Commentarii ad Homeri Iliadem i.pdf
Commentarii ad Homeri Iliadem i.pdf
Commentarii ad Homeri Iliadem i.pdf
Create successful ePaper yourself
Turn your PDF publications into a flip-book with our unique Google optimized e-Paper software.
ἐξ ἧς 1.662 παρέφθαρται χυδαϊζόμενον τὸ πλεκτὸν σπαρτίον, ὃ σωμάτων ῥύπους<br />
ἐκτρίβειἐν λοετροῖς.] καὶ ἡ νευρὰ δὲ τμῆμα μέν ἐστι δέρματος βοὸς ἄρτι ἐν τοῖς<br />
τόξοις.διότι δέ ποτε νεῦρα βόεια συνεκρότουν αὐτήν, παρέμεινε μέχρι καὶ νῦν τὸ<br />
τῆςκλήσεως. καὶ τὸ κερᾶν δὲ παλαιᾶς οἰνοχοείας τῆς διὰ κέρατος ὄνομα τοῖςὕστερον<br />
συμποσίοις παρέμεινε. τοιοῦτόν τι, ὡς προεδηλώθη, καὶ ὁ ὀβολός, εἰςὀξὺ λήγων παρὰ<br />
τοῖς ἀρχαίοις κατὰ τοὺς ὀβελούς, κἂν νῦν μικροῦ δεῖν ὡςεἰς ἐπίπεδόν τι κατήνεκται.<br />
ἀλλὰ καὶ ἡ δραχμή, τουτέστιν οἱ ἓξ ὀβολοί, ἐξ ἀρχαίας χρήσεως, ὡς καὶ αὐτὸ προείρηται,<br />
ἔτυχε τοιαύτης κλήσεως. τοσούτωνγὰρ ὀβολῶν εἶχε τότε ἡ χεὶρ ἐπιδράττεσθαι, ὡς<br />
ἱστορεῖ καὶ Πλούταρχος. καὶλίνον δὲ τὴν χορδὴν λέγειν ἐκ τῶν ἀνέκαθεν εἰς τοὺς<br />
ὕστερον καθήκει. πάλαι γάρποτε δοκεῖ λινέας εἶναι τὰς μουσικὰς χορδάς, ὡς καὶ ὁ<br />
αἴλινος ὑποδηλοῖ. [καὶ ἡβίβλος δὲ ἀρχαιοτροπίαν δηλοῖ παλαιγόνου πράγματος. ἐγίνετο<br />
γάρ ποτε τὰτῶν χαρταρίων σώματα ἐκ φυτοῦ, ὅ, καθὰ καὶ ἀλλαχοῦ δεδήλωται,<br />
βύβλοςἐλέγετο.] καὶ τὸ τῆς δέλτου δὲ ὄνομα ὁμοίως ἄνωθεν κατέβη ἀπὸ τῶν<br />
δελτωτῶνβιβλίων εἴτ' οὖν ἐκ τῶν κατὰ δέλτα πτυσσομένων γραφῶν, αἳ κυρίως<br />
δέλτοικαλούμεναι ἀφῆκαν τοῖς ὕστερον βιβλίοις κληρονομῆσαι τοιαύτης κλήσεως.<br />
Τὸδὲ εὔτυκτον γίνεται μὲν ἐκ τοῦ τεύχω, ἀπέβαλε δὲ τὸ ˉε διὰ εὐφωνίαν, ὥσπερ καὶἡ<br />
κύστις ἐκ τοῦ κεύθω οὖσα καὶ ἐκ τοῦ πεύθω ἡ πύστις, ὅ ἐστιν ἡ μάθησις.οὕτω καὶ τὸ<br />
νευστάζειν νυστάζειν φαμὲν καὶ τὸ ἐτεύχθη ἐτύχθη. καὶ ἡ τέχνη δὲὁμοίως καὶ ὁ τέκτων<br />
ἀπέβαλον τὸ ˉυ ἐκ τοῦ τεύχω γενόμενα. (ῃ. 337) Ἵππουριςδὲ ἡ ἄνω ἔχουσα περὶ τὸν<br />
λόφον τρίχας ἐξ ἵππων οὐρᾶς, ὅπερ ἐγίνετο διὰ τὸ φοβερώτερον. διό φησιν ὁ ποιητής,<br />
ὅτι «δεινὸν δὲ λόφος καθύπερθεν ἔνευε». φοβερώτερον γὰρ τὸν ὁπλίτην ἡ τοιαύτη<br />
ἐποίει, ὥς που δηλώσει καὶ τὸ τοῦἝκτορος βρέφος ταρβῆσαν χαλκὸν καὶ λόφον<br />
ἱππιοχαίτην δεινὸν ἐπ' ἀκροτάτης 1.663 κόρυθος νεύοντα. ἔνθα δῆλον ὡς ὁ λόφος<br />
ἀκροτάτη κόρυς ἐστίν, ὁμωνυμῶν τῷτοῦ ὄρους λόφῳ, ἐξ οὗ καὶ ὁ γήλοφος καὶ<br />
