JADRAN PISMO d - Daily Local News on Board

<strong>JADRAN</strong> <strong>PISMO</strong> d.o.o
FILIPINO/TAGALOG
KARAPATANG MAGPALATHALA © 2009 – Ang maiigsing balitang nalalathala sa Jadran pismo ay mula
sa mga nakalap na ulat sa radyo, telebisyon at dyaryo sa Pilipinas. Sa pamamagitan nito, hinihimok ng
ahensya na ibahagi ang siping ito sa mga kababayang nagnanais na makibalita. Maliban lamang sa mga
impormasyong libre, ang mga bagay na may direktang kopirayt ang Jadran pismo d.o.o, Rijeka ay hindi
maaaring sipiin, gamitin, kopyahin o paramihin sa kahit anong paraan ng walang lisensya o pahintulot
mula sa tagapaglathala, o ipamigay, o ipadala sa mga indibidwal
o mga barkong hindi suskritor nito.
FOREX
48.03 sa US$1 (48.065 Biyernes)
MAGANDANG UMAGA PO!!!
Ang mga sumusunod na balita ay nailathala sa mga
pangunahing pahayagan sa Pilipinas ngayong araw,
LUNES, 27 HULYO 2009.
MGA ULO NG BALITA SA WIKANG INGLES
National <strong>News</strong>
♣ 12 solons boycott GMA’s SONA
♣ 8 government spies beaten by rallyists
♣ Gloria gets a failing mark…
♣ …but passes Congress oversight panel
♣ Transferring Guantanamo camp to RP opposed
♣ Chiz drops from Ibon survey
♣ HR737 will make RP poorer
♣ 12 bombs intended for SONA seized
♣ Hunger rating worsens—SWS
OFW <strong>News</strong>
♣ Pinay caregiver arrested in US
♣ DNA test for bodies of 10 Filipinos in Afghan chopper crash
♣ ‘Unlucky 7’ repatriation urged
Regional
♣ Prostitute refuses to have sex betten by Nigerian
♣ QC jail to be transferred to Payatas
♣ Suansing makes another warning vs pesky cab drivers
♣ 12 towns in North Cotabato under water
♣ Ex-mayor killed near church
Foreign
♣ 17 die in plane crash
♣ Jacko adviser returns $5.5-M
♣ 4-year old shoots kid brother
Sports
♣ Cotto wages his WBO belt
♣ RP cagers loses to Iranians
♣ Pacquiao vows to KO Cotto

♣ Rubillar retires boxing gloves
Showbiz
♣ Kobe Bryant sweeps Michelle Madrigal’s feet
♣ Richard speaks; answers raps made by PA’s widow
♣ Pia-Vic relationship shaky
♣ Anne Curtis figures in an accident
Odds and Ends
♣ Lizard that flies
Trivia Bits
♣ Duque against use of condom too
BUOD NG MGA BALITA
PAMBANSA
12 mambabatas, binoykot ang SONA ni GMA
HINDI sinipot ng 12 senador ang huling State of the Nation Address ni Pangulong Gloria
Macapagal-Arroyo kanina. Kabilang sa mga hindi dumalo sa SONA ay sina Senators
Aquilino Pimentel, Francis Pangilinan, Manny Villar, Francis Escudero, Panfilo Lacson,
Jamby Madrigal, Jinggoy Estrada, Joker Arroyo, Benigno “Noynoy” Aquino, Alan Peter
Cayetano, Mar Roxas at si Sen. Antonio Trillanes na kasalukuyang nakakulong. Labing
dalawang kongresista rin ang hindi sumipot na kinabibilangan naman nina
Representatives Teodoro Casińo, Satur Ocampo, Liza Masa, Luzviminda Ilagan, Rafael
Mariano, Joel Maglunsod, Raymond Palatino, Teofisto Guingona III, Walden Bello, Risa
Hontiveros at si Rep. Lorenzo Tańada III. Nagbabala naman si Sen. Rodolfo Biazon na
magwo-walk out ito sakaling isingit ang usapin ng Charter Change sa naturang
okasyon. Pero iginiit naman ni Sen. Miriam Defensor-Santiago na ang dapat mag-walk
out ay ang mga taga-Kamara dahil mas superior ang Senado sa kanila.
8 spy ng gobyerno, kinuyog ng mga raliyista
WALONG sinasabing pakawala ng pamahalaan ang naaresto ng mga raliyista sa
Quezon City. Dalawa sa mga ay kinilalang sina Roger Pescua at Danilo del Rosario.
Ayon sa Commission on Human Rights , sina Pescua at del Rosario ay mga miyembro
ng Philippine Army 15th Infantry Division Rider Reserve. Kinilala ang iba pang
hinihinalang spy ng gobyerno na sina Benjie Dollente, Romeo Toreńa , Antonio Nagas
at Toto Edelsos na sinasabing mga miyembro ng Citizen’s Crime Watch. Kasama rin sa
mga kinuyog ng mga raliyista sina Eliseo Datu jr. at Roger Caquit. Itinanggi naman ng
Quezon City Police District na pakawala ng gobyerno ang walo. Sa kabila nito, tiniyak
ng pulisya na kanila pa ring iimbestigahan ang walong naaresto.
