buletin informativ nr.1 republika e kosovës republika kosova ...

REPUBLIKA E KOSOVËS
REPUBLIKA KOSOVA-REPUBLIC OF KOSOVO
QEVERIA-VLADA-GOVERNMENT
MINISTRIA E ADMINISTRATËS PUBLIKE
MINISTARSTVO JAVNE ADMINISTRACIJE
MINISTRY OF PUBLIC ADMINISTRATION
BULETIN INFORMATIV NR.1

PËRMBAJTJA
02 - 03 Struktura e MAP-it
04 Fjalim i Ministrit
06 Fjalimi i Sekretarit të Përhershëm
08 Departamenti për Menaxhimin e Reformës
së Administratës Publike
10 Departamentit Ligjor i MAP-it
11 Departamenti i Administrimit të Shërbimit Civil
12 Departamenti i Inxhinieringut
16 Departamenti i E-Qeverisjës dhe Proceseve Administrative
18 Departamenti për Integrim Evropian dhe Koordinim të Politikave
19 Zyra e Administratës dhe Personelit
20 Instituti i Kosovës për Administratë Publike
Rrjeti BULETIN Shtetëror INFORMATIV i Teknologjisë NR.1 Informatike dhe Komunikimit
01 - 02

Struktura e MAP-it
Hajredin HYSENI
Zv. Ministër
Birsen SHUFTA
Këshilltare dhe Zëdhënëse
Sebil PAJKO
Këshilltare
Mahir YAGCILAR
Ministër
Fitim SADIKU
Sekretar i Përgjithshëm
Ergin KALA
Këshilltarë
Engin MELEKOGLU
Këshiltarë
Nexhmedin KASTRATI
Zv. Ministër
Skender SALLAUKA
Këshilltarë
Kenan SAFCI
Këshiltarë
Bardha RRUSTEMI
Drejtoreshë e DMRAP-së
Naser SHAMOLLI
Drejtor i DL-së
Tefik MAHMUTI
Drejtor i ZAP-së
Armend RUGOVA
Kordinatorë për të Drejtat e
Njeriut në MAP
Mërgim LUSHTAKU
Drejtor i DIEKP-së
Bajram (Ejup) KOSUMI
Drejtor i DRNOJQ-ve
Driart ELSHANI
Drejtor i DEQPA-së
Shefki GASHI
Drejtor i njësisë së auditimit
të Brendshëm në MAP
Muhamet LATIFI
Drejtori i DASHC-it
Zeqir BEKOLLI
Drejtor i ZKP-së
Ibrahim I. SHABANI
Drejtor i ZBF-së
Hysni VESELI
Kryeshef Ekzekutiv i
IKAP-it
Ilir OSAJ
Drejtor i DSPIMNQ-së
Arton BERISHA
Drejtor i ZP-së
BULETIN INFORMATIV NR.1
02 - 03

Z. Mahir JAGCILAR
Ministër
MINISTRIA E ADMINISTRATËS PUBLIKE
PËRMBYLLË NJË VIT TË SUKSESSHËM
BULETIN INFORMATIV NR.1
Republika e Kosovës është duke ndërtuar
një shërbim civil modern, profesional,
efikas dhe transparent, bazuar në
meritë dhe i mbështetur në praktikat më
të avancuara ndërkombëtare.
Politika e re në administratën publike ka
të bëjë me modernizimin dhe zhvillimin
e vazhdueshëm të kapaciteteve të administratës,
duke realizuar reforma me
fokus kryesor qytetarët dhe realizimin e
kërkesave, të të drejtave dhe interesave
të tyre.
Sipas Studimit të Fizibilitetit për Kosovën
nga ana e Komisionit Evropian, korniza ligjore
ekzistuese në fushën e administratës
publike, është e përshtatshme dhe legjislacioni
është i përshtatur me qasjet e fundit
të administratës publike në Evropë. Ligjet
për shërbimin civil, sigurojnë kushtet ligjore
për një shërbim civil të qëndrueshëm,
të njësuar dhe profesional. Ministria e Administratës
Publike, gjatë vitit 2012, me
aprovimin e akteve nënligjore, ka përmbushur
edhe kërkesën për miratimin e
legjislacionit sekondar për shërbimin civil.
Ministria e Administratës Publike ka realizuar
edhe detyra tjera nga aspekti i pagave
për të gjithë zyrtarët që marrin paga
nga Buxheti i Kosovës. Duke zbatuar Planin
e Veprimit për Reformën e Administratës
Publike, ka filluar edhe aprovimi i
rregulloreve për organizimin e brendshëm
të institucioneve qendrore; është duke
vazhduar koordinimi i procesit reformues
ndërministror si dhe përkrahjet tjera teknike
për të gjitha institucionet shtetërore.
Ky institucion është duke punuar në krijimin
e infrastrukturës së nevojshme për
një administratë publike moderne. Janë
duke u ndërtuar mijëra metra katrorë
hapësira pune, infrastrukturë dhe pajisje të
nevojshme të teknologjisë informative, janë
duke u ofruar trajnime për ngritjen dhe zhvillimin
e kuadrove profesionale adekuate
për administratën publike. Po ashtu, janë
krijuar raporte të reja me OJQ-të duke i
mbështetur financiarisht dhe duke krijuar
bashkëpunim në krijimin e politikave të reja
për funksionimin e tyre.