λοφνίδες, αἱ ἐκεῖθεν λαμπάδες, καὶλοφιὰ ζῴου καὶ ζῷα λόφουρα. τὴν δὲ ἵππουριν καὶ<br />
ἱπποδάσειαν ἐρεῖ, ἐπίτηδεςκαὶ τοῦτο πλάσας ὁ ποιητής, ὡς ἂν πιθανῶς ἐν τοῖς ἑξῆς ἔχῃ<br />
ἑλκῦσαι τὸν Πάριν δραξάμενος τῶν τριχῶν ὁ Μενέλαος. Θεόκριτος δὲ τὸ Ὁμηρικὸν<br />
περιφραστικῶς ἑρμηνεύων φησίν· «ἵππειαι κόρυν σκεπάσασαι ἔθειραι». [∆ῆλον δέ,ὅτι<br />
καὶ οὐρὰ ἵππου καὶ χαίτη δὲ συνετέλουν εἰς τὸ τῆς κόρυθος ἄκρον, ὡς ἡ ἵππουρις δηλοῖ<br />
καὶ ὁ ἱππιοχαίτης λόφος.] (ῃ. 342) Ὅτι ἀγριότητα ὑπογράφει προσώπου τὸ «δεινὸν<br />
δερκόμενοι, θάμβος δ' ἔχεν εἰσορόωντας». (ῃ. 344 ς.)Ὅτι μονομάχων πολεμίων ἴδιον τὸ<br />
«καί ῥ' ἐγγὺς στήτην διαμετρητῷ ἐνὶχώρῳ σείοντ' ἐγχείας ἀλλήλοισι κοτέοντε». τίς δὲ ὁ<br />
διαμετρητὸς χῶρος,προείρηται. ὥσπερ δὲ ἔλεγχος ἐλεγχείη, οἷον «ἐλεγχείην καταχεύῃ»,<br />
οὕτω καὶἔγχος ἐγχείη. ἔοικε δὲ διαφορά τις εἶναι τῶν δοράτων, ἃ πρὸ μικροῦ ἔπαλλεν<br />
ὁἈλέξανδρος, καὶ τούτων τῶν ἐγχειῶν. ἔγχος μὲν οὖν ἐνταῦθα καὶ ἐγχείαςπολλάκις<br />
φησί, δόρυ δὲ οὐδὲ εἰσάπαξ. καὶ ἴσως αὗται μὲν ὀρεκταί, ἐκεῖνα δὲ καὶἀφίεντο, τυχὸν δὲ<br />
καὶ τῷ μήκει διέφερον. διὸ περὶ τῶν μονομάχων τούτωνφησίν, ὅτι μακραῖς ἐγχείαις<br />
μαχήσονται. (ῃ. 346) Ὅτι καὶ ἐν τῷ «πρόσθε δ'Ἀλέξανδρος προΐει δολιχόσκιον ἔγχος»<br />
καὶ ἐν ἄλλοις δὲ πολλαχοῦ δολιχόσκιονἔγχος λέγει ἢ τὸ μακρόν, οὗ δολιχὴ καὶ ἡ σκιά, ἢ<br />
τὸ εἰς δολιχὸν κιὸν ἤτοι εἰςμακρὸν πορευόμενον πλεονασμῷ τοῦ ˉσ ἤ, ὅπερ δολιχὸν<br />
γέγονε διὰ τὸ ἐν σκιᾷτραφῆναι, ὡς καὶ ἀλλαχοῦ ῥηθήσεται. ὁ δὲ τοῦ ˉσ πλεονασμὸς ἐν<br />
πολλαῖςεἴθισται βραχυνομέναις λέξεσι κατ' ἐπαλληλίαν πυκνήν, ὁποῖαι καὶ τὸ<br />
θέσκελον,θέσφατον, θεσπέσιον, θεόσδοτον, μογοστόκος Εἰλείθυια. ἦν δ' ἂν οὕτω<br />
καὶθεοστόκος ἐν μέτρῳ δακτυλικῷ, εἰ μὴ τραπέντος τοῦ ˉο εἰς ˉη θεητόκος ἐγράφη<br />
1.664 καθ' ὁμοιότητα τοῦ στεφανοφόρος, βοτρυοφόρος, σικυέλατον, ὑπέλατον,ἐνέλατον<br />
Ερευνητικό έργο: ∆ΡΟΜΟΙ ΤΗΣ ΠΙΣΤΗΣ – ΨΗΦΙΑΚΗ ΠΑΤΡΟΛΟΓΙΑ. Εργαστήριο ∆ιαχείρισης Πολιτισµικής Κληρονοµιάς, www.aegean.gr/culturaltec/chmlab.<br />
Χρηµατοδότηση: ΚΠ Interreg ΙΙΙΑ (ETΠΑ 75%, Εθν. πόροι 25%). Πανεπιστήµιο Αιγαίου, Τµήµα Πολιτισµικής Τεχνολογίας και Επικοινωνίας, © 2006.<br />
Επιτρέπεται η ελεύθερη χρήση του υλικού µε αναφορά στην πηγή προέλευσής του.<br />
408