për<br />
të arritur tek ky emërues i përbashkët. Ishte shumë<br />
interesante se disa parti që na kanë akuzuar<br />
se bashkëpunojmë me Qeverinë, nuk e pranuan<br />
ftesën. Nuk pranuan ta gjejnë këtë element të<br />
përbashkët – rrëzimin e Qeverisë. Nuk di ndonjë<br />
vend të botës ku Qeveria mund të bjerë nëse<br />
opozita nuk bëhet bashkë. Qeveritë nuk bien vetë,<br />
ato i rrëzon opozita. Nuk pranuan të uleshin me<br />
ne, por me Qeverinë në të njëjtën godinë.<br />
Qëkur u realizua martesa PDK-LDK, tre vjet më<br />
parë, ndërsa i uroja sukses, unë thashë se kjo ishte<br />
një martesë e panatyrshme dhe që nuk do të<br />
shkonte gjatë. Në fund të vitit të kaluar thashë se<br />
vështirë që kjo Qeveri do ta kalonte vitin 2010.<br />
Jo për të bërë parashikuesin, por unë kam menduar<br />
dhe kam lënë të kuptoj, se kjo Qeveri ra sepse<br />
ishte e rënë që kur lindi. Ajo lindi e vdekur. Pra,<br />
Kosova ka qenë më herët në krizë. Veçanërisht<br />
ka qenë në krizë ekonomike, pasi mirëqenia e<br />
qytetarit posaçërisht këto vitet e fundit, mbetet<br />
në rënie. S’ka investime të huaja. S’ka shumëçka.<br />
Kemi qenë dhe në krizë institucionale, që më<br />
herët. Kur Presidenti i Republikës shkel kushtetutën<br />
që ditën e parë në postin e tij dhe madje<br />
për dy vjet rresht, atëherë i bie që vendi është në<br />
krizë institucionale prej tre vjetësh. Kriza e sotme<br />
është veç shpërthimi në sipërfaqe i një bombe me<br />
sahat, që u kurdis kur Presidenti shkeli kushtetutën.<br />
Ne kemi arritur në atë pikë të krizës, kur<br />
askush nuk mund të thotë se nuk ka krizë, madje<br />
dhe ata që e gatitën. Bile, duhet ta themi se është<br />
një krizë e rëndë.<br />
» Autori është<br />
.<br />
Pse është krizë e rëndë? Sepse vendi është pa<br />
President!<br />
Kur vendi është në një krizë, Presidenti është<br />
garant i zgjidhjes së krizave. Por, ne nuk e kemi<br />
garantin! Nëse Presidenti është i tepërt në një<br />
Republikë Parlamentare, atëherë hajt t’i propozojmë<br />
botës që t’i heqë Presidentët nga hierarkia<br />
e institucioneve! Ne duhet të vazhdojmë atë që<br />
thotë Kushtetuta: ta shkarkojmë Presidentin. Dikush<br />
mund të thotë se ne kemi zëvendësuesin e<br />
përkohshëm të Presidentit, zotin Jakup Krasniqi.<br />
Me gjithë respektin për ushtruesin e detyrës së<br />
Presidentit, në një edicion lajmesh e shohim me<br />
tre kostume. Në mbledhjen e kryesisë së PDK’së<br />
si Sekretar i përgjithshëm i kësaj partie (të dielën<br />
do ta shohim dhe në Kongresin e saj). E shohim<br />
pastaj duke drejtuar votimin e parregullt për strategjinë<br />
e privatizimit të PTK’së, si Kryetar Parlamenti,<br />
dhe duke folur si President për ta caktuar<br />
datën e zgjedhjeve! Kjo situatë nuk është normale!<br />
Pse jemi në krizë? Vendi është pa 6 ministra dhe<br />
madje as pa disa zëvendësministra!<br />
Ne s’e kemi gjysmën e Qeverisë në punë, ata<br />
kanë dezertuar. Kur ministrat janë në krye të<br />
detyrës, ata përgjigjen për politikat e dikastereve të<br />
tyre. Ata marrin vendime të rëndësishme për jetën<br />
e qytetarit. Ministrat përgjigjen për drejtësinë, për<br />
kulturën, për barnat, për spitalet tona, për ambasadorët,<br />
presin homologët e tyre diplomatë.<br />
Por, neve na mungon gjysma e Qeverisë. Ata i janë<br />
bindur urdhrit të partisë dhe jo atij të kushtetutës.<br />
Ministrat nuk janë të tepërt në një Republikë Parlamentare.<br />
Nëse do ishte kështu, hajt t’i paraqesim<br />
botës një propozim që t’i nxjerrë ministrat si të<br />
tepërt dhe të padëshirueshëm!<br />
Por, mbi të gjitha, kriza mund të jetë më e rëndë,<br />
vendi është me institucione të kontrolluara nga<br />
një ngjyrë politike. Nga ajo e PDK’së. Për herë të<br />
parë që nga arritja e lirisë, ne jemi me një Qeveri<br />
njëngjyrëshe, me një shtet njëngjyrësh njëpartiak.<br />
Si në kohën e komunizmit. A mund të pranohet<br />
kjo? A janë dakord me këtë ato parti që nuk morën<br />
pjesë në takim? Nëse nuk janë, cila është rruga që<br />
ato propozojnë për ta ndryshuar gjendjen?<br />
Me këtë situatë, pa President, pa ministra, me<br />
një shtet njëpartiak, ne duhet dalim në zgjedhje.<br />
Vërtet do ta pranojmë gojëkyçur këtë realitet?<br />
Mos harroni që jemi në vitet e para të kësaj Republike<br />
dhe në vitet e para të kësaj Kushtetute.<br />
Nga mënyra si ne i zgjidhim krizat sot, do të përcaktohet<br />
modeli i zgjidhjes së krizave për nesër.<br />
Ejani të zgjedhim një model të mirë dhe t’i tregojmë<br />
botës se Kosova e meriton shtetin!<br />
Ejani në Parlament të nderuar kolegë, që ndoshta<br />
do të donit ta thërrisnit ju tryezën, dhe bashkojuni<br />
idesë së një seance të jashtëzakonshme<br />
ku të debatojmë se ç’të bëjmë. Nëse s’ju pëlqeu<br />
tryeza jonë, le të vendosim në Parlament se ç’do<br />
të bëjmë: shkarkim të Presidentit, mocion mosbesimi,<br />
apo çdo gjë tjetër që na kërkon qytetari<br />
me votën e vet.<br />
<br />
<br />
<br />
<br />
<br />
<br />
<br />
<br />
<br />
3