Për të rritur edhe më tej përpjekjet tona
për përmirësimin e përgjegjësisë, profesionalizmin
dhe efektivitetin në administratën
publike në të gjitha nivelet dhe për
zbatimin e suksesshëm të reformave të
kërkuara, inkurajojë të gjithë akterët relevantë,
sidomos shërbyesit civilë, të japin
shtytje, të kenë vullnet dhe energji, për
angazhim dhe përkushtim më të fuqishëm
në arritjen e rezultateve pozitive në punë,
sepse qëllimi përfundimtar i këtyre përpjekjeve
është funksionimi i duhur i institucioneve
shtetërore për të mirën e popullatës.
Duke besuar që këto sfida t’i përballojmë
me sukses, falënderoj të gjitha institucionet
e Republikës së Kosovës për bashkëpunim,
partnerët ndërkombëtarë për përkrahje dhe
shërbyesit civilë për punën dhe kontributin
e dhënë, në rezultatet e arritura në fushën
e administratës publike.
Mahir Yagcilar, ministër
04 - 05

Z. Fitim SADIKU
Sekretar i Përgjithshëm
ZYRA E SEKRETARIT TË
PËRGJITHSHËM NË MAP
Zyra e Sekretarit të Përgjithshëm ka
rol ekzekutiv dhe është në funksion të
zbatimit të politikave dhe të objektivave
të Ministrisë së Administratës Publike, të
parashtruara nga njësitë brenda Ministrisë
dhe Qeverisë së Republikës së Kosovës.
Objektivat për vitin 2013
Reformimi i administratës publike;
Krijimi i një shërbimi civil jopolitik, profesional
i bazuar në merita dhe i menaxhuar
mirë;
Krijimi i infrastrukturës ligjore për
nëpunësit civilë dhe ata publikë;
Cilësia e shërbimeve përmes shfrytëzimit
të teknologjisë së informacionit dhe
komunikimit;
Ndërtimi, rivendosja, mirëmbajtja dhe
zgjerimi i ndërtesave qeveritare;
Zbatimi i Planit vjetor të punës së
Qeverisë për vitin 2013;
Zbatimi i Planit të veprimit për Marrëveshjen
e Stabilizim Asociimit;
Krijimi i një klime bashkëpunimi me
qytetarë përmes ofrimit të qasjes në dokumentet
zyrtare dhe pjesëmarrjes në
proceset e tjera;
Ngritja e kapaciteteve në shërbimin
civil përmes trajnimeve;
Thellimi i bashkëpunimit me rajon,
Bashkim Evropian dhe më gjerë në fushën
e administratës publike.
Misioni i Ministrisë së
Administratës Publike
Krijimi i një administrate publike moderne,
të qëndrueshme dhe të paanshme, në
shërbim të qytetarëve dhe të bizneseve;
Ofrimi i shërbimeve cilësore administrative
dhe i një infrastrukture funksionale për
institucionet e qeverisjes.
Të arriturat për vitin 2012
Miratimi i Planit të veprimit për Reformën
e Administratës 2010–2013;
Nxjerrja dhe monitorimi i tri planeve
zhvillimore strategjike – PZHS-ve për vitin
2012 (12 PZHS të aprovuara para vitit
2012) nga gjithsej 21 PZHS sa janë të
planifikuara (19 ministri, Zyra e Kryeministrit
dhe Instituti i Kosovës për Administratë
Publike);
Kompletimi i akteve nënligjore të Ligjit
për Shërbimin Civil të Kosovës (gjithsej 21
rregullore);
Kompletimi i akteve nënligjore të Ligjit
për Pagat e nëpunësve Civilë të Kosovës
(gjithsej 2 rregullore);
Kompletimi i akteve nënligjore të Ligjit
për Lirinë e Asociimit në organizatat joqeveritare.
Sfidat e MAP-it për vitin
2013
Mungesa e burimeve financiare për
zbatimin e Strategjisë së Reformës së Administratës
Publike;
Zbatimi i sugjerimeve të dala në Raportin
e Progresit të Komisionit Evropian;
Zbatimi i legjislacionit që përkon me
administratën publike;
Vetëdijesimi i qytetarëve, bizneseve,
shoqërisë civile në shfrytëzimin e produkteve
të teknologjisë së informacionit në
dispozicion;
Ngritja dhe forcimi i kapaciteteve njerëzore
për procesin e integrimit evropian,
reformës së administratës publike dhe të
përafrimit të legjislacionit vendor me atë
të Bashkimit Evropian.
