klikoni këtu. - Ministria e Bujqesise, Ushqimit dhe Mbrojtjes se ...

DISA RRJESHTA NGA AUTORI
Në vend të hyrjes, një adresim për të gjithë, fshatarët, katundarët, tashmë të konvertuar në
fermerë
Do ta filloja me një thënie të marre nga Gazeta Prestigjioze, The Guardian, shkruar nga
analisti George Monbiot: Fshatarët janë të nëmur si nga regjimi komunist,
po ashtu dhe nga ai Kapitalist...
Në hyrje të këtij libri, u jam referuar shumë thënieve të Balzakut, nga
Romani i tij FSHATARËT pjesë e “Komedisë Njerëzore”.
Po aty del qartë dhe përgjigja e tij për thënien apo për aludimin e Karl
Marksit, për idiotizmin e jetës fshatare. Dhe përgjigja ndaj tij është
shumë e qartë dhe e prerë:
Ehu, ne fshatarët jemi aq hajvanë , sa më në fund arrijmë të kuptojmë
dhe kafshët.
Më qartë nuk ka se si thuhet!
Libri nuk është as më shumë dhe as më pak së një kartolinë për
katundarin, fshatarin, fermerin, pse jo dhe qytetarin, sheherliun e
kasabasë, si për atë që është thjesht konsumator, por dhe për atë që
ndonëse në një sipërfaqe të kufizuar në oborrin e shtëpisë apo në
ballkon, me vazot e luleve, erëzave, disa perime, arrin të diktoj hallet e
prodhuesit në rrethina të qytetit, por dhe më larg.
Një obligim i imi për profesionin dhe origjinën time, për t’ju përgjigjur
fisnikërisë së fshatarit, duke i mbetur gjithnjë borxhli.
Duke shpresuar në vazhdimësinë e këtij botimi, vit pas viti, dua
të them se ka qenë ngacmimi nga revista prestigjioze,
“FARMERS’ ALMANAC” , numri i parë daton në vitin 1818.
Me këtë rast do të përcjellë shkurtimisht disa mesazhe nga një
botues i kësaj reviste, Lucas Mcfadden;
9