Commentarii ad Homeri Iliadem i.pdf
Commentarii ad Homeri Iliadem i.pdf
Commentarii ad Homeri Iliadem i.pdf
Create successful ePaper yourself
Turn your PDF publications into a flip-book with our unique Google optimized e-Paper software.
πολέμοιο,τοὺς μάλα νεικείεσκε χολωτοῖς ἐπέεσσιν· Ἀργεῖοι ἰόμωροι, ἐλεγχέες, οὔ νυ<br />
σέβεσθε» καὶ τὰ ἑξῆς, ἐν οἷς καὶ νεβροῖς εἰκάζει τοὺς τοιούτους ὁ βασιλεύς, ὡς μετ'ὀλίγα<br />
εἰρήσεται. καὶ οὕτω μὲν στρατηγικῶς κατὰ τὸ ἀόριστον. εἶτα καταβὰςεἰς ὡρισμένα<br />
πρόσωπα λέγει, ὅπως ἦλθεν εἰς τοὺς Κρῆτας ὁ βασιλεὺς καὶ τίεἶπε καὶ τί ἐκεῖθεν<br />
ἤκουσεν. εἶτα ἐπὶ τοὺς Αἴαντας, μεθ' οὓς εἰς τὸν Νέστορακαὶ ἑξῆς. ἔνθα συχνὴν συνήθη<br />
ποικιλίαν ὁ ποιητὴς ἐπιδείκνυται, ἄλλα περὶἄλλων ἱστορῶν· οἷον τοὺς μὲν περὶ<br />
Ἰδομενέα θωρήσσεσθαι λέγων, τοὺς δὲ περὶτοὺς Αἴαντας καὶ κορύσσεσθαι καὶ κινεῖσθαι<br />
εἰς μάχην, τὸν δὲ Νέστορα ἤδητάσσειν εἰς πόλεμον τοὺς περὶ αὐτόν, Μενεσθέα δὲ τὸν<br />
βασιλέα τῶν Ἀθηναίωνκαὶ τὸν Ὀδυσσέα ἑστάναι διὰ τὸ μὴ θέλειν προϋπάρξαι μάχης,<br />
∆ιομήδην δὲκαὶ Σθένελον ἵστασθαι μὲν καὶ αὐτούς, ἐν ἵπποις δὲ καὶ ἅρμασιν, ἤτοι<br />
ἄνωἵππων καὶ ἁρμάτων. οὕτω πολυειδῶς σχηματίζειν οἶδε τὰ πράγματα ὁ<br />
ποιητὴςἄλλους ἄλλως καθιστῶν ἔχοντας. καὶ αἱ τοῦ βασιλέως δὲ πρὸς ἕκαστον<br />
ὁμιλίαιπολυειδεῖς πλάττονται καὶ αὐταί. Ἰδομενέα μὲν γὰρ ἀποδεξάμενος,<br />
τὸνὑπασπιστὴν δὲ αὐτοῦ Μηριόνην οὐδενὸς ἀξιώσας λόγου, προφέρει χάριταςοἰκείας,<br />
ἀνθ' ὧν ὁ Ἰδομενεὺς ὀφειλέτης ἐστὶν ὁλοψύχου συμμαχίας τῷ βασιλεῖ.ἐπὶ δὲ τοῖς<br />
Αἴασιν εὐκτικῶς σχηματίζει τὸν λόγον, εὐχόμενος πάντας τοιούτουςγενέσθαι τοὺς<br />
Ἕλληνας. τῷ δὲ γέροντι Νέστορι εὐκτικῶς καὶ αὐτῷ προσενεχθείς, τοὺς δὲ ὑπ' αὐτὸν ἐν<br />
οὐδενὶ λόγῳ θέμενος, ἐπεύχεται κατὰ τὴν προθυμίαναὐτοῦ γενέσθαι καὶ τὴν δύναμιν.<br />
τὸν δὲ Μενεσθέα καὶ Ὀδυσσέα λόγοις ὀνειδιστικοῖς βάλλει καὶ μάλιστα τὸν Ὀδυσσέα,<br />
ἵνα καὶ οὕτω καινότητα καὶ ποικιλίαν 1.738 τινὰ ὁ λόγος αὐτῷ ἔχῃ, καὶ ὡς ἀμνήμονας<br />
χαρίτων αὐτοὺς ἐλέγξας καὶ γνοὺςτὸν Ὀδυσσέα λυπούμενον ἐπαναλαβὼν τὸν λόγον<br />
μειλίχια προσφωνεῖ. τὸν δὲ ∆ιομήδην εἰς δειλίαν τε ὀνειδίζει οὐδὲν εἰπὼν πρὸς τὸν<br />
ὑπασπίζοντα Σθένελον,καὶ ἀνομοίως αὐτὸν ἔχειν τῷ πατρὶ Τυδεῖ λέγει παρεμπλέξας καὶ<br />