BULETIN INFORMATIV NR.1 06 - 07

Departamenti për
Menaxhimin e Reformës
së Administratës
Publike
Departamenti për Menaxhimin e Reformës
së Administratës Publike (DM-
RAP) gjatë vitit 2012, krahas aktiviteteve
të zhvilluara lidhur me monitorimin e zbatimit
të rekomandimeve të dala nga procesi
i rishikimeve funksionale dhe mbështetjes
së Komisionit Ndërministror për Reformën
e Administratës Publike (KNRAP), aktivitet
tjetër kryesor ka qenë finalizimi i
propozim-planit të veprimit për zbatimin e
Strategjisë së Reformës së Administratës
Publike (PVRAP).
Ky plan është miratuar fillimisht nga KN-
RAP dhe më pastaj nga Qeveria e Republikës
së Kosovës.
Për të mundësuar zbatimin efikas dhe
efektiv të PVRAP-së, Qeveria e Republikës
së Kosovës, më 4 korrik 2012, ka miratuar
vendimin për organizimin dhe funksionimin
e strukturave implementuese përkatëse.
DMRAP në vazhdimësi ka bërë analizimin,
vlerësimin dhe ka ofruar rekomandime mbi
propozim-planet zhvillimore strategjike, të
hartuar nga institucionet. Gjithashtu, Departamenti
ka siguruar procedimin e tyre
për aprovim nga KNRAP-ja dhe Qeveria.
Gjatë vitit 2012 janë miratuar nga KNRAP
dhe Qeveria këto planet zhvillimore strategjike:
1. Plani Zhvillimor Strategjik i Ministrisë së
Punës dhe Mirëqenies Sociale;
2. Plani Zhvillimor Strategjik i Ministrisë së
Diasporës, dhe
3. Plani Zhvillimor Strategjik i Ministrisë së
Tregtisë dhe Industrisë.
Planet tjera zhvillimore e strategjike të
miratuara më parë nga KNRAP dhe Qeveria:
1. Ministria e Administratës Publike;
2. Ministria e Punëve të Brendshme;
3. Ministria e Infrastrukturës;
4. Ministria e Administrimit të Pushtetit
Lokal;
5. Instituti i Kosovës për Administratë
Publike;
6. Ministria për Komunitete dhe Kthimi;
7. Ministria e Mjedisit dhe Planifikimit
Hapësinor;
8. Ministria e Financave;
9. Zyra e Kryeministrit;
10. Ministria e Zhvillimit Ekonomik;
11. Ministria e Drejtësisë dhe
12. Ministria e Kulturës, Rinisë dhe
Sporteve.
Departamenti për Menaxhimin e Reformës
së Administratës Publike është përgjegjës
edhe për fushën e organizimit të brendshëm
të administratës publike dhe sigurimin
e zbatimit të Ligjit për Administratën
Shtetërore. Në këtë aspekt më datën 25
prill 2012, Qeveria e Republikës së Kosovës,
ka aprovuar Rregulloren për Stan-
dardet e Organizimit të Brendshëm dhe
Sistematizimin e Vendeve të Punës në Administratën
shtetërore.
Në bazë të kësaj rregulloreje të gjitha ministritë
dhe organet e tyre vartëse duhet të
hartojnë projekt- rregulloret përkatëse për
organizimin e brendshëm.
DMRAP-ja shqyrton dhe analizon në detaje
dokumentet e ofruara nga ministritë,
dhe deri më tani një numër i madh i tyre
tashmë i kanë sjellë në Ministrinë e Administratës
Publike për marrjen e pëlqimit.
DMRAP, fushë tjetër të veprimtarisë ka
pasur edhe bashkëpunimin me partnerët
ndërkombëtarë për sigurimin e
mbështetjes financiare për procesin e reformës
në administratën publike.
BULETIN INFORMATIV NR.1 08 - 09

Departamenti Ligjor
i MAP-it
Gjatë viti 2012 si prioritet kryesor i Departamentit
ligjor të MAP-it ka qenë
Programin Legjislativ 2012 i Qeverisë së
Republikës së Kosovës, i cili është realizuar
me sukses, si dhe një mori aktesh
nënligjore që dalin nga ligjet e sponsoruara
nga MAP-i.
Projektligjet e parapara në Programin
Legjislativ 2012, që janë apo pritet të
miratohen në Kuvendin e Republikës së
Kosovës, do të kenë një ndikim të madh
në reformimin e administratës publike,
proces i cili do të ndihmojë në integrimin e
shtetit të Kosovës në strukturat evropiane,
duke i plotësuar disa nga kushtet kryesore
të dala nga Raporti i Progresit.
Programit Legjislativ 2012 i Qeverisë së
Republikës së Kosovës, në kuadër të Departamentit
ligjor të MAP-it:
1. Projektligji për pagat e funksionarëve
publikë-është në procedurë të miratimit
në Kuvend;
2. Projektligji për organet qeveritare për
shoqërinë e informacionit – ndodhet në
procedurë për miratim në Kuvend;
3. Projektligji për ndryshimin dhe
plotësimin e Ligjit për procedurën administrative
– me përkrahjen e SIGMA dhe
GIZ, është hartuar drafti fillestar;
4. Projektligjit për ndryshimin dhe
plotësimin e Ligjit për konfliktet administrative,
pritet përcjellja për në ZKM;
5. Projektligji për punën në zyrë, është
përcjellë në ZKM;
6. Projektligji për Institutin e Kosovës për
Administratë Publike - është përcjell në
ZKM.
