Rishikimi i Menaxhimit të Burimeve Njerëzore - Ministria e ...

Përbërja aktuale e KELP-it është një reminishencë e rregullimit të vitit 2001, duke përfshirë edhe
përfaqësuesit ndërkombëtarë në anëtarësi. Nëse qeveria do të vazhdojë të përkrahë ekzistimin e
KELP-it, ne rekomandojmë që ta ndryshojë përbërjen dhe ta bëjë kosovarizimin e plotë të komisionit.
Sugjerimi znë kryesor do të ishte që të shqyrtohej ekzistenca e KELP-it, në rast se rekrutimi i
përqëndruar do të miratohej nga qeveria. Rekrutimi nuk ka pse të jetë në mënyrë drastike i ndryshëm
varësisht nga kategoritë e nëpunësve civilë. Gjithashtu, problemet e lidhura me pamundësinë e
KELP-it që të ketë kuorumin e nevojshem, ose përfshirjen specifike të shoqërisë civile në përzgjedhje,
vlerësim të performancës dhe masa disiplinore, kërkojnë një rregullim uniform me kategoritë e tjera të
nëpunësve civilë. Në disa vende, dallimi i vetëm ndërmjet nëpunësve civilë të lartë dhe kategorive të
tjera është akti formal i emërimit dhe shkarkimit të SP dhe KE që kryhet nga qeveria. Procedura është
e njëjtë.
Nëse ne kërkojmë në rastin e KPMK-së që ta bëjmë qeverinë përgjegjëse për zbatimin e legjislacionit
të shërbimit civil, nuk ka kurrfarë kuptimi që qeveria të ndajë përgjegjësinë me shoqërinë civile, kur
kemi të bëjmë me rekrutimin dhe shkarkimin e nëpunësve të lartë civilë
6.4 – Instituti i Kosovës për Administratë Publike
Instituti i Kosovës për Administratë Publike (IKAP) është organizuar si një agjenci ekzekutive që i
raporton MSHP-së. Funksionet e tij janë paraparë në Urdhëresën Administrative të UNMIK-ut nr.
2003/25 dhe kanë të bëjnë me rritjen e kapaciteteve të nëpunësve civilë dhe programet e trajnimit në
vendin e punës. Udhëheqësi i IKAP-it aktualisht i raporton drejtpërdrejt ministrit.
Në bazë të organogramit zyrtar IKAP-i ka 21 pozita për nëpunës civilë, por në realitet është i lejuar të
rekrutojë vetëm 17 nëpunës civilë, për shkak të ngrirjes së punësimit dhe kufizimit buxhetor.
Shpërndarja e stafit është shumë disproporcionale si raport ndërmjet zhvillimit të trajnimeve dhe
mbështetjes së procesit të trajnimit. Nga 17 nëpunës civilë, vetëm 6 janë të angazhuar për procesin
aktual të trajnimit. Struktura është e stërngarkuar me staf mbështetës. Ndonëse disa nga këto pozita
mbështetëse janë të nevojshme, drejtuesit duhet të përqendrojnë stafin drejt pozitave substanciale.
Aktualisht kemi një raport 40% me 60% ndërmjet pozitave substanciale dhe pozitave mbështetëse,
një raport i pazakontë për një institucion. Shërbimet mbështetëse ekzistojnë për të mbështetur pozitat
substanciale dhe nuk është normale që këto pozita të jenë më shumë sesa pozitat që ato duhet t‟iu
shërbejnë.
Është e vërtetë se disa pozita kërkohen me legjislacion në fusha të ndryshme, por esenca e atij
legjislacioni nuk ndalon akumulimin e funksioneve në një nëpunës civil. Organizimi aktual nuk është
funksional dhe nuk i shërben qëllimit të misionit dhe objektives së IKAP-it. Pjesa më e madhe e
burimeve dhe energjive nuk janë të alokuara për pozitat që prodhojnë rezultate, por për pozitat
mbështetëse.
Stafi i IKAP-it i angazhuar për menaxhimin e programeve të trajnimit nuk është autor i kurrikulës së
trajnimit. Ata janë përgjegjës për koordinimin e të gjitha aktiviteteve, duke identifikuar trajnerin dhe
duke siguruar cilësinë e materialit dhe procesit të trajnimit në përgjithësi. Prandaj, ne konsiderojmë se
stafi i alokuar (numri i stafit) është i mjaftueshëm që të mbulojë të gjitha fushat e trajnimit aktualisht të
mbuluara nga IKAP-i. Nëse do të futen fusha të reja, menaxhmenti duhet të konvertojë disa nga
pozitat mbështetëse (jo domosdoshmërisht stafin që punon atje) në pozita substanciale.
Nga aspekti i kapaciteteve të stafit, ne kemi vërejtur se stafi është i porsa-rekrutuar në disa nga
pozitat dhe disa pozita të tjera të rëndësishme kanë mbetur të lira për një periudhë të gjatë kohore
(drejtuesi i ekipit në njësinë e trajnimit). Kjo ka ndikuar në cilësinë dhe zhvillimin e institucionit. Nga
aspekti i pagës, stafi i përfshirë në pozitat për menaxhimin e trajnimit është i kategorizuar me
koeficientin 9.5 (që korrespondon me zëvendës drejtorin e departamentit). Kategorizimi i pozitave
është në shkallën më të lartë të mundshme në arkitekturën e përgjithshme të administratës publike,
ndonëse shpërblimi real mund të mos jetë i mjaftueshëm për siguruar cilësinë e kërkuar.
IKAP-i ka potencial në aktivitetin e trajnimit dhe duhet të shfrytëzojë të gjitha shkathtësitë dhe pajisjet
që ka në dispozicion. Vëmendje e posaçme duhet të kushtohet nga MSHP-ja për të nxjerrë
maksimumin e mundshëm nga institucioni. Situata si ajo që ka të bëjë me modelin e të mësuarit në
distancë duhet të shmanget – IKAP-i ka pajisje në vlerë prej 500.000 Eurosh për të mësuarit në
distancë dhe ka marrë asistencë në këtë fushë që mund të jetë beneficiale për trajnime në
41