klikoni këtu. - Ministria e Bujqesise, Ushqimit dhe Mbrojtjes se ...

U hull mjegulla Drinit;
Ore lale,
Erdhën muajt e dimnit;
Ore lale;
As më shumë dhe as më pak se një paralajmërim për fillimin e
shtegtimit duke numëruar ditët deri në fillimin e pranverës kur
do të ktheheshin nga shtegtimi tufa, dhe bashkë me të dhe burri.
“…. Sipas të dhënave dokumentare, disa fise në Shqipërinë e Jugut
merreshin kryesisht me blegtori dhe bënin një jetë nomade, duke
lëvizur sipas nevojave të bagëtisë për kullotë. Si të tilla fise
nomade përmenden malekasët, që jetonin në pjesën malore të
Janinës, fshatrat malore të Kolonjës e të Devollit e ndonjë tjetër.
Katundet, në kuptimin vërtetë të fjalës, kanë qenë në këta shekuj
shumë të kufizuar në numër dhe popullsia që merrej me blegtori
zinte një përqindje fare të parëndësishme në numrin e
përgjithshëm.
Profesor Aleks Buda ka shprehur mendimin se këto popullsi,
ndonëse të vogla në numër, përbënin një kërcënim të përhershëm
për perandorinë bizantine. Ata ishin në lëvizje, në kërkim të
kullotave, nuk u nënshtroheshin ligjeve të Perandorisë dhe me
vështirësi paguanin taksat. meqë ata përbënin një rrezik të
vazhdueshëm për perandorinë, ka mundësi që dukuria të jetë
përgjithësuar e t’u jetë veshur gjithë shqiptarëve.
Studiuesi Alen Dyselie ka shprehur mendimin se fiset që në
shekujt e mesjetës, përmenden si nomadë, janë shpërngulur me
dhunë nga trojet e tyre dhe bëjnë një jetë nomade të përkohshme,
derisa të gjejnë një vend të përshtatshëm për tu stabilizuar përsëri.
...Blegtorët e këtyre zonave që kishin si aktivitet parësor blegtorinë,
kishin të siguruar kullotat verore por u mungonin ato dimërore.
për këtë arsye ata detyroheshin të kryenin shtegtime stinore. Duke
qenë se tufat ishin relativisht të mëdha, prapa tyre formoheshin
karvanë të gjata me kafshë që transportonin shtresat e mbulesat e
barinjve, enët e përpunimit të bulmetit, ushqimet etj.
28