klikoni këtu. - Ministria e Bujqesise, Ushqimit dhe Mbrojtjes se ...

Vllaja, lehe, pjese të shtratit, farishtes për prodhimin e fidanëve, rasatit.
Vresht - jo vetëm si taksonomi e klasifikimit të tokës, por dhe si referencë për
mbledhjen e taksave gjatë pushtimit osman. Toponimi, Vresht, vneshtë apo veshtë, zë
një pjesë të madhe të toponomastikës në vendin tonë me shumë vlera në kuptimin e
njohjes së historive të komuniteteve dhe të traditës së bujqësisë dhe vreshtarisë.
Vërri - Sa vrre ke për gjënë e gjallë (kuptohet blegtoria), për ti nxjerre nga dimri?. Prej
këtej origjinon dhe folja me vrris, ai ke vrris sot bagëtinë apo jo në kthim nga dimërimi,
jo vetëm kullotën por dhe bazën ushqimore për kafshët e transportit, që do të shoqëronin
gjithnjë tufën, bujtësi do të përgjigjeshin me qengja apo qumësht, mbasi delet dhe deshët
ishin tej mase të dobësuar, të ligët, ligsht. Mund të konsiderohet dhe si ekuivalent i fjalës
zahire.
Zabeli, një nënndarje e vatanit, bashtinës, me synim kryesisht për drutë e zjarrit për
dimër, materialin e ndërtimit për shtëpinë e re, mjedis për pushimin e bagëtive në
mesditë, mriz, Ku mërzen cjapi me zile, Poezi e Naim Frashërit, nga Bagëti e Bujqësia,
(Mrizi i Zanave, At Gjergj Fishta).
Zahire - Pjesa e prodhimeve, bulmetit dhe ushqimeve të tjera të lëna mënjanë për dimër,
të përgatitura me teknologji të ndryshme sipas zonave dhe traditave.
Zarzavate - e origjinuar nga sllavishtja, zarzavti, perime, siç kanë origjinuar nga gjuhët e
tjera: domate-mollatarte, nga italishtja pomo d’oro, patate, kërtollë, nga kartofel, sllavisht
dhe rusisht, kastravec- kastravsti (edhe në rumanisht).
Yshmeri- Tepelene - Salari-Progonat-Gryka e Këlcyrës- një gatim me shumë petë që
piqen më vete. Këto të gjitha pas pjekjes zbuten në ujë të ngrohtë me kripë dhe gjalpë të
shkrirë.
Shenim: Pasuria gjuhesore dhe frazeologjike pa llogarituar aspektin figurativ dhe
lakonizmat eshte shume e madhe, dhe ne kete botim vetem sa ceken keto pasuri.
Njësitë matëse tradicionale të përdorura ndër kohëra 19
19 Pavarësisht se janë shfrytëzuar shumë dokumente që flasin dhe për këto njësi që janë dhe trashëgimi
kulturore, nuk duhet të kërkohet një unifikim i tyre. Ndryshe nga disa vende, Amerika e veriut, Anglia,
Irlanda, që kanë rezistuar shumë në mos ndryshimin e sistemit të matjes, tek ne i është hapur rrugë sistemit
metrik, por nuk ekziston akoma një shpjegues se si do të konvertohen këto njësi.
Më shumë e kanë ndjerë institucionet e kthimit të pronave, mbasi atyre u prezantohen dokumente të kohëve
të ndryshme dhe me sisteme të ndryshme.
Prandaj dhe nuk kemi dashur të bëjmë konvertimet, për t’ia lënë lexuesit për të kontribuar ai vetë.
153