klikoni këtu. - Ministria e Bujqesise, Ushqimit dhe Mbrojtjes se ...

Ndërkohë, me dashamirësi ngrihet një nga anëtarët e kryesisë, kishte mbaruar Shkollën e
Mesme me të gjitha notat dhjeta, (kuptohet ishte magazinier) dhe kërkon ndryshimin e
masës së dënimit;
-Nisur nga hallet dhe numri i madh i kalamajve, kërkoj të mos dënohet me ¼ e pagës ,
por me ½.
Ekipi i revizionimit të rrethit ra plotësisht dakord.
Edhe nga një koleg i imi, (H. H), ish K/Agronom në Kutë, Mallakastër, në atë kohë bënte
pjesë në rrethin e Fierit:
Pas rutinës së përditshme, zgjimi në orën 5, as që bëhej fjala për mëngjesin për ne
jabanxhinjtë, nga një brigadë në tjetrën, në pritje të drekës nëse do të arrinim të kapnim
ndonjë mensë ku kishte mbetur diçka, më njoftuan se do të vinte në Çorrush, K/Ministri,
Mehmet Shehu.
Ndonëse nuk dinim asnjë detaj për qëllimin e vizitës, gjithsesi u mundova të
përqendrohem duke supozuar ose imagjinuar, kërkesat e tij që kanë qenë gjithnjë të
paparashikueshme.
Pa na dhënë dorën, më kërkoj se përse nuk zbatohej direktiva për të mbjellë dhe
shfrytëzuar tokën nën ullishte me grurë.
Bëra përpjekje ti shpjegoj se graminoret me një sistem rrënjor të cektë e konkurrojnë
ullirin si për elementët ushqimor dhe aq me tepër i marrin lagështinë. Ndryshon puna i
them për leguminozet, bishtajoret, fasule, bathë apo çfarëdo qoftë tjetër.
Nuk më foli dhe pas një pauze, kuptohet që ishte informuar se isha nga Dukati, ku ai
ruante dhe një histori jo të këndshme në përpjekjet me Ballin, më thotë: Ju dukatasit jeni
shumë ngatërrestarë.
Në një moment tjetër, një debat me Pirro Dodbibën, Ministër i Bujqësisë. Problemi ishte
për tokat e kripura, ku me gjithë investimet me kosto të lartë, në disa raste nuk merrnim
as farën. Nuk insistoj shumë se e kishte parandier se dhe largimi i tij do të kishte sebep
dështimin për politikat e ndjekura për tokat e kripura.
Të një natyre tjetër, që krijonin dhe një thyerje, ka qenë takimi me krijues, të cilët i kisha
njohur në distancë.
Me Jakov Xoxen, në Greshicë:
i drejtohem duke i thënë se çfarë deshi Juga e Bardhë këtu, apo që të thaj Lumin e
Vdekur, dhe të çelet Lulja e Kripës, kripthi në zhargonin popullor të zonës. (Juga e
bardhë, Lumi i Vdekur dhe Lulja e Kripës, janë titujt e disa prej veprave të Jakov Xoxes).
Më tha se do të përgjigjem kur të vij herën tjetër.
Po kështu mbresëlënëse kanë qenë takimet dhe kafetë me poetin Agim Shehu dhe
dramaturgun e regjisorin Pëllumb Kulla.
162