Departamenti Ligjor i MAP-it për vitin 2012
ka hartuar të gjitha projekt-rregullore që
mbulojnë fushën e legjislacionit civil dhe
pothuajse të gjitha janë miratuar nga
Qeveria e Republikës së Kosovës, me të
cilat është kompletuar pakoja e akteve
nënligjore që e rregullojnë këtë fushë.
Sfidat e Departamentit
Ligjor dhe plani i punës
për vitin 2013
Si sfidë kryesore e Departamentit Ligjor
mbetet hartimi i akteve ligjore dhe nënligjore
me një kualitet të lartë për të vazhduar
dhe jetësuar më tej reformën e administratës
publike, e cila është edhe mision
i Ministrisë së Administratës Publike. Për
vitin 2013 janë paraparë që të hartohen 7
projektligje, 4 nga të cilat do të jenë projektligje
të reja, ndërsa tri plotësim-ndryshime
të ligjeve aktuale. Gjithashtu, do të
vazhdohet nxjerrja e akteve nënligjore,
për të cilat është përgjegjëse Ministria e
Administratës Publike.
Departamenti i
Administrimit të
Shërbimit Civil
(DASHC)
epartamenti i Administrimit të Shër-
Dbimit Civil (DASHC) në MAP në përputhje
me objektivat e parapara me planin
e punës për vitin 2012 ka realizuar këto
objektiva:
Objektivi 1
Zhvillimi dhe mbikëqyrja e zbatimit të politikave
për një shërbim civil profesional, të
paanshëm, të përgjegjshëm dhe shumetnik.
Për zbatimin e Ligjit për Shërbimin
Civil, Ligjit për Pagat e Nëpunësve Civilë
dhe Ligjit për Administratën Shtetërore të
Republikës së Kosovës, janë hartuar dhe
janë miratuar nga Qeveria 9 rregullore.
Objektivi 2
Zhvillimi dhe koordinimi i zbatimit të politikave
për krijimin dhe aftësimin e kuadrove
për Shërbimin Civil të Kosovës (SHCK). Në
bazë të nevojave të identifikuara nga institucionet,
në bashkëpunim me Institutin e
Kosovës për Administratë Publike (IKAP),
është hartuar plani vjetor i trajnimit për
vitin 2012. Për aftësimin e kuadrove, zyrtarët
e DASHC-së gjatë vitit kanë ndjekur
trajnime, kanë marrë pjesë në seminare,
punëtori dhe aktivitete tjera.
Objektivi 3
Zhvillimi dhe mbikëqyrja e zbatimit të
politikave në fushën e pagave në administratën
publike.
Janë realizuar kërkesa sipas ligjeve në
fuqi, të institucioneve të SHCK-së për
aprovimin e titujve të ri të punës, koeficienteve
të pagës, autorizimin e publikimit
të shpalljeve të konkurseve.
Objektivi 4
Mbajtja dhe administrimi i sistemit të pagave
dhe të regjistrit qendror të nëpunësve
civilë.
Janë kryer në kohë dhe me cilësi të gjitha
shërbimet për pagesën e pagave për të
gjithë përfituesit nga buxheti i Kosovës.
Zhvillimi i regjistrit qendror të nëpunësve
civilë është në proces.
Departamenti ka kontribuar me pjesëmarrje
aktive në aktivitete ndërkombëtare dhe
vendore në fushën e administratës publike.
Sfidat për vitin 2013
Zbatimi i sistemit të ri të pagave;
Zbatimi i sistemit të vlerësimi të rezultateve
të punës;
Zhvillimi i sistemit të menaxhimit të informatave
të burimeve njerëzore në Shërbimin
Civil të Kosovës;
Hartimi i strategjisë së trajnimit të nëpunësve
civilë 2014-2016.
BULETIN INFORMATIV NR.1 10 - 11

Departamenti i
Inxhinieringut
Departamenti i Standardeve, Politikave
të Inxhinieringut dhe Menaxhimit të
Ndërtesave Qeveritare, synim dhe mision
kryesor ka krijimin e infrastrukturës
moderne për akomodimin e të gjitha institucioneve
në objekte shtetërore dhe
menaxhimin e këtyre aseteve. Ky departament,
konform përgjegjësive të Ministrisë
së Administratës Publike, gjatë vitit 2012
vazhdon me sukses të kryej këto detyra:
Udhëheqë politikat e planifikimit në
fushën e infrastrukturës së ndërtesave
shtetërore konform Ligjit për Planifikim
hapësinor, Ligjit të Ndërtimit dhe ligjeve
tjera në fuqi në Republikën e Kosovës;
Ka hartuar strategji për implementimin
e prioriteteve shtetërore në fushën e infrastrukturës
të ndërtesave shtetërore;
Ka udhëhequr zbatimin e strategjive në
DSI
SSN
SSI
DSPIMNQ
DMIK
SDN
SDI
BULETIN INFORMATIV NR.1
DMOSH
SMN
SMI
SMP
fushën e infrastrukturës së ndërtimeve në
harmoni me Ligjin e Ndërtimit dhe ligjet
tjera në fuqi në Republikën e Kosovës;
Ka menaxhuar me tërë infrastrukturën
e ndërtesave dhe pronën e paluajtshme
shtetërore brenda dhe jashtë territorit të
Republikës së Kosovës;
Ka hartuar standarde teknike mbi format
e shfrytëzimit të ndërtesave shtetërore
nga institucionet përkatëse.
