Liahona, Hunyo 2013 - The Church of Jesus Christ of Latter-day Saints

HANGTUD KITA MAGKITA PAG-USAB
HUGOT NGA
PAGTUO SA
MGA TAGA-ISLA
Ni Joshua J. Perkey
Mga Magasin sa Simbahan
Sa usa ka bag-ong biyahe gikan sa Estados
Unidos padulong sa Marshall Islands ug
Tonga, natandog ko sa putli nga hugot nga pagtuo
niadtong akong nahimamat. Sa kasagaran,
maingon og alang nako, ang ilang hugot nga
pagtuo wala maapektuhi sa nagkausab nga kahulugan
sa moraliad ug kamatuoran sa katilingban
sa Kasadpan. Ang hugot nga pagtuo sa mga
Taga-isla dako, sama sa gihulagway sa kanhi
presidente sa misyon sa Tonga, si Elder John H.
Groberg (sa Seventy, 1976–2005). Nakabase
kini sa Pag-ula ug sa plano sa kaluwasan. Ang
maong hugot nga pagtuo mohunong sa pagpangutana
nianang nakat-unan pinaagi sa Espiritu.
Sa pipila ka mga paagi, ang kinabuhi sa mga
Isla sa Pasipiko ingon og hinay moirog kay sa
akong naandan. Bisan og ang mga taga-isla
dunay mga sakyanan ug TV, sine ug Internet,
sports ug daghang uban pang mga kalihokan,
ang maong mga butang ingon nga dili kaayo
makababag kay sa daghang laing mga kultura,
lakip sa Estados Unidos.
Siyempre, ang mga taga-isla dunay ilang kaugalingon
nga mga hagit. Sama kanako, sila kinahanglan
mangita og mga paagi sa paghatag
og pagkaon ug kapasilongan ingon man usab
sa pagpanalipod sa ilang mga pagpamatuod.
Apan matag karon ug unya, akong nasaksihan
ang hugot nga pagtuo niadtong wala magduha-duha
ubos sa kabug-at sa mga hagit o
mapasimang tungod sa ka-busy o sa mga makabalda.
Hinoon, sila nakahibalo sa mga kamot
sa Ginoo sa ilang kinabuhi. Sama sa gipasabut
ni Elder David S. Baxter sa Seventy (ug kanhi
Presidente sa Area sa Pasipiko), “Sila motuo
sa mga milagro, sila naglaum nga makadawat
niini, ug nadawat gayud nila kini.”
Samtang mipauli ko gikan sa akong kasinatian
sa South Pacific, namalandong ko sa
80 Liahona
Ang mga taga-isla
nga akong nahimamatmidawat
unsay ilang
nahibaloan nga
tinuod ug wala
magduha-duha.
daghang mga pangutana: Ngano man ang
pipila ka mga tawo magpabilin nga lig-on sa
ilang hugot nga pagtuo, samtang ang uban mitugot
sa mga pangutana o pagduha-duha nga
mosamok sa ilang mga hunahuna? Ngano man,
nga human makaangkon og pagpamatuod,
mitugot ang pipila nga mahuyang kini o daling
mawala? Ngano man nga, sa dihang ang pipila
nakasaksi sa kamot sa Ginoo sa ilang kinabuhi,
nasurprisa sila?
Tingali ang mga tubag anaa kon unsa ka determinado
gihalad sa usa ka tawo ang iyang kasingkasing
diha sa altar sa Ginoo. Alang sa mga
taga-isla nga akong nahimamat, dili sila kanunay
mohimo og desisyon. Human makaestablisar
sa ilang hugot nga pagtuo diha sa Bato sa ilang
Manunubos, ang sigurado nga pundasyon, daghan
mihunong sa pagpangutana; magdumili sila
nga matarug ang ilang mga pagpamatuod. Sila
modawat sa unsay ilang nahibaloan nga tinuod
ug mowagtang sa pagduha-duha.
Mao kana nga kalidad nga gusto nakong
hingpiton. Kon moabut ang mga hagit sa
akong gituohan, gusto kong makabuhat
unsay gisulti sa Ginoo ngadto ni Oliver
Cowdery nga buhaton: “Hinumdumi ang gabii
nga ikaw misangpit ngari kanako diha sa
imong kasingkasing, nga ikaw unta mahibalo
mahitungod sa kamatuoran niini nga mga
butang. Wala ba Ako magsulti og kalinaw
nganha sa imong hunahuna mahitungod niini
nga butang? Unsa ka labaw nga kamatuoran
ang imong maangkon kay sa gikan sa Dios?”
(D&P 6:22–23). Ang mao nga paghinumdom
mosangpot ngadto sa walay pagduha-duha
nga hugot nga pagtuo.
Kini nga matang sa hugot nga pagtuo putli
ug gawasnon sa mga makabalda. Mahalaron
ug madawaton kini. Kini nagsiguro: “ako nasayud
niini. Dili na kinahanglan nga mangutana
ako niini pag-usab.”
Ang paggamit niini nga matang sa hugot
nga pagtuo diha sa atong Langitnong Amahan
ug sa Iyang plano nagtugot sa Iyang gahum
PERKEY J.
nga mahimong aktibo sa atong mga kinabuhi.
Kini dili magpadala sa mga pag-ataki sa atong
JOSHUA NI
tinuohan, sa ka kapoy, o ngadto sa wala pa
mailhi. Kini nagtugot nato nga moingon, “Siya
buhi!” Ug kana, alang kanako, igo na. ◼ GILITRATOHAN