Lagapak na marka kay Gloria…
PARA sa mga progresibong kongresista, kung mamarkahan ang performance ni
Pangulong Gloria Macapagal-Arroyo sa halos siyam na taon nitong pamumuno sa
bansa, isa lang umano ang dapat nitong grado, 5 (singko sa lengguwahe ng mga
estudyante).?“If you had grade lower than 5, that is the grade she deserves,” ayon sa
text message ni Gabriela party-list Rep. Luzviminda Ilagan.?Kung pagbabasehan

umano ang grading system kung saan 1 ang pinakamataas at 5 naman ang
pinakamababa, flat 5 o singko umano ang grado ni Arroyo dahil sa pahirap at
kahihiyang idinulot nito sa ating bansa.?“Lahat ng pahirap she caused us, the wars in
Mindanao causling loss of lives, property and evacuations, and the killing of the
activists. Ilan lamang iyan sa mga palpak niyang ginawa sa bayan,” ani Ilagan.?Isa pa
umano sa pagpabagsak ng kanyang grado ay problema sa lumalalang kawalan ng
trabaho sa bansa at pagbebenta niya sa murang halaga ng mga overseas Filipino
workers (OFWs) kung saan patuloy na inaabuso ng kanilang mga foreign
employers.?“She don’t give extra attention from these problems, iyan ang dahilan ng
bagsak niyang grado,” dagdag pa nito.?Medyo naawa naman si Nueva Ecija Rep. Edno
Joson nang bigyan nito ng markang 3.5 ang paalis na Pangulo.?“I know people will
disagree with my rating. Dapat nga 4.0 ‘yan dahil she have not accomplished anything
since partial pa lang ang nagawa nito, not yet completed,” ani Joson sa panayam.?Isa
umano sa nakakadismayang performance ng kanyang administrasyon ang usapin ng
edukasyon, kalusugan, kawalan ng trabaho at ang pagkabigo nitong mapigil ang
kaguluhan sa Mindanao.?“Maliit pa rin ang pondo ng education and health. Basic social
services ito pero kulang ang budget ang nilalaan dito. The issue of unemployment, still
malala pa rin,” paliwanag pa nito.
…pasado naman sa oversight panel ng Kamara
NATUPAD umano ni Pangulong Gloria Macapagal Arroyo ang mayorya sa mga
ipinangako nito sa nagdaang State of the Nation Address (SONA) noong 2004. Ito ang
inihayag nitong Sabado ni Quezon Rep. Danilo Suarez, pinuno ng House committee on
oversight, kaugnay sa magiging laman sa ipalalabas na summary of the report tungkol
sa 10-point agenda ni Arroyo. Sinabi ni Suarez, kasapi ng partido ng administrasyon na
Lakas-Kampi-CMD, na binigyan nilang “substantial compliance" rating si Gng Arroyo
kaugnay sa magandang resulta ng kanyang mga ipinangako sa SONA kasama ang
pagbaba datos ng kahirapan sa bansa. “She made a substantial compliance of all her
promises. Most of the 10-point agenda were complied," pahayag ni Suarez na
nagsabing ipiprisenta ng kanyang komite ang mga dokumentong magpapatunay sa
mga nagawa ng administrasyong Arroyo sa Linggo. Ngunit ngayon pa lang, sinabi ni
Suarez na inaasahan na niyang hindi paniniwalaan ng oposisyon ang mga ilalahad na
datos ng kanyang komite tungkol sa mga nagawa ng gobyerno. Wala rin umanong
duda na mahusay na napangasiwaan ni Arroyo ang ekonomiya ng bansa kaya hindi
labis na naapektuhan ang Pilipinas ng global economic crisis. “Despite her
unpopularity, the satisfaction of the people is very high. Her achievements will speak
for herself," deklara ni Suarez.
Lipat-preso entrada ng balik-US bases
NAGBABALA ang isang mambabatas na posibleng maibalik ang base militar ng Estados
Unidos sa bansa kapag hinayaan ang paglipat sa bansa ng mga preso sa Guantamano
Bay ng Cuba.?Ayon kay Sen. Pia Cayetano, oras na pahintulutan ni Pangulong Arroyo
ang paglipat ng mga preso sa ating bansa, kasama ding lilipat ang US military facility
gayundin ang kanilang mga sundalong magbabantay sa mga political prisoner.?“The
Guantamano prisoners are prisoners of war. Hosting them will require prison facilities
and American soldiers to guard them. So are we becoming a US base again?”
pagtatanong ni Cayetano.?Lumutang ang balitang pag-uusapan nina US President
Barack Obama at Pangulong Gloria Macapagal-Arroyo sa kanyang pagbisita sa
Washington sa Hulyo 30 ang posibilidad ng paglipat ng mga preso sa Guantamano Bay
sa ating bansa.?Itinanggi na ng Malacańang ang balitang ito pero hindi pa rin
kumpiyansa si Cayetano na hindi na nga pag-uusapan ang paglipat ng mga preso sa
military facility sa Cuba.?“The Palace has not taken up the Guantanamo issue in
preparation for Mrs. Arroyo’s visit to the US at the end of July. That is not in our agenda
so far as discussed. Therefore, for that to be a subject of discussion is a matter of
speculation,” paglilinaw kahapon ni Press Sec. Cerge Remonde.

Chiz laglag na sa Ibon survey
NANGUNA na naman si Nacionalista President Sen. Manny Villar sa pinakabagong
pambansang non-commissioned presidential survey ng IBON Foundation Inc. na
isinagawa nitong Hulyo 4 hanggang 11. Base sa dalawang stage ng IBON survey na
mayroong 1,495 respondents mula sa ibat-ibang panig ng bansa at tatlong
porsiyentong plus/minus na error of margin, sumegunda na lamang kay Villar si
Escudero na dating nanguna sa katulad na survey na isinagawa noong Abril 17-26 ng
taon. Unang tinanong ang respondents ng pangalan ng napupusuang presidential
candidate habang mayroon namang pagpipiliang mga pangalan ang ikalawang tanong.
