Rishikimi i Menaxhimit të Burimeve Njerëzore - Ministria e ...

3. Metodologjia dhe fusha e rishikimit
Ky raport është hartuar në kuadër të projektit të rishikimit funksional dhe organizimit institucional te
ministrive (FRIDOM – Functional Review and Institutional Design of Ministries) dhe bën pjesë në
rishikimet e proceseve horizontale të punës. FRIDOM është një projekt i Qeverise se Republikës se
Kosoves i financuar nga DFID dhe implementuar nga nje konsorcium kompanish të përbërë nga
HELM Irlande, CPM Letoni, GI Sllovaki dhe Altair Asesores Spanje.
Metodologjia e ndjekur për rishikimin e procesit horizontal të menaxhimit të burimeve njerëzore nga
institucionet e administratës publike ne Kosove është miratuar nga Ministria e Shërbimeve Publike
dhe Komisioni Ndërministror për Reformën ne Administratën Publike 4 . Metodologjia parashikon një
shqyrtim të tre komponentëve përbërës te këtij sistemi horizontal:
1. Sistemin ne përgjithësi, duke nënkuptuar kuadrin ligjor dhe mënyrën e organizimit të
proceseve të punës;
2. Kapacitetet në njësitë qëndrore të thirrura për menaxhimin e komponentëve të ndryshëm të
sistemit (në rastin tonë kemi identifikuar 4 njësi qendrore: Departamentin e Administrimit te
Shërbimit Civil, Komisionin për Emërime te Larta Publike, Këshillin e Pavarur Mbikëqyrës te
Kosovës dhe Institutin Kosovar për Administratë Publike);
3. Kapacitetet në njësitë “periferike” (ne ministritë dhe agjencitë ekzekutive), te cilat bëjnë
menaxhimin e burimeve njerëzore ne këto institucione.
Metodologjia është mbështetur në shqyrtimin e dokumentacionit dhe kuadrit ligjor në fuqi, zhvillimin e
intervistave të strukturuara me personat kyç në njësitë qëndrore 5 dhe dërgimin e pyetësorëve për
menaxheret e personelit në institucione 6 . Në disa institucione të veçanta janë zhvilluar intervista të
posaçme me menaxheret e personelit. Të gjitha informacionet e mbledhura janë përpunuar nga
ekspertet e FRIDOM në formën në të cilën paraqiten sot.
Qëllimi i këtij raporti është që të evidentojë procedurat aktuale të lidhura me menaxhimin e burimeve
njerëzore ne institucionet e administratës publike, vështirësitë që hasen në praktikë dhe të bëjë
rekomandime për përmirësimin e këtij procesi pune, në përputhje me praktikat dhe standartet më të
mira evropiane dhe me objektivin e shprehur në Strategjinë për Reformën në Administratën Publike:
“Krijimin e një administrate publike profesionale dhe të depolitizuar, me një organizim të efektshëm të
institucioneve të cilat e përbëjnë, transparente dhe të hapur ndaj qytetarit, të menaxhuar në mënyrë
cilësore, të pa korruptuar dhe që të gjitha këto të arrihen me shpenzime sa më të vogla”.
4. Korniza e politikave
Shërbimi civil në Kosovë ka filluar që të ndërtohet menjëherë pas ndarjes nga Jugosllavia dhe për
herë të parë është kodifikuar me Rregulloren e UNMIK-ut nr. 2001/36 “Për Shërbimin Civil në Kosovë”
(me ndryshimet e mëvonshme) dhe Urdhëresa Administrative e UNMIK-ut nr. 2003/2 “Për zbatimin e
rregullores së shërbimit civil”. Korniza ligjore është plotësuar me 12 udhëzime të nxjerra nga Ministri i
Shërbimeve Publike gjatë vitit 2003.
Gjatë disa akte nënligjore janë miratuar nga qeveria duke përfshirë aspekte të ndryshme të
marrëdhënieve të punës. Së fundi viteve, nëpërmjet një amendamenti të Rregullores Nr. 2001/36,
Bordi i Pavarur Mbikëqyrës ka kaluar nga Ministria e Shërbimeve Publike në varësi të Parlamenti 7 .
4.1 – Parimet kryesore të sistemit
Kushtetuta e re e Kosovës, e cila ka hyrë në fuqi më 15 qershor 2008, jep një referim të drejtpërdrejtë
për shërbimin civil duke nënvizuar rëndësinë e përfaqësimit të minoriteteve dhe barazisë gjinore.
4
Komisioni ndërministror për Reformën në Administratën Publike eshte krijuar me vendimin nr. 04/22 datë 30.05.2008 të
Qeverisë dhe ka në përbërje ZvKryeministrin, Ministrin e Shërbimeve Publike, Ministrin e Ekonomisë dhe Financave dhe
Ministrin e Drejtësisë.
5
Ne kemi zhvilluar 17 intervista me zyrtarë të njësive qëndrore – lista e plotë e personave të intervistuar tregohet në
Aneksin 1.
6
Pyetsori u prezantua në Forumin e Menaxherëve të personelit në date 23 Qershor 2008. 28 institucione kanë kthyer
pyetësorin të plotësuar. Më pas 6 intervista janë zhvilluar në disa institucione të caktuara. Lista e plotë e institucioneve që i
janë përgjigjur pyetësorit tregohet në Aneksin 1.
7
Rregullorja nr. 2008/12 e datës 27 shkurt, 2008
11