Kita Nagsunod ni Jesukristo, pp. 16, 22, 28 - The Church of Jesus ...

PAGHULAGWAY SA LITRATO PINAAGI NI CRISTINA SMITH © IRI; DETALYE GIKAN SA PADUOLA KANAKO ANG
GAGMAYNG MGA BATA, NI CARL HEINRICH BLOCH, GIGAMIT NGA MAY PAGTUGOT SA NATIONAL HISTORIC
MUSEUM SA FREDERIKSBORG SA HILLERØD, DENMARK, DILI MAHIMONG PAKOPYAHAN.
Pagkadisipulo
Ni Melissa Merrill
Sa dihang gipasabut ni Alma ang pakigsaad
sa bunyag diha sa mga Katubigan
sa Mormon, siya mitudlo nga kini naglangkob
nga mobarug isip saksi sa Dios “sa
tanan nga mga panahon, ug diha sa tanan nga
mga butang, ug diha sa tanan nga mga dapit”
(Mosiah 18:9). Kini ang usa ka sumbanan nga
gitinguha sa mga disipulo sa Manluluwas nga
masunod gihapon karon ug usa ka pakigsaad
nga bag-uhon kada semana atol sa sakrament,
diin ang mga miyembro sa Simbahan nagsaad
nga “kanunay mohinumdom” sa Manluluwas
(D&P 20:77).
Unsa man gyud diay ang ingon niini nga
pagkadisipulo? Ang mga Magasin sa Simbahan
midapit sa mga Santos sa Ulahing mga Adlaw
sa tibuok kalibutan nga moapil niining gitawag
nato og “eksperimento sa pagkadisipulo.”
Sa lintunganay, gidapit namo kining mga
miyembro sa pag-focus og usa ka pagtulun-an
o istorya kabahin ni Jesukristo, kanunayng
magtuon ug mamalandong niadtong pinili nga
kasulatan sa usa ka semana, ug i-report kon
sa unsang paagi nga ang mapahinungorong
pagtuon sa kinabuhi ug pagtulun-an sa Manluluwas
makaapekto sa unsang paagi sila misunod
Kaniya “sa tanan nga panahon” sa ilang
kinabuhi.
SA TANANG PANAHON,
SA TANANG BUTANG,
SA TANANG DAPIT
Pagkadisipulo sa Tanang Panahon
Si Kara Laszczyk sa Utah, USA, dugay na nga
nasabtan nga ang pagkadisipulo usa ka tinguha
sa pagsunod ug mahimong sama ni Jesukristo
ug isip kaandam sa pagsakripisyo ug pagserbisyo
sa pagpakigbahin sa Iyang ebanghelyo.
Apan mibati siya nga ingon og napugngan
tungod sa iyang pagkamaulawon.
“May kalagmitan kong ganahan nga maginusara
lang kay dili ko komportable nga makauban
ang ubang mga tawo,” mipasabut siya.
“Nabalaka ko pag-ayo sa unsay pagtan-aw sa
ubang mga tawo nako kaysa unsay pagtan-aw
nako ug sa Manluluwas sa akong kaugalingon.”
Apan miingon si Sister Laszczyk nga sa iyang
tibuok semana nga pagtuon sa Lucas 7, nga naghisgot
sa pagpangalagad sa Manluluws ngadto
sa katawhan nakapausab sa iyang mga motibo.
Gipangutana niya iyang kaugalingon: “Ang
akong mga lihok dinasig ba sa matinuorong
tinguha nga mahimong sama sa Manluluwas
ug moamuma sa uban, o nagbuhat lang sa mga
butang diha sa akong lista sa buluhaton aron
nindot akong pamati nga may nahimo? Mas nabalaka
ba ko kabahin sa ikaayo sa uban o unsay
hunahunaon sa uban mahitungod nako?”
Siya nakaamgo nga lakip sa pagsunod sa
Manluluwas—pagbuhat unsay Iyang buhaton
Pebrero 2013 23