ἱστορίαν τοῦ Θηβαϊκοῦ πολέμου, ἔνθα ὁ Τυδεὺς εὐδοκίμησε. καὶ οὕτω μὲν ἡ πρὸς<br />
τοὺςἥρωας δημηγορία τῷ βασιλεῖ πολυσχημάτιστος. οὐχ' ἧττον δὲ ταύτης πολυσχήμων<br />
καὶ ἡ τῶν ἡρώων πρὸς αὐτὸν ἀμοιβή. καὶ αὐτὴ γὰρ πολυειδὴς καὶ ὡςδυνατὸν<br />
ἀσυνέμπτωτος. Ἰδομενεὺς μὲν γὰρ ἀγαθὸς ἑταῖρος ἔσεσθαι ὑπισχνεῖται,ὡς τὸ πρῶτον<br />
ὑπέστη καὶ κατένευσε, κατηγορεῖ δὲ καὶ τῶν Τρώων, ὡς συγχεάντων τὰ ὅρκια. οἱ δὲ<br />
Αἴαντες οὐδέν τι ὅλως λαλοῦσι. Νέστωρ δὲ εὔχεται καὶαὐτός, ὅσα καὶ ὁ βασιλεύς, καί<br />
τινα ἱστορίαν λαλεῖ καὶ ὑπισχνεῖται πονήσειν τὰδυνατά. Ὀδυσσεὺς δὲ ἀντιτραχύνεται<br />
αὐτὸς ἠρέμα πρὸς τὸν βασιλέα τοῦἈττικοῦ Μενεσθέως εἰς τὸ πᾶν σιωπῶντος.<br />
∆ιομήδους δὲ αἰδεσθέντος τὸνβασιλέα καὶ διὰ τοῦτο σιγήσαντος, ὁ μηδενὸς λόγου<br />
ἀξιωθεὶς Σθένελος ἀμείβεταιμὲν αὐστηρότερον, ἐπιστομίζεται δὲ ὑπὸ τοῦ ∆ιομήδους.<br />
οὕτω πολυδαίδαλονκαλὸν ἡ Ὁμηρικὴ ποίησις καὶ ὑπὲρ τὸν ὑμνούμενον κεστόν. (ῃ. 233)<br />
Ἰστέον δέ, ὅτι τὸ «θαρσύνεσκεν ἐπέεσσι» πρὸς διαστολὴν κεῖται τοῦ δώροις θαρσύνειν.<br />
Τὸ δέ «μήπω τι» ἀργὴν ἔχει τὴν παραπλήρωσιν. ἔστι γὰρ ἀντὶ τοῦ μή τιπεριττοῦ<br />
κειμένου τοῦ ˉπˉω. παρὰ δέ γε τοῖς ὕστερον χρονικὴν σημασίαν ἔχειτὸ μήπω, καθὰ καὶ<br />
τὸ οὔπω. παρέλκει δὲ ὁμοίως καὶ τὸ ˉτˉι, καθὰ καὶ ἐν τῷοὔτι. ὅλον γὰρ τὸ «μήπω τι<br />
μεθίετε» ταὐτόν ἐστι τῷ «μὴ ἀμελεῖτε». (ῃ. 235) Τὸ δέ «οὐκ ἐπὶ ψευδέσσι πατὴρ ἔσσεται<br />
ἀρωγός» οἱ μὲν παροξύνουσιν, ἵναλέγῃ, ὅτι οὐκ ἔσται βοηθὸς ὁ πατὴρ τοῖς ψεύσταις<br />
Τρωσίν, οἱ δὲ προπαροξύνουσικατὰ γένος οὐδέτερον νοοῦντες, ὅτι οὐ ψεύσεται τὴν<br />
βοήθειαν. πατὴρ δὲ καὶ νῦνκατ' ἐξοχὴν ὁ Ζεύς. τὸ δὲ πληρέστερον «πατὴρ ἀνδρῶν τε<br />
θεῶν τε», ὡς καὶτοῦτο προείρηται. (ῃ. 237) Τέρενα δὲ χρόα τὴν ὅλην σάρκα λέγει ὡς ἐκ<br />
μέρουςτοῦ προφαινομένου ἐξ ἐπιπολῆς πρὸς διαστολὴν τῶν ὀστῶν. ἐκεῖνα γὰρ<br />
οὐτέρενα ἤτοι ἁπαλά. ὥσπερ δὲ ὁ χροῦς, οὕτω καὶ ὁ χρώς τὸ προφαινόμενονδηλοῖ τῆς<br />
Ερευνητικό έργο: ∆ΡΟΜΟΙ ΤΗΣ ΠΙΣΤΗΣ – ΨΗΦΙΑΚΗ ΠΑΤΡΟΛΟΓΙΑ. Εργαστήριο ∆ιαχείρισης Πολιτισµικής Κληρονοµιάς, www.aegean.gr/culturaltec/chmlab.<br />
Χρηµατοδότηση: ΚΠ Interreg ΙΙΙΑ (ETΠΑ 75%, Εθν. πόροι 25%). Πανεπιστήµιο Αιγαίου, Τµήµα Πολιτισµικής Τεχνολογίας και Επικοινωνίας, © 2006.<br />
Επιτρέπεται η ελεύθερη χρήση του υλικού µε αναφορά στην πηγή προέλευσής του.<br />
448