klikoni këtu. - Ministria e Bujqesise, Ushqimit dhe Mbrojtjes se ...

Qellimi: Zbatimi i displines te planit. Realisht kishim raportuar perfundimin e mbjelljeve
te praneveres paçka e dinim se kishin mbetura te pa vena nen kulture rreth 15-16 dynym,
boka, rrokzena ne veri, skerka, ne Jug, ku as meli nuk rritej.
E dinim se do te pasqyrohej ne raportin e tyre per te justifikuar dhe sherbimin, nga ky
raport une dhe Kryetari, morem vrejtje me paralajmerim. Kur lexoj konkluzionin dhe
masen e denimit, Kryetari i Rrethit te asaj kohe, punetor dhe energjik, Vaso Pano, nuk e
maskoj qeshjen e tij, por çfare do ti thonte ekipit qe kishte mbrritur dhe do ta trumbetonte
kete “zbulim”.
……sapo kisha mbërritur në punë, ora 6 e mëngjesit, njoftohem se atë ditë do të vijë
Sekretari i Parë i rrethit. Kërkohej përveç të tjerave që Udhëheqësi i Partisë së rrethit
të gjente dhe plehërim të lëngëzuar të misrit.
Dërguam dy karroca me pleh nga stalla më e afërt, edhe aty duke përdorur autoritetin e
ardhjes së Sekretarit të Parë. Por duke llogaritur se ato ishin krejt të pamjaftueshme,
porosisim që të mos filloj lëngëzimi para se të diktohej makina e tij. Dhe kështu u bë. Më
vonë mora dhe një falënderim. Kjo më kujton dhe sot thënien e një kolegu që nuk jeton
sot, Lutfi Bajrami, që kishte të njëjtën porosi por për Sarandën, aso kohe e bashkuar me
Delvinën. Kolegu i nderuar kishte dhe kurajën për ta kundërshtuar këtë situatë që
përmenda më lartë dhe u thotë: Kjo është e njëjta sikur të hidhnim një thes me sheqer tek
Syri i Kaltër, dhe tu thoshim të gjithë sarandjotëve, ejani të pini sherbet tek Kanali i
Çukës .
Po atë ditë duhej të kishim kujdes për zbatimin e Urdhrit të Ministrisë së Bujqësisë që
ndalohej përdorimi i kombajnave, për shirje stacionere, në lëmë.
Udhëheqësi i Partisë në Mat i ardhur nga Myzeqeja nuk mund ta toleronte këtë rast.
Pak ditë para festës së shumëpritur të vitit të ri sidomos nga fëmijët.
Mbledhje urgjentë në Shtabin e Rrethit, në Klos, (që për ne të zonave jo të lidhura me
Klosin) nuk e dinim se ku mund ta kalonim natën).
Urdhri i prerë për të gjithë ata që nuk kanë raportuar përfundimin e mbjelljes së grurit,
sonte për gjithë natën bashkë me traktoristët të shfrytëzohet ngrica, për mbjelljen e grurit
me disqe. Kisha llogaritur të kaloja një natë tek shtëpia e një shoku tim në Klos, aso kohe
dhe Kryetar Kooperative, edhe deputet i Kuvendit Popullor, por kuptohet që shoku im
nuk mund ta merrte përgjegjësinë e strehimit tim në shtëpinë e tij.
Sekretari i Parë, kishte kërkuar dhe ndihmën e Institutit të Lushnjës, duke marrë
pas vetes një “shkencëtar të madh”.
Që në aktivin e parë ai rekomandoi të bëhej prashitje e grurit, (kuptohet ishte ngricë deri
në thellësi që ja kalonte thellësisë së shtrirjes së sistemit rrënjor të grurit) dhe të bëhej një
plehërim në koperturë, në sipërfaqe, me pleh dhish, superfosfat, gëlqere dhe hi zjarri. Pa
llogaritur vështirësitë e për sigurimin e tyre, mjafton vetëm të themi se barinjtë kishin
rezistencë për të marrë plehun e dhive mbasi parashikoheshin dështime masive, ne
specialistët e Matit, i sugjeruam ta ndryshonte formulën, mbasi gruri nuk mund ta marri
157