Organizimi
Departamenti i Standardeve, Politikave të
Inxhinieringut dhe Menaxhimit të Ndërtesave
Qeveritare konform strukturës organizative
të Ministrisë se Administratës
Publike është ndarë në tri divizione, me
gjithsej 56 zyrtarë profesionalë të fushave
të ndryshme të inxhinierisë.
1. Divizioni i Standardeve dhe Politikave të
Inxhinierisë
2. Divizioni i Menaxhimit të Investimeve
Kapitale
3. Divizioni i Menaxhimit të Objekteve
Shtetërore.
Arritjet e Departamentit
të Inxhinieringut në MAP
PALLATI I DREJTËSISË
Sipërfaqja e ndërtesave është 50
680.87 m2. Lokacioni është 3ha e 14 ari;
Projekti bashkëfinancohet nga Zyra
Ndërlidhëse e Komisionit Evropian në Kosovë
dhe Qeverisë së Kosovës. Vlera e kontratës
për Lot 1 e financuar nga ZNKEK
është 22,582,846.00€ (përfshirë edhe
10%). Vlera e kontratës për Lot 2 e financuar
nga Qeveria është 5, 364,668.10
Euro.
Hapësira për akomodim të stafit është
625 punonjës.
BURGU I SIGURISË SË
LARTË
Sipërfaqja e ndërtesave është 105.944
m2. Lokacioni rreth 14 hektarë, në fshatin
Gerdoc, komuna e Podujevës.
Projekti bashkëfinancohet prej Zyrës
Ndërlidhëse të Komisionit Evropian në
Kosovë dhe Qeverisë së Kosovës . Lot 1:
Shërbime për Konsultime, testime dhe
mbikëqyrje te punëve - 160,000.00€;
Lot 2, Kontrata për ndërtimin e gardhit rre-
thues - ELSAM 295,346.00 €; Lot 3 Vlera e
kontraktuar: 7,878,956.66 euro.
Punimet janë duke vazhduar me dinamikë
të lartë, deri tani 62% e projektit
është kompletuar.
Hapësira për akomodim është për 300
të burgosur dhe stafi administrativ sipas
standardit të numrit të burgosurve.
SELIA E MINISTRISË SË
FORCËS SË SIGURISË
Sipërfaqja e ndërtesës është 10807.00
m². Lokacioni është në afërsi të kazermës
“Adem Jashari” në sipërfaqe prej 1.8 ha.
Vlera totale e kontratës është:
3,451,650.00 Euro.
Projekti vazhdon me dinamikë të lartë,
deri tani 50% e punimeve janë realizuar.
Hapësira për akomodim të stafit është
300 punonjës.
12 - 13

MINISTRIA E PUNËVE TE
JASHTME
Sipërfaqja e ndërtesës është 2,250.00
m²
Vlera e kontratës është 737,644.55€.
Numri i stafit i cili mund të akomodohet
është rreth 130 zyrtar.
PROKURORIA E QARKUT NË
PEJË
Sipërfaqja e ndërtesës është 2,250.00
m²
Vlera e kontratës është 737,644.55€.
Numri i stafit i cili mund të akomodohet
është rreth 90 zyrtarë.
QENDRA E PARABURGIMIT
NË GJILAN
Në gusht të viti 2012 është punuar projekti
detal për 300 të paraburgosur dhe
150 staf administrativ.
Lokacioni gjendet në komunën e Novobërdës
me sipërfaqe prej 3.21 ha.
Pritet të fillohet ndërtimi.
BULETIN INFORMATIV NR.1
KOMPLEKSI I UNIVER-
SITETIT TË MITROVICËS
Sipas dizajnit, kompleksi përmbush të
gjitha kriteret teknike për kompleks modern
universitar.
Vlera financiare e përllogaritur e kompleksit
është rreth 10 milionë euro dhe
finalizimi i tërë kompleksit parashihet të
bëhet në vitin 2015.
Departamenti i
Regjistrimit dhe
Ndërlidhjes me OJQ
Ky departament administron politikat
që ndërlidhen me regjistrimin dhe
funksionimin e OJQ-ve. Gjatë vitit 2012
ka bashkëpunuar me shoqërinë civile në
organizimin e përbashkët të debateve të
hapura publike, si dhe kanë marr pjesë
aktive edhe në aktivitetet që organizon
shoqëria civile si punëtori dhe seminare të
ndryshme.