Sa tanong na kailangang pangalanan ang presidentiable, nakuha ni Villar ang 13.44%
rating na sinegundahan ng 11.37% ni Escudero. Sa ikalawang tanong naman na
mayroong mga pangalang pagpipilian, nanguna pa rin si Villar na nakakuha ng 17.12%
na sinegundahan muli ni Escudero sa kanyang 15.32%. Sa una at ikalawang tanong sa
latest survey ng IBON, nakakuha naman si dating Pangulong Joseph Estrada ng 11.3%
at 11.57%, sinundan ng 9.5% at 12.11% ni Vice President Noli de Castro.
HR 737 magpapalugi sa ekonomiya ng RP
BINATIKOS ng Kilusang Mayo Uno (KMU) ang anila’y pakana na isulong ang House
Resolution 737, ang panukalang Charter Change, sa pagbalik sa sesyon ng Kongreso at
State of the Nation Address (SONA) ni Pangulong Arroyo ngayong araw na ito. Ayon sa
KMU, ang pagpapalusot ng HR 737 ay isang pagbebenta nang palugi ng ekonomiya ng
bansa, bilang bahagi nang pagsusumamo ni Pangulong Arroyo ng suporta ng Estados
Unidos sa pagpapalawig ng kanyang termino sa pamamagitan ng Charter change.
Hinahangad din ng HR 737 na palawigin ang pagbebenta sa dayuhan ng mga lupain,
likas-yaman, public utilities at media entities na siyang wawasak sa pambansang
sobriedad at ekonomiya na lalong makapagpapahirap sa masang-Pilipino. Ayon kay
Elmer Labog, chairman ng KMU, ang pagpalawig ng termino ng Pangulo at ang
mapanlinlang na pang-ekonomiyang mga panukala ng Cha-Cha ay magkakambal na
kapahamakan para sa mga manggagawa at lahat ng Pilipino. Sinabi rin ni Labog na
dumoble ang agwat sa pagitan ng minimum wage at nakabubuhay na sahod kaya’t
kailangang-kailangan ng P125 na dagdag-sahod ng mga manggagawa. Kailangan kasi
aniyang kumita ngayon ng di bababa sa P917 upang makabuhay ng pamilya
samantalang P382 lang ang minimum wage sa National Capital Region.
12 bomba para sa SONA nasabat
MAAGAP na nasabat ng mga tauhan ng Philippine Coast Guard ang mga bomba na
pinaniniwalaang gagamitin para makagulo sa gaganaping State of the Nations Address
(SONA) ni Pangulong Gloria Macapagal-Arroyo kung saan nakatago sa barko na
nakadaong sa pantalan ng nabanggit na lungsod noong Sabado ng hapon. Ayon kay
Commander Gregorio Adel, Jr., Lucena Coast Guard station chief, nagsasagawa ng
random checking ang kanilang K-9 Units nang matagpuan ang 12 pampasabog sa
basurahan ng M/V Blue Water Princess bandang alas-5:20 ng hapon. Papuntang
Masbate ang naturang barko na may 300 pasahero. Sa pagsisiyasat, ang mga
pampasabog ay gawa sa ammonium nitrate na hinaluan ng gasoline na may lamang
mga pako na nagsisilbing shrapnel at mga blasting caps na may electronically
activated detonator. “Kapag sumabog ang bomba malaki ang magiging pinsala nito sa
loob ng 10 hanggang 15 metrong lawak at maaring makapatay ng maraming
pasahero,” pahayag ni Adel. Nasa secod deck ng barko ang mga pampasabog malapit
sa palikuran ng mga babae at ilang metro lang ang layo sa passengers lounge. “Bago
pa namin nasabat ang mga pampasabog, nakakatanggap na kami ng mga intelligence
informations na may susunugin at bobombahing mga barko sa Lucena City para maidivert
ang atensyon ng gobyerno papalayo sa Mindanao,” paliwanag ni Adel.
Kagutuman sa bansa, lalong lumala --SWS

SA kabila ng pahayag ng Malakanyang na mas naging maunlad ang buhay ng mga
Pilipino sa ilalim ng pamamahala ni Pangulong Gloria Macapagal-Arroyo ay lalo namang
lumala ang antas ng kagutuman sa ikalawang quarter ng taon kumpara sa unang
tatlong buwan ng 2009. Ito ay batay sa survey ng Social Weather Stations kung saan
isa sa bawat limang pamilya ang nagugutom sa naturang period. Batay pa sa survey -
20.3 percent o may katumbas na 3.7 milyong pamilya ang nakararanas ng involuntary
hunger. Mas mataas ito kumpara sa 15.5 percent o tinatayang 2.9 milyong pamilya sa
nakalipas na quarter. Ang inilabas na pigura ay mas mababa kumpara sa naitalang
record-high na 23.7 percent noong Disyembre 2008.
