You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Agim Neza<br />
E martë, 30 tetor 2012<br />
Vizita e mëparshme e presidentit Bush dhe kjo e sekretares<br />
së Shtetit, znj.Klinton, kanë qenë dhe janë në mbështetje<br />
të prosperitetit të mëtejshëm të Shqipërisë dhe të të gjitha<br />
vendeve të rajonit.<br />
Mirë se vjen në Shqipëri znj. Klinton!<br />
Vizita zyrtare e sekretares së Shtetit, Hillary Klinton,<br />
bashkëshortes së ish-presidentit Klinton, të cilët<br />
janë miq të veçantë të Shqipërisë dhe kombit shqiptar,<br />
përbën lajmin më të rëndësishëm në kuadër të<br />
marrëdhënieve diplomatike midis dy vendeve, në<br />
prag të kremtimeve të 100-vjetorit të Pavarësisë së<br />
Shqipërisë.<br />
Vizita e sekretares së Shtetit, znj. Klinton në<br />
Shqipëri, është vazhdim i politikës së SHBA, si shteti<br />
më i fuqishëm i botës, i cili ka qenë një aleat dhe<br />
mbështetje për Shqipërinë e shqiptarët, që nga krijimi<br />
i shtetit shqiptar e gjer në ditët e sotme. SHBA kanë<br />
kontribuar në njohjen e pavarësisë së Shqipërisë (presidenti<br />
Wilson, 1919), në konsolidimin e demokracisë,<br />
në anëtarësimin në NATO dhe në mbështetjen që u<br />
ka dhënë shqiptarëve të Kosovës për pavarësinë e saj.<br />
Askush më shumë sesa Shtetet e Bashkuara të Amerikës<br />
nuk ka kontribuar për të ndihmuar demokracinë<br />
të triumfojë si sistem universal. SHBA ka qenë<br />
dhe mbetet një mbështetëse e fl aktë për të triumfuar<br />
ndaj përvojave të hidhura të të gjitha atyre vendeve<br />
që përjetuan fashizmin, nazizmin, diktaturën komuniste,<br />
regjimet ushtarake dhe qeveritë diktatoriale. E<br />
tillë ishte edhe Shqipëria, e cila përjetoi demokracinë<br />
vetëm pas viteve ‘90.<br />
Vizita e sekretares së Shtetit, Klinton, është treguesi<br />
më i mirë se marrëdhëniet midis SHBA me Shqipërinë<br />
janë të shkëlqyera. Nga ana tjetër, niveli i bashkëpunimit<br />
dhe miqësisë që përjeton populli shqiptar për<br />
Amerikën dhe popullin amerikan vështirë se haset<br />
diku tjetër. Gjatë këtyre 20 viteve të demokracisë të<br />
gjitha qeveritë shqiptare kanë pasur dhe kanë një<br />
admirim të madh për Shtetet e Bashkuara, duke u<br />
angazhuar për të intensifi kuar bashkëpunimin në të<br />
gjitha fushat. E për këtë nuk duhet të ketë xhelozi se<br />
kush ishte në drejtim të qeverisjes kur u anëtarësuam<br />
në NATO, kur Kosova u shpall e pavarur, kur presidenti<br />
Bush vizitoi Shqipërinë…etj!<br />
Gjatë këtyre 20 viteve, SHBA ka qenë aleati ynë<br />
strategjik. Marrëdhëniet e Shqipërisë me SHBA kanë<br />
pasur një bashkëpunim të shkëlqyer në fushën politike,<br />
ekonomike, sigurisë e të mbrojtjes, si dhe luftës<br />
kundër terrorizmit. Ky bashkëpunim ka qenë një<br />
mbështetje e vazhdueshme për reformat dhe stabilitetin<br />
e vendit tonë. Në këtë kuadër, një rol të veçantë,<br />
krahas personaliteteve të tjera të larta amerikane, ka<br />
luajtur edhe çifti Klinton. Presidenti Klinton dhe sekretarja<br />
e Shtetit, znj.Klinton, meritojnë vlerësimet më të<br />
