klikoni këtu. - Ministria e Bujqesise, Ushqimit dhe Mbrojtjes se ...

Pavarësisht nga kjo marrëdhënie, që shprehej se: “sa punëtorë më detyrohesh”, kishte një
merak të veçantë. Jepeshin tre vakte, Silla (mëngjesi), dreka dhe zemra. Duke qenë se
familjet ishin të afërta me njëra tjetrën, nuk praktikohej darka, ndonëse u bëhej thirrje
që të rrinin dhe për darkë.
Bashtina, prona në një kuptim më të gjerë është vatani. Mund të jetë dhe sinonim i
kopshtit dhe bahçes për rreth shtëpisë …… me ara e bashtina, ndër shoqet ke kanë ma e
mira….. Pashko Vasa
Bidadi i derrave - një lloj takse e kësaj periudhe kohore, shek. XV-XVI
Bjeshkë - Ka shumë shpjegime për etimologjinë e kësaj. P.sh. Bjeshkët e Namuna,
Prokletie, në sllavisht, Cursed Meadows (angl.), është e njohur anë e kënd Shqipërisë,
kënga, O moj bjeshkët e Korabit. Logu i Bjeshkëve: Festë tradicionale dhe karakteristike
në Vermosh, në skenografinë e Bjeshkëve të Namuna, Jezercës me majën e Hekurave.
Veprimtaria zhvillohet në muajin gusht. Në këtë veprimtari ku nuk mungojnë dhe garat
me kuaj, organizohet gara tradicionale për marrjen e flamurit, dhe veprimtaria me
interesante është Miss Logu i Bjeshkëve, që daton më shumë se një shekull më parë.
Batalle - Toke batall, tokë pa zot;
Boçe, në disa raste është përdorur dhe fjala zhguall, është transformim i lules
femërore ku brenda së cilës kanë “shtëpizën” e tyre, 2-3-4, dhe nga njëherë deri në 7
fruta gështenje.
Bollgur, në disa zona, grurë i coptuar në mokër, (jo i bluar), është dhe zahire për dimër,
ashure, grurë i coptuar me niseshte.
Bora, një nga format e reshjeve, uji në magazinë, thoshte Virgjili, agronomi i parë i
Romës, temperatura nën mbulesën e bardhësisë së borës është 4 Gradë C më shumë se në
sipërfaqe duke favorizuar shumë rritjen sidomos të lashtave. Bashkë me ngricat ka
ndikim të madh në përmirësimin e cilësive fizike të tokës; që do të thotë në uljen e peshës
specifike dhe rritje së peshës volumetrike të saj.
“Bardhësia e dëborës dhe trashësia e akullit, zhduk kufijtë fshat-qytet, ose i heq “petët
lakrorit të atij qytetari që nuk e meriton këtë ose e ofendon këtë emërtim, që trembet
nga Dëbora dhe i lutet zotit të mos bjerë më. Ai as arrin ta kuptoj që Dëbora, është
mesazh i zotit dhe lum kush ka aftësinë ta deshifroj. “Rifat Mula, drejtor i
Bujqësisë së rrethit të Hasit, djalë i fshatit Dobrunjë.
Bornajë: 16 Mund ekuivalentohet me fjalën lera, për shkrirjen e dëborës dhe
ruajtjen e saj në zona me pak mundësi uji të pijshëm apo për bagëtitë.
16 Duhet të jetë një pararendëse e lerave që aplikohen dhe sot për grumbullimin e ujit në masivet malore që
potenciale por që vuajnë nga mungesa e ujit në kullotat verore.
140