klikoni këtu. - Ministria e Bujqesise, Ushqimit dhe Mbrojtjes se ...

Sidomos në rastin e gjysmë së hënës, është përdorur dhe për parashikim popullor të
motit: Kur hëna ishte me kurriz, mendohej se pritej thatësire, dhe e kundërta, kur ishte me
bark, pritej shi, kuptohet në verë tejet i mirëpritur.
Prognozomi, parashikimi i motit, ka shenja ose elementë që variojnë nga një zonë në
tjetrën: Shfaqja e mjegullës në majat e maleve, ishte shenjë e sigurt për shi, fluturimi ulët
i zogjve, shtegtimi i shpendëve sidomos patave të egra, zhveshja e plepave në pjesën e
poshtme, parashikonte dimër të ashpër; etj.
Ngjyrosja ose pigmentimi i gjetheve të drurëve të ndryshëm në fund të vjeshtës, ose në
prag të dimrit, lidhet më shumë me reagimet ose kundërveprimin i bimës ndaj kushteve të
motit dhe jo shumë është një sinjal për prognozimin e situatës në ditët që do të vijnë më
pas.
Tashmë këto prognoza jo se nuk janë të besueshme, ose se duhet të injorohen, por me
ndryshimet ekologjike shumë dinamike, nuk përbëjnë ndonjë bazë për tu marrë parasysh.
Gjithsesi këto rekomandime të mbërritura nga përvoja popullore, janë pjesë e
trashëgimisë kulturore, por janë disi të diskutueshme.
Akoma më shumë të diskutueshme janë dhe rekomandimet sipas zodiakut, horoskopit, që
për arsye të ndryshme nuk janë inkorporuar në trashëgiminë popullore të Universit
Shqiptar, që përmendëm më lartë.
Në numrat e ardhshëm, 2013, 2014, 2015 dhe në vazhdim, lexuesit do të sjellin shumë
prurje të reja lidhur me këtë temë.
Bereqet, bereqetli – Kërkohej që i pari nga ata që ishin thirrur për të kontribuar në
lërimin, plugimin, prashitjen etj. të arës, të shkelnin tokën, të ishin disa përfaqësues
të familjeve që tradicionalisht kanë arritur të kenë, bereqet në vatanin e tyre.
Nëse nuk realizohej kjo, pasiguria apo dyshimi për prodhimin, bereqetin që do të
futej në hambar, do ti shoqëronte deri në fund.
Dita e Zojës - 22 Mars, sipas mitologjisë, të zonjat e shtëpisë, duke qenë përgjegjëset
kryesore të kopshtit të perimeve, duhet të hidhnin disa fara në tokë që mund të ishin sipas
zonave: misër, fasule, kungull, mel. etj.
Almanaku bashkëbisedon me fermerin nëpërmjet
një fjalorthi, ose më saktë në gjuhën e tij
Albus – I bardhë, Morus alba, man i bardhë etj. nigra i zi;
Alpe, alpet, alpine, Alpinizmi, flora dhe fauna alpine, klima alpine, batalioni alpin (ushtri), Alpages, fr.
Alpet janë vargmale në Evropën Jugore. Nga kufiri Francë-Itali, duke përfshirë dhe një
pjesë të madhe të Zvicrës, të Italisë së Veriut, Gjermanisë Jugore, Austrisë dhe duke
vazhduar në brigjet e Adriatikut. Shtrihen në një gjatësi 1088 km duke u shtrirë në një
sipërfaqe prej 226 300 km 2 .
138