Commentarii ad Homeri Iliadem i.pdf
Commentarii ad Homeri Iliadem i.pdf
Commentarii ad Homeri Iliadem i.pdf
Create successful ePaper yourself
Turn your PDF publications into a flip-book with our unique Google optimized e-Paper software.
ἀνῃρέθη, ὡς δηλωθήσεταικατωτέρω. (ῃ. 698) Γενεαλογία δὲ αὐτοῦ τοιαύτη τίς ἐστιν. εἷς<br />
τῶν Αἰολιδῶν 1.504 Φύλακος κτίσας πόλιν Φυλάκην ὠνόμασεν, οὗ Ἴφικλος, οὗ<br />
Φύλακος, οὗ Ποίας καὶ Ἴφικλος, ὧν Ποίαντος μὲν καὶ Μεθώνης Φιλοκτήτης, Ἰφίκλου<br />
δὲκαὶ Ἀστυόχης Πρωτεσίλαος καὶ Ποδάρκης. Ἐνταῦθα δὲ ζητητέον, ποῖος ἦν ὁ<br />
ποδωκέστατος κατὰ τὴν ἱστορίαν Ἴφικλος, περὶ οὗ δηλῶν Ἡσίοδος, ὅτι ταχυτῆτι<br />
διήνεγκεν, οὐκ ὤκνησεν ἐπ' αὐτοῦ ταύτην εἰπεῖν τὴν ὑπερβολήν·»ἄκρον ἐπ' ἀνθερίκων<br />
καρπὸν θέεν, οὐδὲ κατέκλα, ἀλλ' ἐπὶ πυραμίνων ἀθέρωνδρώμασκε πόδεσσικαὶ οὐ<br />
σινέσκετο καρπόν». [Ὁπότερος δ' ἂντοῖν δυοῖν ἦν ποδωκέστερος, ἔγκειται καὶ τῷ<br />
ὀνόματι ἐκείνου σημασία τῆς κατ'αὐτὸν ποδωκείας. Ἴφικλος γάρ, φασί, κατὰ συγκοπὴν<br />
ἐκ τοῦ ἰφίκωλος, ὅ ἐστινἰσχυρόπους καί, καθ' Ὅμηρον εἰπεῖν, ποδάρκης. ὅτι δὲ κῶλα<br />
ἰδίως καὶ ἐπὶποδῶν, ἡ Κωλιὰς Ἀφροδίτη δηλοῖ, κῶλα τοιαῦτα ἐκλύσασα δεσμοῦ, ὡς<br />
ἐνἄλλοις δεδήλωται, καὶ ἐκεῖθεν οὕτω παρονομασθεῖσα.] (ῃ. 710) Τῷ δὲ ῥηθέντι<br />
Ποδάρκει τεσσαράκοντα κατὰ τὸν ποιητὴν μέλαιναι νῆας ἕποντο. Σημείωσαιδέ, ὅτι ἐν<br />
ταῖς καθ' ἕκαστα τοῦ ἀριθμοῦ τῶν νηῶν ἀποδόσεσιν, ὁτὲ μὲν δίχαἐπιθέτου τὰς νῆας ὁ<br />
ποιητὴς προάγει, ὁτὲ δὲ μετὰ ἐπιθέτων, τριῶν μέντοιμόνων, ὧν τὸ μέν «μιλτοπάρῃοι»<br />
ταῖς τοῦ Ὀδυσσέως ἐχαρίσατο κατά τι, ὡςπροερρέθη, ἐξαίρετον. «γλαφυρὰς δὲ νῆας»<br />
τετράκις τινὰς εἶπε. δωδεκάκις δὲἔφη τὸ «μέλαιναι». τοσαυτάκις δὲ καὶ ἁπλῶς αὐτὰς<br />
δίχα ἐπιθέτου τινὸς ἐξεφώνησεν. οὐκ ἤρεσε δὲ αὐτῷ πλεῖόν τι περιεργάσασθαι· διὸ οὔτε<br />
κορωνίδας οὔτεκοίλας τινὰς οὔτε θοὰς εἶπε, ταῦτα δὴ τὰ συνηθέστατα. (ῃ. 695) Τῶν<br />
δὲῥηθεισῶν πόλεων περὶ μὲν Φυλάκης ἐρρέθη ἀνωτέρω, ἧς ὁ πολίτης Φυλακήσιος,ὡς<br />
Ἰθακήσιος, κειμένης ἐγγὺς Θηβῶν τῶν Φθιωτίδων, αἳ καὶ αὐταί, φασίν, ὑπὸ<br />
Πρωτεσιλάῳ ἦσαν. (ῃ. 695 ς.) Πύρασος δὲ πόλις Φθίας κατὰ τὸν Ἐθνικογράφον,<br />
κληθεῖσα οὕτω διὰ τὸ τὴν χώραν εἶναι πυροφόρον ἤτοι σιτοποιόν· διὸ καὶ ∆ήμητρος<br />
