Commentarii ad Homeri Iliadem i.pdf
Commentarii ad Homeri Iliadem i.pdf
Commentarii ad Homeri Iliadem i.pdf
Create successful ePaper yourself
Turn your PDF publications into a flip-book with our unique Google optimized e-Paper software.
πάντωςεὐεπιβούλευτον οὐδὲν ἧττον ποιμνίου τὸ αἰπόλιον, ᾧ καὶ μάλιστα προσφυεῖς<br />
αἱπερὶ τὰς τῶν ὀρῶν κορυφὰς νομαί. [Ὡς δὲ τὸ αἰπόλιον ῥᾷόν ἐστι τηνικαῦτα<br />
κλέπτεσθαι διὰ τὸ πλατὺ νέμεσθαι καὶ οὕτως ἐσκεδάσθαι, οὐκ ἄδηλόν ἐστιν.] (ῃ.<br />
13)Ἀελλὴς δὲ κονίσαλος ὁ συνεστραμμένος δίκην ἀέλλης. Ἕτερον δὲ τούτου τὸ ἀολλέες<br />
παρ' Ὁμήρῳ καὶ τὸ ἀλέες παρ' Ἡροδότῳ ἐν τῷ «εἰσέπεσον ἀλέες εἰς τοὺς Πέρσας».<br />
δύναται δὲ ἄλλως τὸ ἀελλής χρήσιμον εἶναι καὶ εἰς ἐτυμολογίαντοῦ κονισάλου, ἵνα ᾖ<br />
κονίσαλος κόνις ἀελλής. [(ῃ. 10) Ἰστέον δὲ καί, ὅτι τὸ «κατέχευεν ὁμίχλην» τὸ τῆς<br />
ὁμίχλης ὑλικὸν αἴτιον δηλοῖ. ἐξ ὑγρότητος γὰρ καί, ὡςεἰπεῖν, ἀπέπτου δρόσου ἐστὶ καὶ<br />
αὐτή, καθὰ καὶ ἡ πάχνη.] (ῃ. 14) Ὅτι κυρίωςδιαπρήσσειν ἐπὶ θαλάσσης τὸ διαπερᾶν, ὡς<br />
πολλαχοῦ φαίνεται, νῦν δὲ καταχρηστικῶς φησι τὸ «διέπρησσαν πεδίοιο», ἤγουν διὰ<br />
τῆς πεδιάδος ἤρχοντο οἱἈχαιοί. (ῃ. 15–22) Ὅτι θρασύδειλον τὸν Θερσίτην φθάσας<br />
ὑπετυπώσατο, ὃς1.591 ἐξ οὕτω πολλοῦ καὶ ἀσχέτου θράσους κατὰ γυναῖκα ἐδάκρυε, καὶ<br />
τὸν Ἀλέξανδρον δὲ τοιοῦτον ὧδε καθυπογράφει φάμενος· «οἳ δ' ὅτε δὴ σχεδὸν ἦσαν<br />
ἐπ'ἀλλήλοισιν», ἤγουν κατ' ἀλλήλων, «ἰόντες, τοῖσιν μὲν προμάχιζεν<br />
Ἀλέξανδροςθεοειδής». εἶτα καὶ τὸν ὁπλισμὸν αὐτοῦ φράζων Ὅμηρος ἐπάγει·<br />
«παρδαλέηνὤμοισιν ἔχων καὶ καμπύλα τόξα καὶ ξίφος· αὐτὰρ ὃ δοῦρε δύω<br />
κεκορυθμέναχαλκῷ πάλλων Ἀργείων προκαλίζετο πάντας ἀρίστους» εἰς μάχην, οἳ<br />
ἑώρωναὐτόν «ἐρχόμενον προπάροιθεν ὁμίλου μακρὰ βιβῶντα». καὶ νῦν μὲν<br />
οὕτωθρασὺς ὁ Πάρις. (ῃ. 30–7) Νοήσας δὲ Μενέλαον ἐν προμάχοισι φανέντα<br />
«κατεπλήγη φίλον ἦτορ, ἂψ δ' ἑτάρων εἰς ἔθνος ἐχάζετο κῆρ' ἀλεείνων»,<br />
φυγὼνἀγεννῶς παλίνορσος, ὥσπερ τις δράκοντα ἰδὼν ἐν ὄρει καὶ εἰς ὦχρον<br />
μεταχρωσθεὶς καὶ τρόμον παθών, καθάπερ ὁ ποιητὴς ἐρεῖ προϊών. (ῃ. 31) Ἐντούτοις δὲ<br />
ὅρα τὸ κατεπλήγη, οὕτως εἰπεῖν ἀρέσαν τῷ ποιητῇ. ἄλλως γὰρπληγῆναι μέν φασιν ἐπὶ<br />
σώματος, καταπλαγῆναι δὲ ἐπὶ ψυχῆς, ὥσπερ καὶἐκπλαγῆναι, οἷον· «ἔρωτι θυμὸν<br />
