Rishikimi i Menaxhimit të Burimeve Njerëzore - Ministria e ...

a) Të miratohet një kategorizim i përgjithshëm i pozitave në administratën publike në
Kosovë:
Kategorizimi i përgjithshëm duhet të përkufizojë karakteristikat themelore dhe detyrat
kryesore të tipeve më të zakonshëm të pozitave. Gjithashtu, duhet të realizohet marrëdhënia
ndërmjet pozitave të ngjashme në institucionet e niveleve të ndryshme.
b) Të shfrytëzohet një sistem i thjeshtë me pak kategori në sistemin e kategorizimit të
përgjithshëm:
Me rastin e hartimit të sistemit, zyrtarët duhet të marrin parasysh ndarjen e administratës
publike në kategori të ndryshme (ashtu siç është sqaruar në këtë pjesë lidhur me
fushëveprimin e legjislacionit të shërbimit civil). Gradat lidhur me administratën qendrore dhe
lokale nuk duhet të jenë të njëjta si për mësimdhënësit, mjekët dhe shërbimet e uniformuara.
Për këto tri kategori mund të përvetësohen sisteme të ndryshme por duhet të sigurohet lidhja
me administratën qendrore dhe lokale. Për këto dy kategoritë e fundit (më pak se 18% e
administratës publike) duhet të miratohet një sistem i thjeshtë me pak grada 17 .
c) Të lidhet procesi i kategorizimit me miratimin e strukturave të brendshme për
institucionet:
Të përdoren të njëjtat procedura si për miratimin e strukturave të brendshme edhe për
kategorizimin e pozitave. Në kuadër të kategorizimit të përgjithshëm të pozitave, alokimi i
gradave për çdo pozitë të bëhet gjatë miratimit të strukturës së brendshme të institucioneve,
pas kontrollimit nga Ministria e Ekonomisë dhe Financave dhe MSHP/DASHC.
d) Të shfrytëzohet sistemi “benchmarking” si mjet metodologjik lidhur me udhëzimet për
sistemin e analizimit të vendeve të punës:
Me rastin e hartimit të udhëzimeve për sistemin e analizimit të punës, të bazohet metodologjia
në modelin “benchmarking”. Ky model bazohet në ushtrimin krahasues të të gjitha pozitave
me pozicionet tip (benchmark). Si mjet procedural, në kategorizimin e përgjithshëm të
pozitave, pozitat si shembuj nga të gjitha gradat hierarkike vlerësohen dhe iu jepet një vlerë.
Për këtë proces ekzaminuar disa faktorë (përgjegjësitë menaxheriale për stafin dhe burimet,
kompleksiteti i pozitave, kompetencat vendimmarrëse, njohuria dhe përvoja e kërkuar për atë
pozitë, kontaktet dhe përfaqësimi, etj.). Si hap i dytë, të gjitha pozitat krahasohen me pozitat
„benchmark” duke përcaktuar vlerën e tyre.
Ne e rekomandojmë këtë sistem për shkak se është i lehtë për t‟u zbatuar, është i thjeshtë
dhe mund të kontrollohet lehtësisht. Duke pasur parasysh praktikën aktuale dhe problemet që
e shoqërojnë atë, ne fuqimisht rekomandojmë centralizimin e procesit dhe rritjen e rolit dhe
përgjegjësitë e institucioneve qendrore kontrolluese.
e) Të sigurohet hierarkia e institucioneve kur të miratohet klasifikimi i pozitave:
Menaxherët duhet të marrin parasysh specifikat e institucioneve me rastin e miratimit të
kategorizimit të përgjithshëm të pozitave. Një dallim i caktuar duhet të vendoset për pozitat e
ngjashme në institucione të ndryshme. Posaçërisht ky dallim duhet të jetë i qartë në rastet
ministrive dhe të agjencive të tyre vartëse.
f) Të vendoset një sistem që të bëjë dallimin ndërmjet pozitave me emërtim të njëjtë:
Nuk është praktike që të gjitha pozitat e ngjashme në institucionet e ngjashme të jenë në të
njëjtën kategori (p.sh. të gjithë drejtorët e departamenteve të ministrive në të njëjtën kategori).
Sistemi i ri i klasifikimit duhet të ofrojë mekanizma që të bëhet dallimi ndërmjet pozitave të
ngjashme dhe të miratohen vlera specifike të disa pozitave të përgjithshme. Një nga kriteret
që do të përdorej mund të jetë fusha e politikë bërjes për atë njësi, krahasuar me ofrimin e
shërbimeve ose shërbimet mbështetëse.
g) Të vendosen në rregullore baza ligjore dhe kriteret që duhet të përdoren për
klasifikimin specifik për disa pozita të ndjeshme:
Të institucionalizohet praktika aktuale e klasifikimit të pozitave specifike në grada më të larta
sesa ato që janë ngjashme me to, për arsye që kanë të bëjnë me kërkesën e tregut të punës
17 Shih gjithashtu raportin e “Rishikimit të gjithë qeverisë” lidhur me propozimin për të shuar nivelin e tretë të menaxhimit
– shef i sektorit.
19