klikoni këtu. - Ministria e Bujqesise, Ushqimit dhe Mbrojtjes se ...

Dhe në përfundim të këtij shkrimi, nuk mund të lemë pa përmendur dhe autorin e Librit
“Agroturizmi”, Dhori Laci, që e trajton këtë temë.
Autori në datën 20 korrik të vitit 2011 ka mbushur plot 100 vjeç.
Ka një jetë aktive që nga mbarimi i Universitetit Aristotelian në Selanik, 1936, një nga
themeluesit e Institutit të Zooteknisë në Xhafzotaj, menjëherë pas mbarimit të studimeve,
inspektor i Bujqësisë në Kosovë në vitet e luftës, pjesëmarrës në luftën antifashiste,
punonjës dhe drejtues në dikasterin e Bujqësisë dhe të Mbrojtjes, dhe së fundi në shtëpinë
e Propagandës Bujqësore.
Është shquar dhe si përkthyes i talentuar, nga përkthimet e tij do të veçojmë : Kultivimi
Modern i Misrit, në dy volume, që ishte vërtet një përkthim mjeshtëror mbasi duhet të
përballonte dhe pjesën fiziologjike dhe të biokimike të kësaj bime që klasifikohet si bimë
C4.
Ka pasur interesa deri dhe në studimet albanologjike dhe të prejardhjes ilirike të
shqiptarëve ku ka ndërhyrë me shumë kompetencë edhe në sajë të zotërimit edhe të
greqishtes së vjetër.
Ministria e Bujqësisë, Ushqimit dhe Mbrojtjes të Konsumatorit, në bashkëpunim me
shoqatën Atdhetare, Kulturore, “Devolli”, organizoi një ceremoni me këtë rast, me
pjesëmarrjen e shumë brezave të specialistëve, nga i gjithë vendi.
Dhe ky libër që cituam me këtë rast i përfunduar nga autori kohët e fundit flet më së miri
për angazhimin e tij.
Histori dhe jo anektoda
Fshati Bozhigrad në Korçë. i kishte rezistuar shumë presionit për të hyrë në
familjen e madhe, socialiste, kooperativiste.
Kishte dhe një domethënie që lidhej me mbështetjen që i kishte dhënë ballit,
gjë që shprehet dhe në këngën labe:
“Shqipërisë ç’ i ndihu fati
Që kur u bë Ballë Dukati,
Salari dhe Lazarati,
dhe në Korçë, Bozhigradi.”
Në situatën tejet të tensionuar, hapet lajmi se ka vdekur një bashkëfshatar që
kishte kundërshtuar shumë futjen në kooperativë.
Kuptohet në ceremoninë e përcjelljes, do të mbante fjalimin e lamtumirës
Kryetari i Frontit Demokratik;
Midis të tjerave, gjoja duke fshirë dhe lotët, mbasi qepët e Bozhigradit të
detyrojnë të lotosh, thotë:
O bre Raqkë, ce bre vdiqe kaq shpejt, pa firmosur lutjen për në kooperativë.
85