BALITANG OFW/KWENTONG MARINO
Pinay caregiver inaresto sa US
NAGSASAGAWA na ngayon ng imbestigasyon ang mga awtoridad laban sa isang
Filipina caregiver kaugnay ng pagkamatay ng 90-anyos nitong inaalagaan sa Discovery
Bay, California, ayon sa ulat kahapon. Batay sa report, ang Pilipinang si Laarni Dime ay
dinakip sa hinalang dalawang bilang ng kasong ‘elder abuse’ at ikinulong sa Contra
Costa Jail. Itinakda ang piyansa sa US100,000 subalit hindi ito makapag-bail dahil sa
ginawang pagharang ng immigration. “She was released Wednesday morning. What
we’re doing at this point is releasing her pending further investigation,” ani Jimmy Lee,
tagapagsalita ng Contra Costa Sheriff’s Office. Si Dime ay may ilang buwan pa lamang
naglilingkod bilang stay-in caregiver ng mag-asawang George at Shirley Brim, 85. Agad
umanong tumawag sa pulis si Dime nang ang inaalagaang si George ay natagpuang
patay sa kuwarto nito. Ang misis naman nito ay dinala sa ospital dahil sa ‘heat-related
illness’. Ayon sa mga opisyal ng Immigration and Customs Enforcement (ICE), si Dime
ay ilegal na naninirahan sa US at nasa ‘removal proceedings.’
10 Pinoy, ipapa-DNA test
IBINALITA ni Vice President Noli De Castro na nasa kustodiya na ng Amerika ang labi ng
10 Pinoy workers na nasawi mula sa kanilang military base sa Kandahar ay ililipad
patungong Maryland para sa DNA testing.?Mula Amerika, nagbigay ng report si
Philippine Embassy Vice Consul Conrado Demdem Jr., ng Islamabad kay De Castro na
aabutin ng isang linggo bago maibalik sa Pilipinas ang labi ng 10 Pinoy workers.?Sa
kabilang banda, ipinag-utos pa rin ni De Castro kay Department of Foreign Affairs (DFA)
Usec. Esteban Conejos ang pagsasagawa ng “double check” upang masigurong walang
iba pang Pinoy workers ang casualty sa helicopter crash.?“We want to double check
this with our embassy officials, better to make sure that there are no other injured or
missing Filipinos from the said incident,” anang Vice President.
Pagpapauwi sa ‘unlucky 7’ kinalampag
HINILING ni Sen. Manny Villar sa Department of Foreign Affairs (DFA) at Department of
Labor and Employment (DOLE) na agarang asikasuhin ang pagpapauwi sa pitong
overseas Filipino workers (OFWs) na itinuring na parang mga preso sa kanilang
pagtatrabaho sa Oman. Ito ang naging aksyon ni Villar matapos na dumulog sa
kanyang tanggapan ang mga kaanak ng OFWs na sina Maribel Calisaan, Mary Joy
Belmes, Cheryl Gaje, Josephine Bilolo, Siony Jamindang, Lysil Laborte at isang ‘di
kilalang manggagawa na kasalukuyang may sakit sa naturang bansa. Ikinuwento ng
pamilya nila, kasama ang Migrante International, ang pang-aaping dinanas nila sa
pagtatrabaho sa nasabing bansa. Naniniwala naman si Villar na kaya lumalala ang
sitwasyon ng mga OFW ay sanhi ng kawalan ng sapat na seguridad sa trabaho tulad ng
pitong manggagawang nasa Oman ngayon na dumadanas ng matinding kagipitan na
higit pa sa isang alipin. Iniulat ni Migrante chairperson Gary Martinez na bukod sa
nilagdaang kontrata, pinaglilinis din ang pitong kababaihan sa bahay ng kaibigan ng

kanilang mga amo saka ibabalik sa tanggapan ng ahensya at ikukulong sa basement.
“Binibigyan lamang po sila ng tatlong bote ng tubig na pagsasaluhan nila sa isang araw
para mabasa lang ang kanilang lalamunan at isang beses lang kung kumain sa loob ng
isang araw,” ayon kay Martinez. Sinabi naman ng Nacionalista Party president, dapat
bigyan ng kaukulang atensyong medikal ang sinumang OFW na naghihirap sanhi ng
sakit kaya hindi siya makapagtrabaho at kailangan silang mapauwi kaagad pabalik ng
Pilipinas.
REHIYON
Prosti umaray sa bolitas binugbog!
ARAY ang tanging naisigaw ni Diane (’di tunay na pangalan), 22, nang makipag-sex
siya sa isang Nigerian na may bolitas at malaking ari. Dahil dito, nabuking tuloy na ’di
siya mamahaling Singapore call girl kaya’t binugbog siya ng kanyang customer. Si
Diane, na taga-Alabang, Muntinlupa, ay nagtamo ng maraming sugat sa ulo at ari, pati
magang mukha, dahil sa pambubugbog sa kanya ng kanyang Nigerian customer na
nakilala lamang bilang Richard. Napag-alaman ng Tonight na naghanap ng
Singaporean call girl si Richard. Ang mga Singaporean na call girl umano ay mataas
ang singil at in demand. Sila ay sumisingil ng Singapore $500. Natunugan ito ni Diane
at nagpanggap siyang Singaporean. Nagtungo siya at si Richard sa isang pahingahan
sa Geylang, Avenue 4 sa Singapore. Ngunit habang nagse-sex ay nasaktan si Diane
kay Richard. Si Diane ay may taas na 5" feet habang si Richard ay 6"2. Si Diane ay
hindi makahingi ng tulong sa mga awtoridad dito sapagkat ang kanyang visa ay pangturista
lamang. Siya ay sinamahan sa Changi Airport ng kanyang kaibigang si Rizza
upang umuwi sa Pilipinas.
