Commentarii ad Homeri Iliadem i.pdf
Commentarii ad Homeri Iliadem i.pdf
Commentarii ad Homeri Iliadem i.pdf
Create successful ePaper yourself
Turn your PDF publications into a flip-book with our unique Google optimized e-Paper software.
θερμότητα, καὶ τοῦτο ἢ τὸ διακονικὸν καὶ περὶ γῆν ἢ τὸἐκ πάθους ἐν τοῖς μετεώροις<br />
γινόμενον, οἷον τὸ ἐν κεραυνοῖς καὶ ἀστραπαῖς καὶτοῖς τοιούτοις, ἅπερ οὐχ' ἁπλῶς<br />
θερμότης ἐστίν, ἀλλὰ καυστικὴ καὶ οἵα αἴθειντὴν ἁφήν, ὡς ἡ ἐτυμότης τοῦ Ἡφαίστου<br />
δηλοῖ. ὃς Ἥφαιστος καὶ χωλὸς λέγεται οἷα σκάζων, ἐὰν μή τινα ὕλην τὴν ὑπανέχουσαν<br />
ἔχῃ καὶ ἀμφοτέρουςτοὺς πόδας γυιὸς ἤγουν χωλός· τοῦτο γὰρ ὁ ἀμφιγυήεις δηλοῖ.<br />
ἀμφοτέρωθενγὰρ σκάζει μὴ ἔχων ὕλην τὴν ὑπερείδουσαν, οἷον κάτω μὲν ξύλα καὶ εἴ τι<br />
ἄλλοἐξάπτεται γήϊνον, ἄνω δὲ τὴν ξηρὰν καὶ καπνώδη ἐκ γῆς ἀναθυμίασιν. οὐτοίνυν ὁ<br />
τοιοῦτος Ἥφαιστος, ἡ ὑπερβολὴ τῆς θερμότητος, ὁ καυστικός, ὁ φθαρτικὸς τοῦ<br />
παραπίπτοντος, μεσολαβεῖ τὰ εἰς φιλίαν τῇ Ἥρᾳ καὶ τῷ ∆ιΐ, ἀλλ'ἐκεῖνος ὁ εὔκρατος, ἡ<br />
ζωογόνος δηλαδὴ στοιχειακὴ θερμότης, ὁ τῷ ∆ιῒ σύστοιχόςτε καὶ φίλιος. ὁ γὰρ λοιπὸς<br />
οὐράνιος Ἥφαιστος, ὁ χωλός, ὁ φλογώδης, οὐ πάνυ 1.233 φιλητὸς τῷ ∆ιΐ. διὸ οὐδὲ<br />
πολυωρεῖ ἐν τοῖς ἄνω, ἀλλὰ κάτω ῥίπτεται ἀπὸ βηλοῦθεσπεσίοιο, ὥς φησι μετ' ὀλίγα ὁ<br />
ποιητής. οὐ γὰρ φίλος ἐκεῖνος τῷ ∆ιΐ, ἀλλὰμᾶλλον τῇ μητρὶ Ἥρᾳ. πάθος γὰρ Ἥρας ὁ<br />
τοιοῦτος Ἥφαιστος ἤτοι ἀέροςσύμπτωμα, ὅτε μὴ φιλίως ἔχει πρὸς τὸν αἰθέρα μηδὲ κατὰ<br />
φύσιν, ἀλλὰ ταῖςγῆθεν ἀναθυμιάσεσιν ὥσπερ φραγνυμένη πρὸς τὸν ∆ία<br />
ἐκπεπολέμωται. τότεγὰρ οἱ κεραυνοὶ καὶ οἱ σκηπτοὶ γίνονται καὶ εἴ τι ἄλλο τοιοῦτον τῷ<br />
αἰθέριἐπιπροσθοῦν. διὸ καλῶς ἂν μήτηρ τοῦ τοιούτου οὐρανίου Ἡφαίστου τοῦ,<br />
ὡςἐρρέθη, χωλοῦ ἡ Ἥρα κατὰ μόνας λέγοιτο καὶ μόνη τεκεῖν αὐτόν, καθά τινεςτῶν<br />
μυθογράφων φασίν, ὡς αὐτὴ αἰτία οὖσα τῆς τῶν τοιούτων ἐν μετεώρῳπαθῶν γενέσεως.<br />
ἀστεῖοι δὲ ὁμοίως καὶ οἱ μὴ τῆς Ἥρας μόνης υἱὸν αὐτὸνποιοῦντες, ἀλλὰ ὁμοῦ μὲν Ἥρας<br />
καὶ ∆ιός, πλὴν ἀπὸ κλεψιγαμίας, ὅτε «φίλουςλήθοντε τοκῆας» εἰς εὐνὴν ἐφοίτων.<br />
κλέπτουσι γάρ πως τὰ τοιαῦτα πάθη τὸγίνεσθαι καὶ οὐ παρρησιάζονται τὴν φυσικὴν ἀεὶ<br />
γένεσιν. Ἐπεὶ δὲ χωλὸς καὶ ὁλοιπὸς τῆς ἀλληγορίας Ἥφαιστος, τὸ περὶ γῆν δηλονότι,<br />