veçanta nga të gjithë shqiptarët, qofshin në Shqipëri,<br />
Kosovë, Amerikë dhe kudo që ata ndodhen. Në prag<br />
të kësaj vizite të sekretares së Shtetit, znj.Klinton në<br />
Shqipëri e Kosovë, natyrshëm të gjithë kujtojmë mesazhet<br />
e ish-presidentit të Shteteve të Bashkuara të<br />
Amerikës, Bill Klinton, në Kosovë se: “Ne bëmë luftën,<br />
ju (shqiptarë të Kosovës) duhet të bëni paqen.” Dhe<br />
sot shqiptarët kanë bërë realitet mesazhin e presidentit<br />
Klinton për stabilitet e paqe. Të dy (presidenti<br />
Klinton dhe sekretarja Klinton) janë kontribuues të<br />
paqes, demokracisë, lirisë dhe të drejtave të njeriut<br />
në botë.<br />
Vizitat e sekretares së Shtetit, znj.Klinton, do të gjenerojë<br />
stabilitet dhe siguri më të madhe për Ballkanin.<br />
Vizita e sekretares së Shtetit, Hillary Klinton, në rajonin<br />
e Ballkanit, është në kuadër të partneritetit midis<br />
Shteteve të Bashkuara të Amerikës dhe Europës për të<br />
përballuar sfi dat e sotme globale. Shtetet e Bashkuara<br />
dhe Europa po veprojnë së bashku për të zgjeruar<br />
shanset, për të çuar përpara demokracinë, për të forcuar<br />
më shumë institucionet e pavarura, dhe për të<br />
mbrojtur dinjitetin njerëzor.<br />
Europa dhe në veçanti vendet e Ballkanit sot janë<br />
më të sigurta se kurrë më parë si rezultat i partneritetit<br />
të Shteteve të Bashkuara të Amerikës më Bashkimin<br />
Europian. Natyrisht të gjithë jemi të ndërgjegjshëm se<br />
në rajon kanë mbetur shumë çështje të rëndësishme<br />
të pambaruara, të cilat kërkojnë intensifi kim të bashkëpunimit<br />
midis SHBA-ve dhe BE. Kjo evidentohet<br />
edhe në faktin se znj. Klinton gjatë vizitave në Beograd<br />
dhe Prishtinë do të jetë e shoqëruar nga përfaqësuesja<br />
e lartë e Bashkimit Europian, znj. Ashton, ku synohet<br />
për të avancuar dialogun midis Kosovës dhe Serbisë,<br />
si dhe për të inkurajuar hapat konkretë që do t’i lejojnë<br />
këto vende të përparojnë në rrugëtimet e tyre<br />
përkatëse për anëtarësim në BE.<br />
Vizita e sekretares së Shtetit, znj.Klinton, është<br />
rikonfirmim se SHBA ka kontribuar në harmonizimin<br />
e politikave rajonale, të cilat kanë gjeneruar<br />
stabilitet dhe siguri më të madhe për Shqipërinë<br />
dhe pjesën tjetër të Europës Juglindore. Strategjia e<br />
SHBA-ve është një strategji partneritetesh që afi rmon<br />
rolin jetësor që kanë NATO dhe aleanca të tjera që<br />
ka SHBA, duke përfshirë edhe OKB-në. Kjo strategji<br />
është e rrënjosur në promovimin e lirisë dhe dinjitetit<br />
në të gjithë botën, që ka të bëjë me shtetin ligjor, lirinë<br />
e fjalës, lirinë e fesë, tolerancën fetare dhe etnike, të<br />
drejtat dhe respektin për gratë, respektin për pronën<br />
private etj.<br />
Vizita e sekretares së Shtetit Hillary Klinton në rajon,<br />
sipas mendimit tim, është në vazhdimësi të mesazhit<br />
të Departamentit të Shtetit, e përcjellë nga znj.Klinton<br />
në fjalimin e saj në Paris, në janar të vitit 2010, ku theksonte<br />
se: “Për ta mbajtur Europën të sigurt, duhet të<br />