αὐτὴν τέμενος ἐκάλεσεν ὁ ποιητής, ὡς πολύκαρπον δηλαδὴ καὶεὔκαρπον· τοῖς γὰρ<br />
τοιούτοις ἀγαθοῖς ἡ ∆ημήτηρ ἐπιστατεῖν ἐλέγετο. ταῦταδὲ ὑποδηλοῖ καὶ τὸ ἀνθεμόεντα.<br />
τόπος γὰρ ἀνθεμόεις ὁ φυτοῖς θαλερὸς καὶἀνθηρὸς παρὰ τὸ ἄνθεμον, ὃ σημαίνει τὸ<br />
ἄνθος. Ὁ δέ γε Ἀπίων καὶ Ἡρόδωρος 1.505 οὐκ ἀρέσκονται τοῖς οὕτω νοοῦσιν, ἀλλ'<br />
ἰδιάζουσαν λέγουσι πόλιν τὸ τῆς ∆ημήτρος τέμενος· ∆ήμητρος γάρ, φασί, πόλις, οὐχ' ὁ<br />
Πύρασος, ἀλλὰ πόλις ∆ημήτρειον καλουμένη καθ' ἑαυτήν. ὁ μέντοι Γεωγράφος οὐ<br />
συντρέχει τούτοις.φησὶ γάρ, ὅτι τὸ ∆ημήτρειον ∆ήμητρος τέμενος ὁ ποιητὴς εἴρηκε καὶ<br />
ἐκάλεσε Πύρασον. ἦν δέ, φησί, πόλις εὐλίμενος ἡ Πύρασος, ἔχουσα ∆ήμητρος ἄλσος<br />
καὶἱερὸν ἅγιον. τὴν δὲ Ἴτωνα προπαροξύνεσθαί φασιν οἱ παλαιοὶ ὡς Μήκωνα.τινὲς δὲ<br />
ὀξύνουσι λέγοντες, ὅτι ὠνομάζετο καὶ Σιτών διὰ τὸ σιτοφόρον.λέγεται δέ, φασί, καὶ<br />
Ἰτώνη τρισυλλάβως, ἔτι δὲ καὶ Ἴτωνος ἀπὸ Ἰτώνουἥρωος, καὶ Ἀθηνᾶ δὲ ἐξ αὐτῆς<br />
Ἰτωνία. εἰσὶ δὲ καὶ ἕτεραι Ἰτῶναι κατὰ τοὺςἹστορικούς. Μητέρα δὲ μήλων εἰπὼν<br />
Ὅμηρος τὴν Ἴτωνα μονονουχὶ καὶοὖθαρ ἀρούρης λέγει τὰ ἐκεῖ. θρεπτικὸν γὰρ καὶ<br />
μήτηρ καὶ οὖθαρ. εἰ δὲ πολύμηλοςὁ Ἴφικλος, ὡς δεδήλωται, εἴη ἂν ὀρθῶς [μήλων]<br />
μήτηρ καὶ ἡ κατ' αὐτὸν πόλις.[ἐφ' οὗ ὅρα, ὡς οὐ μόνον χώρα πολύμηλος πολλαχοῦ,<br />
ἀλλ' ἰδοὺ καὶ ἥρωςτοιοῦτος ὡς πολυθρέμμων. λεχθείη δ' ἂν οὕτω καὶ ὁ Οἰδίπους διὰ τὸ<br />
«μήλωνἕνεκ' Οἰδιπόδαο». καὶ ὁ τοῦ Ἀδμήτου δὲ Εὔμηλος καὶ ἡ ἐν τοῖς ἑξῆς που<br />
Πολυμήλη τοιαύτην ὑποβάλλουσιν ἔννοιαν. ἡ μέντοι Φιλομήλα πρὸς τὸ<br />
τῆςἀλφεσιβοίας παρεκκλίνει νόημα, ὥσπερ καὶ ἡ Πολύβοια.] (ῃ. 697) Καὶ τὴν Ἄντρωνα<br />
δὲ τινὲς μὲν βαρύνουσιν ὡς τὴν Ἴτωνα, τινὲς δὲ Ἀντρῶνά φασιν ὡςΠυθῶνα·<br />
[Ἡρωδιανὸς δέ φησιν ὡς Πλευρῶνα·] Ὠνόμασται δὲ οὕτω διὰ τὸ τοὺςἐκεῖ τόπους<br />
ἀντρώδεις, τουτέστι σπηλαιώδεις καὶ ὑπονόμους εἶναι. ὁ δὲ τὰἘθνικὰ συλλέξας καὶ τὸν<br />
Ερευνητικό έργο: ∆ΡΟΜΟΙ ΤΗΣ ΠΙΣΤΗΣ – ΨΗΦΙΑΚΗ ΠΑΤΡΟΛΟΓΙΑ. Εργαστήριο ∆ιαχείρισης Πολιτισµικής Κληρονοµιάς, www.aegean.gr/culturaltec/chmlab.<br />
Χρηµατοδότηση: ΚΠ Interreg ΙΙΙΑ (ETΠΑ 75%, Εθν. πόροι 25%). Πανεπιστήµιο Αιγαίου, Τµήµα Πολιτισµικής Τεχνολογίας και Επικοινωνίας, © 2006.<br />
Επιτρέπεται η ελεύθερη χρήση του υλικού µε αναφορά στην πηγή προέλευσής του.<br />
316