klikoni këtu. - Ministria e Bujqesise, Ushqimit dhe Mbrojtjes se ...

Officinalis-i dobishëm, shpesh nënkupton dhe bimët mjekësore,
medicinalis, tanifere, erëza, etj. ndeshet në emërtimet binomiale, të dyfishta të
bimëve, për shumë specie bimësh.
Papërdhok - një masë dheu bashkë me gurë aq sa mund të mbërtheje
pëllëmba e dorës, për të goditur apo për të sinjalizuar dikë.
Pastërma – një traditë e kahershme e këtyre zonave për përgatitjen e
mishit të thatë, pastërmasë, duke përfituar dhe nga kushtet e motit dhe nga
kualiteti i bagëtive, mishin e të cilës do të përdornin për këtë qëllim. Kjo
edhe në mungesë totale të teknologjisë për ruajtje, kishte për qëllim
kohëzgjatjen e përdorimit të mishit deri në vjeshtën e vitit të ardhshëm, duke
tejkaluar apo zbutur sado pak periudhën Shkurt-Mars-Prill, kur bagëtitë e
sapodala nga dimri pothuajse nuk mund të konsumoheshin.
Ka një larmi të madhe të traditave në këto zona për përgatitjen e pastërmasë,
mishit të thatë. Shoqërohej zakonisht me fasule duke formuar një binom të
pandashëm.
Përshesh i grurit, kulaç, gjellë tradicionale, nga thërrmimi i kulaçit që
njomej në lëngun e mishit apo të pulës, gjeldetit në disa zona, e shoqëruar
me erëza, zorrët e holla të skuqura dhe hudhër e grirë.
Petanik - gatim karakteristik sidomos në zonën e Devollit dhe Korçës. Si
përbërës ka qenë dhe fasulja pllaqi.
Picrra, shkëndija që nxjerrë zjarri me dru gështenje; dru që
pavarësisht nga polivalenca e tij për ushqim, material ndërtimi
përgjithësisht nuk ka vlera kalorifike.
Pllojse-rast poliembrionie kur fruti, akeni është i ndarë në dy
fruta, karakteristike sidomos për gështenjën.
Rava, e dëborës, gjurmët e rrugës së përshkuar nga dikush më parë,
shfrytëzohen nga malësoret jo vetëm për të lehtësuar udhëtimin, por dhe për
tu garantuar, për të mos u gabuar, për drejtimin.
Rreshpë - Për të zbuluar kullotën, mexane, e mbuluar nga dëbora, blegtorët,
sajonin një formë afërsisht si të shtrimit të sixhadesë, qylymit; rreshpja
merrte me vete borën deri aty ku mendohej ose ishte llogaritur nga i zoti i
shtëpisë. Afërsisht është një formë orteku por e drejtuar.
149