mbajmë të hapura kanalet e komunikimit, duke qenë<br />
të drejtpërdrejtë mbi politikat dhe përqasjet tona…<br />
Synimi ynë duhet të jetë një kuadër modern sigurie<br />
që forcon parimet e integritetit territorial, mospërdorimin<br />
e parë të forcës, transparencën dhe të drejtën e<br />
vendeve pritëse për të miratuar stacionimin e trupave<br />
në territorin e tyre.”<br />
Natyrisht, në kuadër të këtyre vizitave të sekretares<br />
së Shtetit, znj.Klinton, një rol të rëndësishëm ka edhe<br />
vizita në vendin tonë si një vend anëtar i NATO-s, i<br />
cila ka dhënë një kontribut të veçantë për paqen dhe<br />
stabilitetin në rajon.<br />
Sekretarja e Shtetit, znj.Klinton, duke qenë një njohëse<br />
shumë e mirë e Shqipërisë, e di se kombi shqiptar<br />
në rrugëtimin për pavarësi u kalit nga luftërat, duke<br />
kundërshtuar çdo armik dhe duke mbështetur çdo<br />
mik për të siguruar mbijetesën dhe suksesin e lirisë<br />
dhe për këtë znj.Klinton, krahas mesazheve politike,<br />
do t’u urojë të gjithë shqiptarëve 100-vjetorin e Pavarësisë<br />
të Shqipërisë.<br />
Gjithashtu, risi e vizitës së sekretares së Shtetit, znj.<br />
Klinton në Shqipëri, ndryshe nga personalitetet e tjera<br />
të rëndësishme të SHBA që kanë vizituar Shqipërinë,<br />
ka të bëjë me fjalën e rëndësishme të saj në Parlamentin<br />
shqiptar. Mesazhi i saj në prag të 100-vjetorit<br />
të pavarësisë të Shqipërisë, do të jetë mesazh për të<br />
gjithë klasën politike shqiptare, do të jetë mesazh për<br />
një prosperitet dhe begati më të mirë të Shqipërisë<br />
dhe shqiptarëve.<br />
Dhe për këtë çdo shqiptar shpreh urimin “Mirë se<br />
vjen në Shqipëri znj.Klinton!”.<br />
Sot më mirë se kurrë të gjithë duhet ta dimë se të<br />
bashkuar mund të bëjmë gjithçka, ndërsa të ndarë<br />
mund të bëjmë shumë pak, pasi do të jetë më e<br />
vështirë të përballemi me sfi dat e fuqishme që kemi<br />
përpara.<br />
Natyrisht, shqiptarët do të mirëpresin në Shqipëri<br />
sekretaren e Shtetit me flamurin shqiptar dhe atë<br />
amerikan, për të shprehur mirënjohjen ndaj Shteteve<br />
të Bashkuara të Amerikës për ndihmën e çmuar që i<br />
kanë dhënë dhe po i japin në mënyrë të vazhdueshme<br />
Shqipërisë dhe kombit shqiptar për forcimin e<br />
demokracisë. Dhe gjatë kësaj mikpritjeje, do Zoti nuk<br />
do të kemi lajme dezinformuese, siç ishte lajmi për<br />
“vjedhjen e orës” gjatë vizitës së presidentit Bush në<br />
Shqipëri. Shpresoj dhe besoj se “sajuesit e atij lajmi”<br />
e kanë kuptuar se vizita e mëparshme e presidentit<br />
Bush dhe kjo e sekretares së Shtetit, znj.Klinton, kanë<br />
qenë dhe janë në mbështetje të prosperitetit të mëtejshëm<br />
të Shqipërisë dhe të të gjitha vendeve të rajonit.<br />
VIP shpija,<br />
në shtëpi!<br />
VIP Shpija tani në platformën IPKO,<br />
24 orë LIVE!<br />
Ndiqni spektaklin VIP Shpija, përmes<br />
kanalit Vip Shpija, për vetëm 4€<br />
për tërë edicionin.<br />
Klientët të abonuar në pakon 1 vjeçare<br />
(Familjare, Premium, Premium HD),<br />
tojnë qasje falas.<br />
Abonimi bëhet vetëm në dyqanet e IPKO-së.<br />
3