QC jail ililipat sa Payatas
MULA sa mala-sardinas nitong pasilidad sa Bernardo Park, Barangay Kamuning, Quezon
City, planong ilipat sa mas malawak at malaking lugar ang Quezon City Jail (QCJ) sa
Payatas, ayon sa pahayag ng Bureau of Jail Management and Penology (BJMP). Ang
pamahalaan ng Lungsod Quezon ay may nakalaang P33-milyon para mabili ang isang
lote sa Payatas na magiging panibagong tahanan ng mahigit 1,000 preso na
kasalukuyang nakakulong sa QCJ habang naghihintay ng hatol mula sa korte. “The QCJ
will soon vacate the Bernardo Park… the QC government is willing to donate P33million
to purchase a lot in Payatas and give way to the construction of the new
building of the Bureau of Jail Management and Penology (BJMP), the agency that
supervises the QCJ,” sambit ni Belmonte. Pero ayon sa alkalde, hindi kabilang sa
kanilang donasyon ang pagtatayo ng bagong gusali ng QCJ, nakadepende umano ito sa
P80-milyon na pondong ipinangako ni Pangulong Gloria Macapagal-Arroyo (PGMA) sa
BJMP. “Once the sourcing of funds for the construction of the building is resolved, a
memorandum of agreement (MOA) will be signed by both parties,” pahayag pa ng
alkalde.
Suansing muling nagbabala vs pasaway na taxi operators
MULING nagbabala kahapon si Chairman Alberto Suansing ng Land Transportation
Franchising and Regulatory Board (LTFRB) na kakanselahin niya ang franchise ng mga
taxi na patuloy na lumalabag sa taxi meter scheme o taxi meter issuing receipt
program ng board at Bureau of Internal Revenue. Ang babala ay ipinalabas ni Suansing
base sa patuloy na reklamong tinatanggap ng kanyang opisina na maraming taxi
operators at drivers ang gumagamit na pekeng resibo at hindi accredited ng BIR. Sinabi
pa ni Suansing, sa report ng kanyang Franchise Enforcement Group (FEG), sa 200 taxi
na kanilang hinuli at inimpound, karamihan sa mga ito ay nahuling nag-iisyu ng pekeng
resibo o manual (hindi accredited ng BIR) sa kanilang mga pasahero. “’Yung reklamo

ng mga pasahero na pinaabot sa opisina ko ganoon din ’yung mga ebidensiyang
manual receipts na nakumpiska ng mga enforcers ko sa mga taxi na kanilang nahuli,”
saad ni Suansing. Ayon pa kay Suansing, halos araw-araw ay inuulan ang opisina at
telepono niya ng mga reklamo na may kinalaman sa mga paggamit ng mga taxi driver
ng manual receipts na peke at hindi accredited ng BIR. Nauna rito, iniutos ni Suansing
ang full implementation ng taxi meter scheme o taxi meter issuing receipts program
matapos mag-utos ang Supreme Court na dapat nang ipatupad ang programa dahil
nasagot na ang lahat ng mga legal obstacles laban dito.
12 bayan sa North Cotabato, lubog sa baha
LABING-dalawang bayan sa North Cotabato ang lubog ngayon sa tubig-baha dahil sa
walang tigil na pag-ulan. Ayon kay North Cotabato Governor Jesus Sacdalan , ito na ang
pangatlong beses na nasalanta sila ng husto ng flashflood. Anumang oras ay
isasailalim na sa state of calamity ang buong lalawigan para mapabilis ang
rehabilitasyon sa mga napinsala ng kalamidad. Bukod sa North Cotabato, malaking
bahagi rin ng Maguindanao ang nakalubog sa tubig-baha at maraming mga kalsada
ang hindi na rin madaanan ng mga sasakyan.
Ex-mayor nilikida sa simbahan
KINARIT ni kamatayan ang dating mayor sa bayan ng Candelaria, Quezon habang
sugatan naman ang dalawa nitong alalay matapos pagbabarilin ng mga ‘di pa
nakikilalang kalalakihan sa bayan ng Candelaria, Quezon kahapon ng umaga. Kinilala ni
P/Senior Supt. Elmo Francis Sarona, Quezon police director ang napatay na si David
Emralino, 54, ng Brgy. Pahinga. Ginagamot naman sa Lucena Doctors Hospital ang mga
tauhan ni Emralino na sina Freddie Acebron, 41; at Ramil Casilag, 42, kapwa nakatira
sa Bustamante St. sa nabanggit na bayan. Napag-alamang dadalo sana ng installation
ceremony ng Knights of Columbus si Emralino nang pagbabarilin kasama ang mga
bodyguard sa harap ng San Pedro Bautista Church sa Brgy. Poblacion. Nakatakas
naman ang mga killer sakay nfg dalawang kotse habang patuloy naman ang
imbestigasyon.
BALITANG ABROAD
17 patay sa aksidente sa eroplano
TEHRAN --- Tinatayang labimpitong katao ang namatay nitong Biyernes sa isang plane
accident sa pangalawang siyudad ng Iran na Mashhad, ang ikalawang deadly air crash
na tumama sa Islamic republic sa loob ng sampung araw, ayon sa opisyal na ulat ng
IRNA news agency.?“There was an accident and a fire involving a passenger plane from
Tehran to Mashhad that has left 17 people dead and 19 injured,” ayon sa IRNA na kinoqoute
ang deputy governor ng Khorasan province na si Ghahreman Rashid.?Kinilala ni
Rashid ang eroplano na isang Russian-designed Ilyushin at sinabing may sakay na 153
pasahero.?Ang eroplano ay napaulat na nag-overshot sa runway at bumangga ito sa
gilid na ikinasawi ng 17-katao.?Iniulat sa state television na ang aksidente ay naganap
habang ang eroplano ay lumalanding sa international airport sa Mashhad, kilalang
Shiite Muslim pilgrimage center sa north eastern Iran, na ang initial na patay ay 15.?
