Rishikimi i Menaxhimit të Burimeve Njerëzore - Ministria e ...

mëvonshme) dhe legjislacioni i shërbimit civil (legjislacioni parësor dhe dytësor). Në bazë të
Rregullores nr. 2001/19 tri funksionet kryesore të departamentit janë:
(i) Zhvillimi dhe mbikëqyrja e zbatimit të politikave për një Shërbim Civil multietnik, të paanshëm,
profesional dhe llogaridhënës,
(ii) Zhvillimi dhe koordinimi i zbatimit të politikave për trajnime dhe zhvillim të kapaciteteve të
Shërbimit Civil;
(iii) Administrimi i listës së pagave dhe sistemin e pagesave të Shërbimit Civil;
Për të përmbushur këto tri funksione DASHC është e organizuar në tri divizione dhe ka gjithsej 25
nëpunës civilë. Divizioni i listës së pagave ka 14 nëpunës civilë dhe 11 nëpunësit e tjerë janë të
organizuar në dy divizione, përfshi drejtorin dhe asistentin e tij administrativ. Në vazhdim është
paraqitur diagrami i DASHC-së:
Në të vërtetë, në DASHC edhe ekziston një nëpunës civil i cili mban pozitën e Shefit të Divizionit për
Zhvillimin e BNj, por në realitet një divizion i tillë nuk figuron në organogramin zyrtar të departamentit.
Dy divizionet më të rëndësishme në DASHC janë Divizioni për BNj dhe Politika të Punësimit dhe
Divizioni i Listës së Pagave. Divizioni për Menaxhimin e RAP-it është vendosur në kuadër të
DASHC-së për shkak të kërkesës në PVRAP dhe për shkak se fushëveprimi i tij është më shumë i
ngjashëm me DASHC sesa me ndonjë departament tjetër në ministri. Por nuk është aq shumë i lidhur
me përkufizimin e përgjithshëm të fushëveprimit të DASHC ashtu siç është miratuar në Rregulloren e
UNMIK-ut nr. 2001/19.
Shpërndarja e stafit të DASHC është tërësisht në favor të Divizionit të Listës së Pagave dhe vetëm 5
nëpunës civilë (përveç drejtorit) janë të angazhuar për menaxhimin e përgjithshëm dhe mbikëqyrjen e
shërbimit civil. Ky staf është përgjegjës për hartimin e politikave lidhur me shërbimin civil në
përgjithësi, duke filluar nga rekrutimi, ngritja në karrierë, menaxhimi i performancës, politikat e
rëndësishme të pagave dhe politikat për përmirësimin e kapaciteteve. Në këtë divizion dy nëpunës
civilë janë të angazhuar për miratimin e koeficienteve për të gjithë nëpunësit civilë, një për mbledhjen
e të dhënave dhe përpunimin e statistikave dhe dy nëpunës civilë për çështjet e tjera relevante.
Ashtu siç mund të vërehet lehtësisht, stafi ekzistues nuk mund të mbulojë të gjitha funksionet që
aktualisht janë të alokuara për këtë divizion dhe për departamentin në tërësi. Ata zakonisht fokusohen
në menaxhimin e aktiviteteve ditore dhe neglizhojnë zhvillimin strategjik dhe hartimin e strategjive
afatshkurtra dhe afatmesme. Tani për tani, departamenti nuk ka kapacitete për të hartuar politikat për
paga dhe të ndërmarrë një reformë të gjerë të kategorizimit. Për këtë arsye në këtë fushë nuk ka
pasur shumë zhvillime në kohët e fundit.
Divizioni i Listës së Pagave është përgjegjës për ekzekutimin e funksionit të listës së pagave, një
detyrë shumë teknike që nuk shoqërohet me asnjë obligim për politikëbërje. Të gjitha funksionet e
politikave janë të alokuara ne divizionin tjetër. Për shkak të mungesës së stafit dhe kapaciteteve
egzistuese, Divizioni për Politika të Punësimit mbulon vetëm funksionin e miratimit të koeficienteve
dhe duke u përpjekur që të bëjë një unifikim të përgjithshëm të koeficienteve, bazuar në emërtimin e
pozitave.
35