ἐκπλαγεῖσα» παρ' Εὐριπίδῃ, ὅθεν καὶ ἔκπλαγος,ὡς προγέγραπται, καὶ κατὰ μετάθεσιν<br />
ἔκπαγλος, ὁ ἐκπλήττειν δυνάμενος. Σημείωσαι δὲ καί, ὡς θαυμασίως Ὅμηρος, ἐν οἷς<br />
δοκεῖ ἐπαινεῖν τὸν Ἀλέξανδρον, πλαγίως πως ψέγει αὐτόν. (ῃ. 16) Τὸ γοῦν θεοειδής, ὃ<br />
πεντάκις ἐν τοῖςἄρτι ἐπιλέγει τῷ Ἀλεξάνδρῳ, ἔστι μὲν ταὐτόν, ὡς εἴπερ εἴποι αὐτὸν<br />
θεοῖς ἐοικότα τὸ εἶδος ἤτοι περικαλλῆ. ὅτι δὲ ἐπὶ ψόγου λέγει αὐτό, δῆλον ἐν οἷς<br />
μετ'ὀλίγα ὁ Ἕκτωρ ὀνειδίζων ἐρεῖ· «∆ύσπαρι, εἶδος ἄριστε, γυναιμανές, ἠπεροπευτά».<br />
τὸ γὰρ εἶδος ἄριστε ταὐτόν πώς ἐστι τῷ θεοειδές. καὶ μετ' ὀλίγα·»οὕνεκα καλὸν μέν σοι<br />
εἶδος, οὐκέτι δὲ βίη φρεσὶν οὐδέ τις ἀλκή». οὕτω καὶ ἐνὈδυσσείᾳ λέγει περὶ Ἀντινόου<br />
«οὐκ ἄρα σοί γ' ἐπ' εἴδει καὶ φρένες ἦσαν». καὶ τῷ ὄντι ὄνειδος εἶδος καλὸν οὐχ'<br />
ὁμοιούμενον ψυχῇ. τινὲς δὲ τὸ θεοειδής ἀντὶτοῦ θεοῖς εἰδόμενος, κατὰ τὸ εὐγενὲς<br />
δηλαδὴ καὶ τὸ τοῦ τοξεύειν ἐπιστημονικόν.ὅτι δὲ οὐδ' οὕτω ἐξ ὀρθοῦ ἐπὶ ἐπαίνου<br />
καθαροῦ λαμβάνει Ὅμηρος τὸ θεοειδές,δηλοῖ εἰπών, ὡς καθ' ὅμιλον ἔδυ Τρώων δείσας<br />
Ἀλέξανδρος θεοειδής, ὃταὐτόν ἐστι τῷ «ἂψ εἰς ἑτάρους ἐχάζετο». αἰσχύνει γὰρ τὸ<br />
θεοειδὲς ὁ φεύγων.εἰ δέ γε καὶ ἀληθῶς ἐπὶ ἐπαίνου εἴρηται, σημείωσαι, ὡς οὐ<br />
σκωπτικὸς ὁποιητής, ἀλλ' αὐτὸς μὲν ἐπαινῶν θεοειδῆ τὸν Ἀλέξανδρον λέγει, ἀφ' ὧν<br />
ἔχεικαλῶν, τὰ δὲ ψογερά, τὸ «∆ύσπαρι, εἶδος ἄριστε» καὶ τὰ ἑξῆς, οὐχ' ὁ ποιητὴςἀλλ' ὁ<br />
Ἕκτωρ τοῦ ἀδελφοῦ κατέλεξεν. Ἔοικε δὲ καὶ ἀντιθετικῷ σχήματι τὸ «∆ύσπαρι, εἶδος<br />
ἄριστε». οἱονεὶ γάρ φησιν, ὅτι ὁ Πάρις κακὸς μὲν ἄνθρωπόςἐστι, τὸ δὲ εἶδος ἄριστος,<br />
ἤτοι καλὸς τὸ εἶδος, ὅπερ γυναικῶν μάλιστα ἔπαινος.διόπερ ἐν τοῖς ἑξῆς εὐειδέα τὴν<br />
Ἑλένην ἐρεῖ. ἐπιτείνει δὲ τὸν ἔπαινον τοῦτονμάλιστα τῷ Πάριδι, ὅτε εἴπῃ αὐτὸν κάλλει<br />
στίλβειν. (ῃ. 17) Παρδαλέην δὲ 1.592 ὤμοις Ἀλέξανδρος ἔχει, ἐπεὶ μὴ ἦν βριθὺς ὁπλίτης.<br />
Ερευνητικό έργο: ∆ΡΟΜΟΙ ΤΗΣ ΠΙΣΤΗΣ – ΨΗΦΙΑΚΗ ΠΑΤΡΟΛΟΓΙΑ. Εργαστήριο ∆ιαχείρισης Πολιτισµικής Κληρονοµιάς, www.aegean.gr/culturaltec/chmlab.<br />
Χρηµατοδότηση: ΚΠ Interreg ΙΙΙΑ (ETΠΑ 75%, Εθν. πόροι 25%). Πανεπιστήµιο Αιγαίου, Τµήµα Πολιτισµικής Τεχνολογίας και Επικοινωνίας, © 2006.<br />
Επιτρέπεται η ελεύθερη χρήση του υλικού µε αναφορά στην πηγή προέλευσής του.<br />
365