Advisor ni Jacko nagsoli ng $5.5M
INAMIN ng isang dating financial advisor ni Michael Jackson nitong Biyernes na siya ang
naglipat sa executors ng $5.5 milyon na umano’y “a secret between Michael and me”.?
Ito ay bilang tugon ni Dr. Tohme Tohme sa katanungan mula sa The Associated Press
hinggil sa mga dokumento na sinasabi ng mga administrators ng estate na
nakarekober sila ng $5.5 milyon at malaking halaga ng personal property mula sa hindi

pinangalanang dating financial adviser.?“It was not recovered,” aniya. “I had the
money and I gave it to them. It was a secret between Michael and me.”?Aniya, ang pera
ay mula sa recording residuals, na inilaan ni Jackson para pambili ng sinasabing
kanyang dream home sa Las Vegas. Sinabi nito na siya ang nakikipagnegosasyon para
sa nasabing bahay nang mamatay si Jackson.?“He said, ‘Don’t tell anyone about this
money’,” ayon sa pagbalik-alala ni Tohme.?“But when he passed away I told them I had
this money, and I gave it to them.”?Ibinalik din umano niya ang maraming gamit mula
sa Jackson’s Neverland estate na minsang itinakda para isubasta. Nang magdesisyon
umano ang King of Pop na kanselahin ang pagsusubasta, sinabi ni Tohme na lahat ng
mga ito ay kanyang itinago. Ang nasabing mga personal property ay ibinigay rin nito sa
mga executors.?Si Tohme ay ang financier na nagpapayo kay Jackson sa nakalipas na
isang taon at kalahati at naging daan sa pagsalba sa Neverland mula sa
pagkakaremata.?Siya rin umano ang key figure sa pakikipagnegosasyon sa mga
kontrata para kay Jackson na magsagawa ng serye ng comeback concerts sa London.?
Paslit nabaril ng 4-anyos na kuya
LAS VEGAS --- Isang dalawang taong gulang na batang babae ang nasa kritikal na
kondisyon nitong Biyernes matapos itong mabaril ng kanyang apat na taong gulang na
kapatid na lalaki sa kanilang bahay sa Las Vegas, ayon sa mga pulis.?“While the
brother was holding the weapon it discharged, striking his sister’s torso,” ayon sa
pahayag ni police spokesman Bill Cassell.?Iniimbestigahan ng mga pulis kung paano
nakuha ng batang lalaki ang 9mm handgun. Sinabi ni Cassel na ang kanilang ama ay
nasa bahay nang maganap ang pamamaril bandang alas-8:30 ng gabi (local time)
nitong Huwebes. Hindi agad malinaw kung kakasuhan ang kanilang ama.?Ang batang
babae ay naospital dahil sa kritikal na kondisyon nito, ayon sa mga pulis.?Ang
pamamaril ay naganap wala pang isang linggo matapos ang 5-anyos na batang lalaki
ay mabaril at mapatay ang sarili ng isang handgun sa loob ng sasakyan ng kanyang
ama sa labas ng pharmacy sa Las Vegas. Ang ama, 31-anyos na si Alex Kopystenski, ay
kinasuhan ng ‘felony child endangerment’.
ISPORTS
WBO belt ni Cotto taya kontra Pacquiao
MAY tsansa pa si pound-for-pound king Manny Pacquiao na makapagtala ng
kasaysayan na pitong korona sa magkakaibang dibisyon kung mangyayari ang
inihayag ni Francisco “Paco” Valcarcel, presidente ng World Boxing Organization na
nakataya ang WBO welterweight title belt ni Miguel Cotto ng Puerto Rico sa Nobyembre
14 sa MGM Grand sa Las Vegas.?Matatandaang kamakalawa ay sinabi ng Puerto Rican
na hindi niya itataya ang kanyang titulo laban sa Pinoy ring icon.?“I know that Manny is
looking to make boxing history. I can appreciate that as he goes after the very tough
Cotto for a seventh weight division world title,” pahayag ni Valcarcel sa
Examiner.com.?“You can tell all the people right now, the WBO title will be on the line.
You’ve got a highly respected champion fighting the Number One contender. It would
be ridiculous for this not to be for the title,” dagdag pa ng WBO chief.?“No matter what
happens, I assure you that this will be a WBO welterweight title fight. End of story.”?
Subalit posible umanong hindi patulan ni Top Rank promoter Bob Arum at ng kampo
nina Pacquiao at Cotto ang tinuran ng WBO prexy, dahil sa malaking halagang
babayaran sa sanction fee na umaabot umano sa $400,000 bawat isa. Bukod dito ang
timbang na paglalabanan ay 145 lbs. mababa sa 147 lbs. na welterweight division. ?
RP cagers tambak sa Iranians
NASUKAT ng Powerade-Team Pilipinas ang laki at lalim ng isang Asian cage superpower
matapos mapulbos sa Iran 85-60 sa kanilang huling laro sa 31st William Jones Cup sa

Hsinchuang gym.?Bahagyang na-delay ang game dahil kinailangang ayusin ang
bumigay na electronic shot clock.?Nalungkot ang RP team bago ang Iran game nang
mabalitang namatay na ang ama ni Wynne Arboleda.?Kamakalawa, nang malaman
kung para saan ang yellow adhesives sa uniporme ng Philippine team ay hinalukay ng
organizers ang kanilang music archives at pinatugtog sa pre-game introductions ng RP-
Taiwan match ang ‘70s pop hit ni Tony Orlando na Tie a Yellow Ribbon na naging
unofficial anthem ni dating Sen. Benigno Aquino nang dumating sa Manila mula Taiwan
noong 1983.?Sa unang paghaharap ng dalawang teams sapul noong Olympic
qualifying tournament sa 2007 FIBA-Asia Men’s Championships, maagang
nadesisyunan ang resulta ng laro.?Kung noong huli ay umabot sa dulo bago nanaig ang
Iranias 75-69 tungo sa paghablot ng korona at makabiyahe sa Beijing Olympics,
kahapon ay maagang kinapos ang Nationals, baon na sa 51-23 sa half.?“We had no
solution to their height advantage, we just couldn’t math up with their size,” bulalas ni
national coach Yeng Guiao.?Tinapos ng National ang kampanya sa 2-6 baraha sapat
para sa sixth spot, mas mababa ng tatlong puwesto sa third place finish ng bansa
noong 2007.