Gjatë vitit 2012 DRNOJQ ka regjistruar
474 OJQ, prej tyre 468 OJQ vendore dhe
6 OJQ ndërkombëtare. Prej tyre 19 OJQ
janë shumetnike, nga themeluesit e komuniteteve
të ndryshme që jetojnë në Kosovë
dhe 60 OJQ nga minoritetet. Vlen të
theksohet se në DRNOJQ janë regjistruar
OJQ nga pjesëtarë të SHC nga tërë territori
i Republikës së Kosovës.
PALLATI I DREJTËSISË SELIA E MINISTRISË SË
FORCËS SË SIGURISË
SELIA E AGJENCISË SË KOSOVËS
PËR INTELIGJENCË
PROKURORIA E QARKUT NË PEJË
MINISTRIA E PUNËVE TE
JASHTME
KOMPLEKSI I UNIVERSITETIT
TË MITROVICËS
14 - 15

Departamenti i
E-Qeverisjës dhe
Proceseve
Administrative
Rrjeti Shtetëror i
Teknologjisë Informatike
dhe Komunikimit
Rrjeti Shtetëror mbulon shumicën e
zyrave të institucioneve qendrore dhe
lokale nëpër 35 komuna nga 38 sa janë
gjithsejtë.
Janë 400 km të linjës së fijeve optike, nga
të cilat 23 komuna janë të lidhura nëpërmjet
këtyre fijeve.
Komunat tjera janë të lidhura me fije mikrovalore
(170 lidhje).
Më se 500 lokacione në Prishtinë dhe komuna
tjera, menaxhohen nga më shumë
se 200 serverë me kapacitet të rendit TB
(TeraBajt).
Në aspektin e infrastrukturës fizike të TIKut,
janë realizuar projekte të shumta për
fuqizimin të rrjetit mikrovalor duke ndërlidhur
komunat e Republikës së Kosovës
dhe pika të tjera fundore të institucioneve
me Qendrën e Sistemit të TI-së. Është realizuar
“superstrada elektronike” përmes
unazës së kabllos optike duke ndërlidhur
regjionet komunale në rrjetin shtetëror.
Janë ndërlidhur me rrjetin shtetëror: Qend-
BULETIN INFORMATIV NR.1
rat e Regjistrimit të Automjeteve, Gjykatat,
Qendra e Inteligjencës Financiare, QKUK
me gjithë rrjetin e brendshëm, pika të institucioneve
qeveritare në veri të vendit, etj.
Gjatë këtij viti është vënë në funksion rrjeti
shtetëror, nëpërmes një koordinimi më të
mirë me përfaqësues të institucioneve tjera
për të shfrytëzuar kapacitetet ekzistuese të
rrjetit shtetëror për aplikacionet e tyre për
nevojat e qytetarëve. Si shembull mund të
përmenden:
Aplikacioni i farmaceutikës - Ministria e
Shëndetësisë;
Aplikacionin i e-Punësimi - Ministria e
Punës dhe Mirëqenies Sociale;
Sistemi ‘video konferenca’ i cili funksionon
jashtëzakonisht mirë falë rrjetit
shtetëror të TIK - Ministria e Administrimit
të Pushtetit Lokal;
Sistemi për monitorim të automjeteve
që e përshkojnë autostradën “Ibrahim
Rugova”- Ministria e Infrastrukturës;
Hapja e rrjetit ndaj institucioneve;
Hapja e rrjetit ndaj qytetarëve.
Përmes lidhjeve VPN është bërë e mundur
që çdo institucion qeveritar në tërë territorin
e Republikës së Kosovës si dhe ambasadat
e Kosovës në botë, t’iu bëhet e mundur
kyçja në rrjetin shtetëror për të shfrytëzuar
resurset që ofron Sistemi shtetëror i
teknologjisë informatike. Janë kyç në rrjetin
shtetëror më se 95% e zyrave të gjendjes
civile. Me ndihmën e Bankës Botërore është
realizuar faza e parë e projektit “Qendra e
të Dhënave” e Republikës së Kosovës e cila
do të shërbejë për vendosjen e të dhënave
për të gjitha institucionet shtetërore.
Me fuqizimin dhe zgjerimin e rrjetit qeveritar
përfitimet janë të mëdha, si krijimi i
pikave fundore për kyçjen e shkollave dhe
spitaleve, aktualisht i kemi kyçur 6 shkolla
në 3 komuna të Republikës së Kosovës
(Mitrovicë, Klinë dhe Gjilan), për të vënë
në zbatim Aplikacionin e-Shkolla si pilot
projekt.
Zyra për Komunikim
Publik
Zyra për Komunikim Publik, bazuar në
planin e punës i cili mbështetet në
Planin vjetor të MAP-it, ka arritur të realizojë
detyrat e punës me përgjegjësi.
Duke bashkëpunuar ngushtë me stafin
civil, zëdhënësen dhe Kabinetin e Ministrit,
ZKP-ja arriti t’i përmbushë objektivat e
veta, qofshin ato në planin e monitorimit,
të përgjigjeve, të kërkesave për gazetarët,
në qasje për dokumente zyrtare, në koordinim
të punëve me mediat, në hartimin
e njoftimeve, lajmeve, raporteve, kumtesave,
realizimit të intervistave dhe të
përcjelljeve të ngjarjeve dhe aktiviteteve,
që kishin të bënin me stafin civil, por edhe
me kabinetin dhe veprimtarinë e Ministrit
dhe të Ministrisë në përgjithësi.
