klikoni këtu. - Ministria e Bujqesise, Ushqimit dhe Mbrojtjes se ...

OPINIONE
Prof. Dr. Resmi Osmani
Në traditën e botimeve bujqësore, zakonisht shkruhen manuale, libra didaktike,
monografi etj.
Por në këtë rast, Autori i është shmangur kësaj tradite, ashtu si dhe në librin, “Druri i
bukës dhe Historisë, Gështenja, një libër enciklopedik ku gërshetohet tradita bujqësore
me historinë, zakonet dhe besimet, edhe në librin që paraqitet tashmë para lexuesit,
“Almanaku i Fermerit Shqiptar”, ka një gjetje të veçantë dhe origjinale.
Almanakët, si gjini janë botime të përvitshme apo periodike, me shkrime të fushave të
larmishme për fusha të caktuara.
Në botimet e bujqësisë shqiptare nuk janë praktikuar, kam mendimin që Idriz Xhomara
është nismëtari. Kompozimi dhe përmbajtja e almanakut janë interesantë. Është ndërtuar
mbi bazën e muajve që fillon me shtatorin, vjeshta e parë dhe mbaron me gushtin. Secili
nga muajt ka përmbledhur ose përmbyllur lëndë përmbajtjesore me diversitet, që i
takojnë atij muaji ose jo. Lexuesi gjen shpjegime si për kalendarin, për stinët,
astronominë, klimën, kohëzgjatja e ndriçimit diellor, kualitetin e ujit për ujitje, tema të
diskutueshme siç është ajo e Manipulimit gjenetik, agroturizmin si një eksport Brenda
vendit, kopshtin e kuzhinës dhe diçka për kulinarin dhe traditën sipas zonave, shtegtimin
apo nomadizmin.
Bëhet përpjekje për të prezantuar, ndonëse jo plotësisht kalendari i festave pagane, ritet
dhe zakonet që lidhen me to.
Nuk dua të paraqes më tej pasurinë e këtij Almanaku se kështu do t’ia hiqja lexuesit
kërshërinë.
Për një gjë jam i sigurt: Sapo të lexoni “Almanakun” do tu lind dëshira për të mos u
shkëputur prej tij, pasi do të doni të dini sa më parë se çfarë të fshehta fshihen për ju për
muajin pasardhës.
Nuk do të mungojnë dhe anektodat që nuk janë vetëm për çlodhje por më shumë janë
frutë i urtësisë dhe shprehjes së filozofisë popullore.
Në përfundim, dua të vë në dukje se almanakët mund të jenë të shumtë dhe të larmishëm.
Autori zgjodhi këtë rrugë për tu adresuar fermerëve, me tematikë të larmishme dhe
enciklopedike, por ai ka meritën që është i pari që hapi rrugën për këtë lloji botimi për
universin bujqësor, dhe për ketë ai duhet përgëzuar.
U takon autorëve të tjerë ta çojnë më tej këtë nismë, pasi problematikat që trajtohen, janë
aq të shumta sa dhe të larmishme për të mos thënë të pafundme.
Tiranë, Shkurt 2012
Mexhit Bajrami, Funar, Elbasan
163