Panalo pangako ni Pacquiao vs Cotto
NANGAKO si Manny Pacquiao na pipilitin pa rin niyang manalo sa kanilang non-title,
welterweight fight ni Miguel Angel Cotto kahit na hindi itaya ng Puerto Rican ang
kanyang korona. “Kahit na walang belt na nakataya, mas maha-laga pa rin na
paglalabanan namin ni Cotto ang pagiging No. 1, pound-for-pound at siguradong
umaatikabong bakbakan ito, walang takbuhan at walang atrasan o habulan,” ani
Pacquiao sa kanyang kolum. Nakatakda ang Pacquiao-Cotto megafight sa Nobyembre
14 sa MGM Grand Garden Arena sa Las Vegas, Nevada. Ang 28-anyos na si Cotto ang
kasalukuyang World Boxing Organization (WBO) welterweight titlist
Boxing gloves ireretiro na ni Rubillar
ITO na marahil ang pinakahuling world title fight ni Filipino Juanito Rubillar. Sa pang
apat na pagkakataon, muling nabigo ang 32-anyos na si Rubillar na makakopo ng isang
world boxing crown matapos matalo kay Mexican world light flyweight champion
Giovanni Segura kahapon sa Grand Mayan, Nuevo Vallarta, Nayarit, Mexico. Mismong
ang corner na ni Rubillar ang naghagis ng puting towel kay referee Luis Pabon sa 2:04
sa sixth round bilang simbolo ng pagsuko sa 27-anyos na si Segura. Halos matumba
ang tubong Mati, Davao sa third round nang makatikim ng dalawang sunod na right
hook mula kay Segura, matagumpay na naidepensa ang kanyang suot na World Boxing
Association (WBA) light fylweight title. May 46-13-7 win-loss-draw ring record ngayon si
Rubillar kasama ang 22 KOs, habang itinaas naman ni Segura ang kanyang kartada sa
21-1-1 (17 KOs). Si Rubillar ay halos dalawang araw lamang naghanda para sa kanyang
laban kay Segura matapos magkaroon ng problema sa kanyang visa si Sonny Boy Jaro
(30-7-5, 19 KOs). Bumiyahe si Rubillar sa mismong araw ng weigh-in ay nagbawas pa
ng libra para makapasok sa 108-weight limit. Natalo si Rubillar kay World Boxing
Council (WBC) light flyweight king Edgar Sosa via seventh-round TKO noong
Nobyembre 29 ng 2008 at nabigo kay Omar Nino Romero mula sa isang eight-round
technical decision noong Hunyo 6 sa kanilang title eliminator.

SHOWBIZ
Michelle Madrigal natipuhan ni Kobe Bryant
NALOKA ang beauty ni Michelle Madrigal dahil siya lang ang bukod-tanging actress na
nilapitan ng NBA superstar na si Kobe Bryant nang bumisita ito sa Pilipinas kamakailan.
Nagkita sina Michelle at Kobe sa isang party sa Embassy Bar sa The Fort para sa promo
ng Nike. Nagkaroon kasi ng basketball clinic si Kobe sa ULTRA. “Ipinakilala ako ng Pinoy
na kasama ni Kobe. Alam niyang actress ako at tinanong niya ako tungkol sa soap kong
Zorro. Parang nanonood siya sa LA ng Zorro sa Pinoy TV?” bungad ni Michelle sa amin
sa thanksgiving presscon ng Zorro. “Aba, sinabihan niya akong gorgeous daw ako.
Siyempre, flattered ako. Pero, sa sarili ko, eklay lang iyon. Ganoon lang naman ang
mga lalaki. “Walang kuhanan ng number ng cellphone, kasi, alam ko namang may
asawa siya at ayokong maging homewrecker, ‘no? “Basta, nakita niya ako pagkatapos
na manggaling sa grupo ng mga kababaihan na sobrang kilig sa kanya. Ayaw yata
niyang inaakbay-akbayan siya agad. Tapos, tumingin siya sa mesa, lumapit sa akin at
nag-usap na kami. Sinabi rin niyang second time na niya sa Manila. “Siyempre proud
ako kasi ako ang nilapitan, ‘no? Kobe Bryant yata ‘yun di ba?”
Richard rumesbak sa bintang ng misis ng PA
SA thanksgiving partypresscon ng Zorro naibulalas ni Richard Gutierrez ang pagkashock
sa intrigang ki-nakaharap niya ngayon. Hindi makapaniwala si Richard Gutierrez
sa mga pinagsasabi ng wife ng personal assistant niyang si Nomar Pardo na nasawi sa
car accident sa Cavite months ago. Kahit singko ay hindi raw nakatanggap ng tulong
mula sa aktor ang misis ni Nomar. “Nagulat ako at hindi makapaniwala sa statement
niya (wife ng PA ng actor) na kahit singko ay hindi siya nakatanggap ng tulong from us.