ὡς ἐρρέθη, πῦρ,ἀστείως ἂν καὶ τούτου μήτηρ ἡ αὐτὴ ὁμοίως Ἥρα λέγοιτο. ἐξ ἀέρος<br />
γὰρἀληθῶς καὶ ὁ τοιοῦτος Ἥφαιστος, οὐ μόνον διότι ἡ φλὸξ ἀήρ ἐστιν ἐξαφθείς,ἀλλὰ<br />
καὶ ὅτι τὴν ἀρχὴν ἔοικεν εἰς γῆν ἄνωθέν ποθεν ἐλθεῖν ἢ κεραυνοῦ ὡς<br />
εἰκὸςκατενεχθέντος καὶ ξύλῳ ἐνσκήψαντος καὶ οὕτως ἀρχήν τινα καὶ σπέρμα<br />
πυρὸςἐνδόντος ἀνθρώποις ἢ καὶ διά τινος μηχανῆς πυρὸς ἐξ ἀέρος κατενεχθέντος,ὁποῖα<br />
καὶ τὰ διὰ λίθων, κρυστάλλων καὶ ὑέλων ἐξαπτόμενα. καὶ τὰ πυρεῖα δὲτῇ τοῦ μεταξὺ<br />
ἀέρος ἐκπυρώσει ἐκφαίνουσι πῦρ· καὶ ξύλον δὲ σιδήρῳ συχνὰπροστριβόμενον ἢ καὶ<br />
ξύλον ξύλῳ ἐξεπύρωσε τὸ μεσολαβοῦν τοῦ ἀέρος καὶ πῦρἄφαντον ἔφηνε. καὶ οὕτως<br />
Ἥρας υἱὸς ὁ χωλὸς Ἥφαιστος ὅ τε οὐράνιος ἄνω καὶ κάτω ὁ περὶ γῆν· εἰ δὲ βούλει σὺν<br />
τῇ Ἥρᾳ καὶ ∆ιὸς διὰ τὴν ἄνωθεν ἐκμετεώρου κατένεξιν, ὡς εἶναι διὰ ταῦτα τὸν μὲν<br />
ὑπερβολικὸν Ἥφαιστον φίλονἭρᾳ μᾶλλον ἤπερ ∆ιΐ, τὸν δὲ εὔκρατον τὸν στοιχειακὸν<br />
∆ιῒ μᾶλλον ἤπερ τῇἭρᾳ πεφιλιῶσθαι. Ὅλως δέ, ἵνα τὰ μακρὰ τῆς ἀλληγορίας ἐπιτμηθῇ<br />
τῆς ἤδη διὰ πλειόνων ἐκτεθείσης, Ἥφαιστός ἐστιν ἢ ἡ ἁπλῶς θερμότης ἢ ἡ καθ'<br />
ὑπερβολὴνκαὶ καυστική. τούτων δὲ ἡ μὲν ἁπλῶς θερμότης φιλίαν τε μεσιτεύει τῷ ∆ιῒ<br />
καὶτῇ Ἥρᾳ καὶ θεοῖς οἰνοχοεῖ καὶ τῶν ἄνω οὐκ ἀπολείπεται. ἡ δὲ καθ' ὑπερβολὴνκαὶ<br />
καυστική, ἀλλ' αὕτη χωλή τέ ἐστιν ἀεί, ὡς προείρηται, καὶ ἄνωθεν κάτωῥίπτεται. διὸ<br />
οὔτε μόνον οὐρανία ἐστὶν οὔτε μόνον χθονία, ἀλλὰ καὶ περὶ γῆν διὰτὴν ἐξ ἀνθρώπων<br />
χρῆσιν αὐτοῦ καὶ διὰ τὰς πολλαχοῦ ἀναδόσεις τῶν αὐτομάτωνθερμοτήτων, καὶ οὐρανία<br />
δὲ διὰ τὰς τῶν ἀστραπῶν γενέσεις καὶ τῶν κεραυνῶνκαὶ τῶν τοιούτων μετεώρων<br />
παθῶν. ἔστι δ' ὅτε ἡ αὐτὴ καὶ ἄμφω κατὰ ταὐτὸνἄνω μὲν γενομένη, κάτω δὲ ἐνεχθεῖσα<br />
καὶ τῷ ἀξιολόγῳ τῆς ὕλης ἐξαρκέσασαἕως καὶ εἰς γῆν. (ῃ. 572) Ὅτι ἐπίηρα παρὰ τοῖς<br />
νεωτέροις τὰ ἐπιθυμητὰ παρὰτὸ ἐρᾶν, ὡς ἀπὸ εὐθείας τῆς τὸ ἐπίηρον. οἱ δὲ παλαιοὶ<br />
Ερευνητικό έργο: ∆ΡΟΜΟΙ ΤΗΣ ΠΙΣΤΗΣ – ΨΗΦΙΑΚΗ ΠΑΤΡΟΛΟΓΙΑ. Εργαστήριο ∆ιαχείρισης Πολιτισµικής Κληρονοµιάς, www.aegean.gr/culturaltec/chmlab.<br />
Χρηµατοδότηση: ΚΠ Interreg ΙΙΙΑ (ETΠΑ 75%, Εθν. πόροι 25%). Πανεπιστήµιο Αιγαίου, Τµήµα Πολιτισµικής Τεχνολογίας και Επικοινωνίας, © 2006.<br />
Επιτρέπεται η ελεύθερη χρήση του υλικού µε αναφορά στην πηγή προέλευσής του.<br />
149