Duke ndjekur aktivitetin e përditshëm të
Ministrisë dhe të Ministrit, Zyra për Komunikim
Publik në ueb faqen zyrtare ka
arritur t’i plasojë 84 lajme e raporte, 8
njoftime, dhe 106 fotografi, që flasin për
veprimtarinë e përditshme.
Zyra e Komunikimit Publik ka pranuar 30
kërkesa për qasje në dokumente zyrtare.
Prej tyre, në 29 raste është lejuar qasja në
dokumente, kurse për 2 raste palët janë
udhëzuar të drejtojnë kërkesat në institucionet
tjera, për faktin se kërkesa e tyre
nuk kishte të bënte me ministrinë tonë.
16 - 17

Departamenti për
Integrim Evropian
dhe Koordinim të
Politikave
Gjatë vitit 2012, Departamenti për
Integrim Evropian dhe Koordinim të
Politikave ka realizuar aktivitetet e dala
nga agjenda evropiane për MAP:
Të arriturat për vitin 2012
Planin vjetor i punës së Departamentit
për Integrim Evropian dhe Koordinim të
Politikave;
Planin Vjetor i Punës së MAP në kuadër
të Qeverisë për vitin 2012;
Agjenda evropiane e MAP për 2012;
Hartimi i kornizës ligjore të projektit për
IKAP, përmes instrumentit IPA 2013;
Rishikimi i Planit të Veprimit të Partneritetit
Evropian për vitin 2012;
Përgatitja dhe asistimi në përgatitjen e
koncept dokumenteve për MAP;
Raportimi dhe Monitorimi për të arriturat
sipas Planit të Veprimit për Partneritet
Evropian;
Raportimi dhe Monitorimi i realizimit të
Planit të Punës së Qeverisë për 2012;
Hartimi dhe koordinimi i Raportit të Studimit
të Fizibilitetit për MAP;
Koordinimi i donatorëve;
BULETIN INFORMATIV NR.1
Organizimi i trajnimeve për shfrytëzimin
e instrumenteve para-anëtarësimit
në Bashkimin Evropian, si: TAIEX, IPA,
TWINNING, etj.
Hartimi i Planit të Veprimit për Marrëveshjen
e Stabilizim Asociimit.
Objektivat e DIEKP për vitin
2013
Zbatimi dhe monitorimi Planit të Veprimit
për Marrëveshjen e Stabilizim Asociimit;
Monitorimi gjatë realizimit të projektit
IPA 2013 për Institutit të Kosovës për Administratë
Publike;
Zbatimi i Planit Vjetor të Punës së
Qeverisë, Plani i MAP për 2012;
Koordinimi i mëtutjeshëm i shfrytëzimit
të instrumenteve të para anëtarësimit në
BE (TAIEX, IPA, TWINNING, etj.)
Sfidat për vitin 2013
Realizimi i projektit të ndërtimit të objektit
të Institutit të Kosovës për Administratë
Publike i përfituar në bashkëfinancim me
Komisionin Evropian me IPA 2013;
Si sfidë tjetër për 2013, për Departamenti
për Integrim Evropian dhe Koordinim të
Politikave parashihet kompletimin i stafit
të DIEKP sipas organogramit me qëllim
të përmbushjes së obligimeve të dala nga
kompetenca dhe detyrat e saj.
Zyra e Administratës
dhe Personelit
Zyra e Administratës dhe Personelit
(ZAP) në MAP është përgjegjëse për
menaxhimin dhe zhvillimin e burimeve
njerëzore, menaxhimin dhe përkujdesjen
e burimeve materiale, ofrimin e shërbimeve
për sigurinë e objekteve, ofrimin e
shërbimeve administrative dhe kryerjen
e funksioneve logjistike, duke përfshirë
transportin, depon, arkivin, përkthimet,
postën, inventarin dhe menaxhimin e pasurisë
së MAP-it.
Të arriturat për vitin 2012
Zyra e Administratës dhe Personelit ka arritur
me sukses t’i ofrojë të gjitha shërbimet
për Ministrinë sipas mandatit.
Ndërsa, për të gjithë qytetarët (zyrtarët)
që kanë kërkuar shërbime nga Ministria e
Administratës Publike, e që për vitin 2012
në regjistër janë evidentuar rreth 5100
vizitorë, kontrollimi është bërë në bashkëpunim
dhe koordinim të ngushtë me organet
përgjegjëse të sigurisë të vendosura
në pallatin e ish-Rilindjes.
