klikoni këtu. - Ministria e Bujqesise, Ushqimit dhe Mbrojtjes se ...

PARATHËNIE
Brezat në vazhdimësi do ti jenë mirënjohës autorit
Filozofi Wundit, në librin e tij mbi psikologjinë e kombeve thotë: se
brezat e qytetërimit të sotëm, pavarësisht zhvillimeve, në bazën e
ekonomisë së tyre do të jenë bujqësia, blegtoria, zejtaria dhe turizmi.
Në kushtet e sotme, nuk na mundësohet një zhvillim i çfarëdoshëm, por
kërkohet që të jemi të saktë, të qartë dhe të suksesshëm. Por, që të jesh i
suksesshëm duhet të jesh i mirë-informuar, i mirë - organizuar dhe i mirëfinancuar.
Nisma që autori ka ndërmarrë, për të nxjerrë në dritë Almanakun e
fermerit shqiptar, është një risi, një iniciativë mjaft kuptimplote dhe që
vjen në dorën e lexuesit, bash në kohën e duhur.
Më 1 Tetor të vitit 1921, në Vlorë, doli numri i parë i revistës “Bagëti e
bujqësi”. Roli i kësaj reviste për rreth 88 vjet (pavarësisht nga
modifikimet dhe përshtatjet që iu bënë në titull), është i
pakrahasueshëm, pasi mijëra specialistë të fushës së bujqësisë patën
mundësinë të botojnë gjithë çfarë ata menduan që i vlente zhvillimit të
bujqësisë shqiptare.
Vendi ynë, edhe në të ardhmen do të vazhdojë të mbetet vetëm një vend
bujqësor. Për këtë arsye, nevojitet një vëmendje gjithnjë e më e madhe
ndaj këtij sektori, i cili kontribuon e do të vazhdojë të kontribuojë si në
përmirësimin e jetës dhe të dietës së banorëve të këtij vendi, ashtu edhe në
sigurimin e të ardhurave.
Njohja e traditës mijëra vjeçare, bashkë me gjithë ato që ofron
përditësimi do të jenë një pasuri jo vetëm për bujqësinë, por dhe për fusha
të tjera të jetës në vendin tonë.
Vullneti, aftësia profesionale dhe sinqeriteti, janë disa prej tipareve që
spikasin dukshëm tek ideatori dhe realizuesi i kësaj iniciative me vlera të
veçanta: zotit Idriz XHOMARA.
7