Rishikimi i Menaxhimit të Burimeve Njerëzore - Ministria e ...

Në disa raste specifike, menaxhimi i aktiviteteve të trajnimit është bërë nga njësitë specifike në
institucione, fusha e veprimit të të cilave lidhet me temën. Një shembull në këtë drejtim është
programi për ngritjen e kapaciteteve në fushën e çështjeve që kanë të bëjnë me BE-në. Në ato raste,
strukturat për integrime në BE në institucione janë kryesisht të përfshira në menaxhimin e ftesave që
vijnë nga donatorët, derisa koordinimi me njësitë e BNj nuk ekziston ose është sporadik.
7.4 – Marrëdhëniet me menaxhmentin në kuadër të institucioneve përkatëse
Ndonëse në shumicën e rasteve, menaxherët e personelit zyrtarisht i raportojnë drejtorit të
administratës qendrore, në realitet shumica e tyre në punën e përditshme komunikojnë drejtpërdrejt
me sekretarin e përhershëm/KE. Në disa raste, sekretarët e përhershëm/KE injorojnë pozitën e
Drejtorit të Administratës së Përgjithshme dhe në disa të tjera ky i fundit nuk është sa duhet aktiv në
çështjet e burimeve njerëzore, ndonëse ai/ajo në bazë të hierarkisë është përgjegjëse për atë.
Në masë të gjerë është e pranuar se komunikimi ndërministror në AP të Kosovës është shumë i
dobët. Kjo, gjithashtu, është e reflektuar edhe në komunikimin dhe bashkëpunimin ndërmjet
menaxherëve të personelit dhe departamenteve të tjera në kuadër të institucioneve relevante. Në
shumë raste, NjBNj-të deklarojnë konfuzionin e kompetencave me Zyrën Ligjore të institucionit
relevant lidhur me çështjet që kanë të bëjnë me hartimin e kontratave të shërbimit, për vendimet e
promovimit në pozitë të ndonjë punonjësi të institucionit, etj. Ne kemi hasur disa situata kur stafi në
njësitë e BNj-së nuk ishte i njohur me politikat dhe aktivitetet kryesore të parapara që të ndodhin në
atë institucion, si struktura e re organizative, etj. Në disa raste, ato madje as që ishin pjesë e grupit të
punës për të diskutuar organogramit e ri të institucionit.
Situatat e mësipërme duhet të shmangen në maksimum. NjBNj-të duhet të përfshihen në të gjitha
aktivitetet kryesore të planifikimit dhe të kontribuojnë për zhvillimet e reja. Stafi i NjBNj është
më i kualifikuari nga aspekti i përshkrimit të vendit të punës dhe vlerësimit si dhe duhet të kontribuojë
për rishpërndarjen e funksioneve ose rishpërndarjen e resurseve.
7.5 – Bashkëpunimi mes njësive për menaxhimin e burimeve njerëzore
Bashkëpunimi dhe koordinimi i strukturave të burimeve njerëzore në të gjitha institucionet në nivelin
qendror dhe komunal kryhet nga DASHC nëpërmjet Forumit të Menaxherëve të Personelit. Ky Forum
ka rreth 80 anëtarë dhe është formalizuar me Udhëzimin Administrativ 05/2008-MSHP, ashtu siç
është kërkuar me Strategjinë e RAP-it. Forumi i zhvillon takimet rregullisht çdo tre muaj dhe në baza
ad hoc, sipas nevojës. Nëpërmjet këtij forumi, menaxherët e BNj kanë mundësi të informohen, të
shkëmbejnë përvojat dhe ndikojnë në zhvillimin e sistemit të shërbimit civil në Kosovë. Ekzistenca e
Forumit është një mekanizëm pozitiv, i cili do të shtonte mundësinë për një komunikim dhe
bashkëpunim më të mirë ndërmjet institucioneve. Megjithatë, përkundër kësaj mundësie ekziston një
nevojë për të shfrytëzuar më tutje takimet e menaxherëve të personelit. Temat që duhet të diskutohen
duhet të jenë më shumë substanciale dhe forumi duhet të shfrytëzohet si një mjet për të mbledhur
mendimet dhe komentet për tërë legjislacionin e ri, që aktualisht është duke u përgatitur në fushën e
shërbimit civil. Gjatë takimeve të mbajtura nga Forumi ka një përshtypje se mungon ndjekja e zbatimit
të konkluzioneve që dalin nga takimet. Gjithashtu, mbështetja e rekomandimeve që dalin nga takimet
nga ana e niveleve më të larta të menaxhimit ende ka nevojë për më shumë vëmendje.
46