Zyra e Administratës dhe Personelit në
kuadër të MAP-it, me qëllim që administrata
publike të funksionojë në mënyrë sa
më efektive dhe efikase dhe të ofrimit të
shërbimeve sa më të mira për qytetarët
në fillim të vitit ka formuar zyrën pritëse,
shkrimoren për qarkullim të dokumenteve,
e cila tani e tutje do të jetë unike si për
palët ashtu edhe për vetë Ministrinë. Kjo
ka rezultuar me përgjigje shumë më të
shpejtë ndaj kërkesave të qytetarëve dhe
ka shkurtuar në masë të madhe rrugën
e komunikimit. Që prej themelimit të
saj janë protokolluar rreth 5179 kërkesa
(lëndë) nga burime të ndryshme dhe janë
pranuar në formë postare rreth 864 zarfe.
Gjithashtu, në këtë periudhë kohore janë
mbajtur dhe menaxhuar 290 kërkesa për
shfrytëzim të sallave.
Në kuadër të zbatimit të Ligjit për Shërbimin
Civil, MAP-i përmes personelit të
tij, ka bërë përgatitjen dhe shndërrimin e
kontratave me afat në akt-emërime për 68
nëpunës të vet, ka publikuar tetë konkurse,
prej të cilëve është bërë rekrutimi i nëntë
nëpunësve civilë të rinj, ndërsa moshën
e pensionimit e kanë arritur tre nëpunës.
Këto ndryshime kanë bërë që numri
i nëpunësve civilë në kuadër të MAP-it (pa
agjencitë) të jetë 250 të organizuar sipas
strukturës së paraqitur.
Objektivat për vitin 2013
Zyra e Administratës dhe Personelit do të
vazhdojë të ofrojë shërbime për qytetarët,
në veçanti për institucionet e Kosovës,
duke u përgjigjur shpejt në kërkesat për
bartje të inventarit të ndryshëm me pajisjet
e transportit të rëndë dhe ofrimin e
hapësirave të mundshme për vendosjen e
materialeve zyrtare në depot që i menaxhon.
Përgatitja e bazës së të dhënave për
azhurnimin dhe klasifikimin e dosjeve
18 - 19

fizike për nëpunësit e MAP-it, si dhe do
të menaxhohet sistemi i vijueshmërisë në
punë;
Në koordinim me institucionet
përgjegjëse do të vazhdojë ofrimi i shërbimeve
për sigurinë e objekteve qeveritare;
Për Ministrinë do të ofrohen shërbime
për mbarëvajtjen normale të rrjedhës së
punëve si në transport, logjistikë e shërbime
të tjera sipas përgjegjësisë;
Në përputhje me Udhëzimin administrativ
për përdorimin e automjeteve qeveritare,
do të plotësohet me anëtarë të
rinj dhe do të rifunksionalizohet njësia për
menaxhimin e tyre përmes strategjisë së
re të veprimit;
Implementimi i projekteve të parapara
në Planin e Prokurimit.
Instituti i Kosovës
për Administratë
Publike
Instituti i Kosovës për Administratë
Publike (IKAP), ofron një platformë
për ndarjen e perspektivave, krijimin e
rrjeteve dhe kultivimin e ndjenjës së qëndrimit
dhe qëllimit të përbashkët, që i
bashkon të gjithë shërbyesit civilë.
Qëllimi i përgjithshëm i themelimit të
IKAP-it është të mbështesë Qeverinë e
Kosovës dhe Shërbimin Civil të Kosovës,
duke punuar për aftësimin e punonjësve
të administratës publike nëpërmjet programeve
cilësore të trajnimit.
IKAP-ja ka arritur të bëhet një institut i
standardeve ndërkombëtare për sa i përket
operimit, strukturës, politikave, llogaridhënies
dhe kapacitetit për të aftësuar
dhe zhvilluar Shërbimin Civil të Kosovës.
Përmes ofrimit të trajnimeve kualitative,
aktiviteteve për aftësimin e nëpunëseve
civilë, hulumtimeve dhe shkëmbimit të
njohurive përmes teknologjisë informative,
IKAP-ja synon të ngritët në një
qendër moderne të trajnimit, që do të jetë
gjenerator i prodhimit të kapaciteteve të
reja profesionale dhe intelektuale që ndihmojnë
krijimin e një administrate publike
moderne dhe funksionale, me qëllim të
ndërtimit të shërbimit civil i cili do të jetë
efikas, i përgjegjshëm dhe në shërbim të
qytetarëve.
Duke i vënë njerëzit, idetë, përvojat dhe
hulumtimet bashkë në një ambient mësimnxënie,
instituti po e përmbush rolin e
katalizatorit për të menduarit udhëheqës.
IKAP-ja është një promovues i vlerave që
përkojnë me zhvillimet e fundit të administratës
sipas standardeve ndërkombëtare,
në përkrahje të një qeverisjeje të mirë,
synon të jetë një vend forum që në vazhdimësi
krijon ide dhe strategji të reja për
zhvillim të administratës publike.
Përgatiti: NL Company SH.P.K, www.nlcompany.eu
BULETIN INFORMATIV NR.1 01 - 02
Adresa:
Ministria e Administratës Publike
Ndërtesa e ish - Rilindjes
10000 Prishtinë, Republika e Kosovës
http://map.rks-gov.net
Tel: +381 (0) 38 213-000
Fax: +381 (0) 38 211-900
E-mail: info-map@rks-gov.net

BULETIN INFORMATIV NR.1