Walang katotohanan ‘yun. “Alam niya na ako ang nagpapaaral sa panganay nilang
anak ni Nomar. Gusto kasi ni Nomar na mapagtapos niya ng pag-aaral ang kanilang
mga anak. “Hindi alam nina Mommy na pinag-aaral ko ang panganay nilang anak.
Ngayon ko lang nasabi ito sa mga magulang ko dahil sa statement niya na kahit singko
ay hindi ko sila natulungan. “Nalulungkot ako sa mga lumabas na statement ng wife ni
Nomar. Nalulungkot din ako dahil alam ko kung ano ang nangyari. Alam naman natin
na aksidente ‘yun. “Naiintindihan ko na nasaktan sila, pero nasaktan din ako. Si Nomar,
mas matagal ko pa nga nakasama ‘yon kesa sa pamilya niya dahil halos araw-araw na
trabaho niya sa akin. “Kung iisipin natin, puwede rin akong namatay sa aksidenteng
‘yun, pero ‘di ko pa lang talaga oras,” pahayag ni Richard. Wala rin daw katotohanan
na ayaw makipag-usap ni Chard sa maybahay ng kanyang PA. “Nang lumabas ako ng
ospital ay dumiretso ako sa burol ni Nomar. Gusto ng wife ni Nomar na kausapin ako sa
kuwarto. Napansin ko na hindi maganda ang mood niya kaya sinabi ko na mag-usap na
lang kami sa ibang araw. “Sinabi ko sa kanya na ibibigay ko ang monthly salary ni
Nomar for three years, pero tinanggihan niya. Gusto nila ay P4 million cash ang ibigay
ko,” say pa ni Chard. Malaki rin ang paniwala ng pamilya ni Richard na may nagsulsol
sa wife ni Nomar, dahil bakit ngayon lang daw nito naisipang idemanda si Chard two
months after the accident.
Pia-Vic love affair, nanganib dahil kay Paula?
HINDI naman pala totoong nanganib ang relasyon nina Vic Sotto at Pia Guanio habang
ginagawa ng una ang pelikulang Love OnLine with Asia’s fast-rising model and actress
Paula Taylor. Ayon kay Vic, okey pa rin sila ni Pia hanggang ngayon. Natatawa na nga
lang daw siya kapag tinatanong siya kung ano ang real status ng kanilang relasyon.
“Normal lang naman ’yung ganyang mga intriga. Basta ang importante,
nagkakaintindihan kami ni Pia,” pahayag ni Vic. Kasama rin nga pala sa Love OnLine na
ipalalabas sa second week ng Agosto sina Melissa Ricks at Matt Evans na umaming
wala na siyang chance sa ka-loveteam dahil may boyfriend na raw ito. Eh, sino naman
kaya ’yon? Tama ba kami sa hinala na si Jake Cuenca ’yon?

Anne Curtis, ligtas na matapos ma-aksidente
LIGTAS na sa panganib ang aktres na si anne curtis matapos maaksidente ang kanyang
sinasakyang Porsche SUV kaninang pasado ala-una ng madaling araw sa Quezon City.
Ayon sa manager niyang si Veronique Del Rosario-Corpuz, walang dapat na ikabahala
ang mga fans ng aktres dahil wala naman itong naging malubhang sugat. Nangyari ang
salpukan ng sasakyan ni Curtis at isang mini-truck sa panulukuan ng Congressional at
Mindanao Avenue sa nasabing lungsod.
BALITANG A-KYUT
Kakaibang butike na kayang lumipad
NATUKLASAN ng mga scientist ang isang klase ng butike na sobrang gaan. Ang
naturang species ng lizard ay parang balahibo daw ng ibon sa gaan kung kaya't naging
kapansin-pansin sa mga eksperto. Batay sa obserbasyon ng mga nakaka-intindi,
mistulang adapted ang kakaibang butike sa paglipad at pagpapatangay sa hangin
sakaling gusto talaga ang tinatahak na direksyon. Kitang kita din sa slow motion
camera ng mga researcher na kapag tumalon ng mataas ang naturang butike, kaya
nitong pabagalin ang antas ng bagsak sa lupa na parang may parachute.
ALAM N’YO BA?
Duque kontra condom na rin
KINATIGAN ng health chief kahapon ang Simbahang Katoliko hinggil sa pagtutol sa
paggamit ng condom upang mapigilan ang pagkalat ng HIV, dahil ang pagsusulong ng
condom ay maaaring humantong sa pangangalunya. Ayon kay Health Secretary
Francisco Duque, ang mga kritiko ng mga hakbang ng gobyerno para labanan ang HIV
prevalence sa bansa ang nagnanais na isulong ng pamahalaan ang paggamit ng
condon. “Those who criticize us for failing to comply with the Millennium Development
Goal of curbing HIV prevalence only wants to increase condom usage in the Philippines,
which is against what the (Catholic) Church dictates. The Church believes that
promoting condom usage will increase promiscuity. The Church also believes that
condom usage is not 100 percent effective because there is a 25 percent failure rate in
using condoms. That’s like asking, ‘Would you ride a plane if there was a 25 percent
chance that it would crash?’” pahayag ni Duque.
PAUNAWA
Ang mga impormasyon dito ay kinalap at iniayos ng Brent & Strauss Integrated
Communications, Inc. para sa Jadran pismo d.o.o. • Tel. +385 51 403 185 • Fax +385 51 403
189 • Email: news@jadranpismo.hr